Isaías 48:4 - Qullan Arunaca

⁴ Cunjämtejj nayajj juman jan ist'asirïtam yatiyätjja, mä fierror uñtata wali ch'ollkhëtawa, broncer uñtata jan c'umt'cayaraquïtawa,

Aymar Bibliia 1986

⁴ Cunjämtejj nayajj juman jan ist'asirïtam yatiyätjja, mä fierror uñtata wali ch'ollkhëtawa, broncer uñtata jan c'umt'cayaraquïtawa,

Qullan Arunaka DC

⁴ Kunjämtix nayax juman jan ist'asirïtam yatkäyätxa, mä fierror uñtat wali ch'ullqhïtawa, broncer uñtata jan k'umt'kayätawa,

Isaías 48:4 Jak'a apnaqawi uñst'ayäwi

2 Reyes 17:14

Ucampis jupanacajj janiw ist'añ munapcänti, jan ucasti kala chuymaniw tucupjjäna nayra awquinacapjama, jupanacasti janiw Tatit Diosapar iyawsapcänti.

2 Crónicas 30:8

Uca laycu jumanacasti janiy nayra awquinacamjama jan ist'asiri tucupjjamti, Tatitumpejj sumancjjapjjam wasitata suma amtäwiru jupamp mantañataqui, ucatsti jutjjapjjam santuarioparu, jupasti wiñayataquiwa uca santuario yakhachasi. Jumanacasti Tatit Diosamar sirvipjjam, jupasti janiw jumanacataquejj colerascjjaniti.

2 Crónicas 36:13

Uqhamarusa Nabucodonosor reyitaquiw sayt'asïna, juparusti Dios laycuw juramento lurayäna jupampïñapataqui, ucatsti munañapampejja janiw Israelana Tatit Diosapar cuttañjja muncänti.

Nehemías 9:28

“Ucampisa jupanacajja mä juc'a samaraña jicjjatasinjja, wastatampiwa cutt'apjjäna juman nayrakatamana jan walinaca lurañataqui; ucatwa uñisirinacapan amparanacapar catuytajja jupanacar apnakapjjañapataqui. Ucatjja wastatampiwa yanapa mayipjjäyätam, ucampis jumajj jach'a qhuyapayasiñam laycojja alajjpachatpachwa ist'äyätajja, jupanacaru walja cuti khespiyasina.

Salmos 75:5

ch'amamat jan ucatak p'ek waytapjjamti, janirac k'añu arunac parlirïpjjamti.

Salmos 78:8

nayra pachan jaquir awquinacapjam jan sarnakapjjañapataqui, kallasir t'ajjmar jan jakëpjjañapataqui, pächasir chuyman jan jakëpjjañapataqui, Diosat saraktir jan jakëpjjañapataquiraqui.

Éxodo 32:9

Tatitojj Moisesarojj sascaquïnwa: —Nayasti aca jakenacar uñjasinjja amuytwa, chekpachapuni jupanacajj jan suma amuyt'asirïpjjatapa.

Éxodo 33:3

Sarapjjam cawqhantejj leches, misq'isa umjama jalasqui uca orakeru. Ucampis nayajj janiw jumanacampi sarcäti, janiw nayajj muncti thaquina jumanacaru tucjaña, jumanacasti naya contra tucuri jakenacäpjjtawa uca laycu —sasa.

Éxodo 33:5

Tatitusti Moisesarojj sataynawa: —Aqham yatiyam israelitanacarojja: ‘Jumanacajj naya contra tucuri jakenacäpjjtawa. ¡Nayatejj jumanacampi sarirista ucajja, mäquiw tucjapjjerismajja! Jichhasti jumanacajj suma yänacamjja apakasipjjamaya, ucatsti nayaw yatï jumanacampi cunjämaru lurañsa’ —sasa.

Éxodo 9:7

Faraonajj israelitanacan uywanacap uñjiriw qhithäna, ucampis jan maya uywanacapas jiwatap yatisinsti, faraonajj chuymap kalarayasïna, ucatsti janiw israelitanacarojj sarjjapjjañapataquejj antutcjjänti.

Proverbios 29:1

Qhititejj chekachatajj jan ist'asiñ munqui ucajja, mäquiwa tucjatäni jan mayampitaqui.

Isaías 30:9

Aca marcajj Diosataqui sayt'asir marcawa, janiw take chuymäcaraquiti, janiraquiw Tatitun yatichäwinacapsa ist'añ munapquiti.

Isaías 46:12

Ist'apjjeta, jan ist'asir jakenaca, khespiyasiñajj wali jayanccaspas uqhamwa jumanacajj amuyapjjtajja:

Jeremías 19:15

“Israelan take ch'amani Dios Tatitupajja aqham siwa: ‘Aca marcarojja uqhamaraqui yakha jac'anquiri marcanacarusa, cuna mutuyäwtejj jupanacataqui arscta ucwa apayanëjja, cuna arunactejj nayajj arscäyäta uca arunacataqui c'ullusipjjatam laycu, janiraqui uca arunacaru jaysapjjatam laycu.’ ”

Jeremías 3:3

Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Jeremías 7:26

Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Ezequiel 2:4

Wawanacapas jupanacjama c'ullu, kala chuymani jan amuyt'ani jakenacäpjjaraquiwa. Jichhasti jumarojj jupanacan ucaruw qhitäma jupanacaru aqham sasa parlañamataqui: ‘Aqham siwa Tatitojja.’

Daniel (hebreo) 5:20

Ucampisa cunapachatejj sinti munañani tucjjäna, uqhamaraqui jach'a jach'a tucuñampi phokhantayasïna, ucapachaw Diosajj apakjjäna, take ch'amapsa uqhamaraqui jach'a cancañapsa reyïtap laycu.

Hechos 7:51

“Estebanajj sascaquïnwa: Jumanacajj sinti kala chuyman jakenacäpjjapuntawa. Jinchunacamasa Diosar jan uñt'ir jakenacanjamawa. Jumanacajj Kollan Ajayu conträpjjaractawa, cunjamäcäntejj awquinacamajj uqhamaraquïpjjtawa.

Romanos 2:5

Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.

Deuteronomio 10:16

“Jumanacan chuymanacamarojj suma arust'äwiru mantatäquis uca arunaca uchapjjaraquim, jan juc'ampi chuymanacam kalarayasipjjamti.

Deuteronomio 31:27

Nayasti yattwa jumanacan Tatitu contra sayt'asiri, amuyt'asiri jakenacäpjjatamjja. Naya jacasquipansa jumanacajj Tatitu contraw sayt'asipjjtajja, ¿cunjämaraquïni nay jiwjjä ucqhasti?

Hebreos 3:13

Ucampis, maynit maynicam sapüru ch'amacht'asipjjam, jichhüru tiempojj utjquipana, jan qhitis jumanacat juchamp atipjatäñapataqui, ucat chuymapajj jan wal tucuñapataqui.