Éxodo 1:5 - Qullan Arunaca

Jacobon wawanacapasti juntorojj pakallko tuncänwa. Ucampis Joseajj Egiptoncjjaraquïnwa.

Aymar Bibliia 1986

Jacobon wawanacapasti juntorojj pakallko tuncänwa. Ucampis Joseajj Egiptoncjjaraquïnwa.

Qullan Arunaka DC

Jacobun wawanakapax taqpachanix paqallq tunkanïnwa. Ukapachasti Joseax Egipto markan jikxatasxäna.

Éxodo 1:5 Jak'a apnaqawi uñst'ayäwi

Génesis 50:22

Joseampi awquipan familiapampisti Egipton jacasipcaquïnwa. Joseasti pataca tuncani maraw jacaraquitayna,

Éxodo 1:20

Diosasti uqham asquinacwa parteranacarojj lurayäna. Ucatsti Israel marcajj waliw mirantäna, uqhamarac wali ch'amaniraquiw tucupjjaraquïna.

Éxodo 1:4

Dan, Neftalí, Gad, Aser ucanaca.

Hechos 7:14

Joseasti Jacob awquiparojj jac'aparuw jawsayasjjäna, uqhamarac takpach familianacapampirusa. Familiapasti pakallk tunca pheskani jakenacänwa.

Deuteronomio 10:22

Cunapachatejj awquinacamajj Egipto marcar puripjjän ucqhajj pakallk tunca jakequïpjjänwa, ucampis jichhajj Tatitu Diosamajj waljaniruw tucuyapjjtam, alajjpach walja warawaranacjama.

Jueces 8:30

Gedeonajj pakallko tunca wawanacanïnwa, uqhamarac walja warminacaniraqui.