¿Jumajj amuytati suma jiwa arunacäcaspas uqhama, suma yatekata, wali ch'amampi nuwasiñäqui ucjja? ¿Qhitirupunis alcatasta nayataqui sayt'asiñamataquejja?
Efesios 5:6 - Qullan Arunaca Jan qhitis lokhe arunacapampejj jumanacar sallkjpati, uca arunac utjatap laycuw Diosan ajjsarcañ mutuyäwipajj juti cawquïrinacatejj Diosar jan ist'apqui ucanacataqui. Aymar Bibliia 1986 Jan qhitis lokhe arunacapampejj jumanacar sallkjpati, uca arunac utjatap laycuw Diosan ajjsarcañ mutuyäwipajj juti cawquïrinacatejj Diosar jan ist'apqui ucanacataqui. Qullan Arunaka DC Jan khitis jumanakarux k'ari arunakapampi sallqantkpati, chiqpachansa ukham tuqiw Diosan axsarkay mutuyäwipax juti, khitinakatix Diosar jan jaysapki ukanakataki. |
¿Jumajj amuytati suma jiwa arunacäcaspas uqhama, suma yatekata, wali ch'amampi nuwasiñäqui ucjja? ¿Qhitirupunis alcatasta nayataqui sayt'asiñamataquejja?
Diosan k'apisiñapajj jupanacatac wallakëna; wali ch'aman jakenacaruw jiwarayäna, Israelanquir wali chachanacaruw tucusiyäna.
“Uca laycu jumanacajj jan ist'apjjamti uca profetanacarojja, yatirinacarusa, samcanaca khanañchirinacarusa, laykanacarusa, qhitinacatejj acat kheparu cunanacatejj lurascani ucanaca yatiyañ munirinacarusa, jupanacasti Nabucodonosor reyiru jan jaysapjjañapataquiw ch'amachasipqui, amtayasipcaraqui.
“Take qhitinacatejj uca jaya marcaru apanucuyatäpqui ucanacarusti aqham sasa ewjjaraquim. Naya Tatituw arsta: Niyaquejjay Nehelam chekanquiri Semaías jakejj nayan sutejj-jjaru uqham sasa parljjayapjjstamjja, nayasti janiw juparojj qhitancti, jumanacarusti c'ari arunacwa parljjayapjjtamjja.
Jichhasti naya Tatituw sapjjsma: Jan chuymanacamanjja cusisipjjamti, janiraqui sapjjamsa: ‘Caldeonacajj sarjjaniwa’ sasa, ucasti janiw uqhamäcaniti.
“Marcajjasti pantat thaquinacanjamwa sarasqui, cawquïri profetanacatejj sallkjapqui ucanac laycu, uca profetanacasti, qhitinacatejj jupanacar mank'ayqui ucanacarojj suman sarnakasiñwa yatiyi, ucampis qhitinacatejj jan mank'añ churqui ucanacarusti ‘nuwasiñaw utjani’ sapjjaraquiwa. Tatitusti uca profetanacarojj siwa:
Ucürunacanjja walja sallkjirinacaw jutani: ‘Cristötwa’ sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.
Jesusasti ucjjarojj saraquïnwa: — Amuyasipjjam, jan qhitimpis sallkjayasipjjamti.
C'ari cristonacampi, c'ari profetanacampiw sartani. Ucatsti unañchanacamp, muspharcañanacamp lurapjjani, jakenacar pantjayañataqui. Waquisin ucqhajj Diosan ajllitanacaparus pantasiyañ munapjjani.
Jesusajj jupanacarojj sänwa: —Wal amuyasipjjam, janiw qhitimpis sallkjayasipjjätati.
Uñjtanwa Diosan ajjsarcañ mutuyäwipajj alajjpachatwa jutasqui take acapachan jan wali jakenacataqui, uqhamarac juchararanacataqui. Jupanacan juchanacap laycuwa cheka cancañajj jan khanstquiti.
Jan chhakañaru apayasipjjamti qhitinacatejj wali suma chuymanit uñt'ayasipqui, uqhamarac angelanacar yupaychiri tucupqui ucanacampejja. Jupanacajj uñanchäwinacs uñjapcaspa uqhamäpjjewa, ucatsti amuyt'anïpjjatap laycuraquiw wali jach'a jach'a tucupjje.
Acsti jumanacarojj sapjjsmawa jan qhitis jumanacar suma arunacampi sallkjascañapataqui.
Wal amuyasipjjam, janiraqui sallkjayasipjjamti qhitinacatejj c'ari amuyt'anacapampi sallkjañ munapjjtam ucanacampejja. Jupanacasti janiw Tatitur iyawsapquiti, jan ucasti jakenacan sarnakäwinacaparu, amtatanacaparuquiw phokhapjje cuna tokensa.
Uca laycuraquiw Diosan jach'a mutuyäwipajj juti, qhitinacatejj jupar jan ist'apqui ucanacjjarojja.
Jan cunäquipansa sallkjayasipjjamti. Janïra uca urojj purinquipanjja Dios contra sayt'añaw jutañapa, cunapachatejj ñankha jakejj uñstancani cawquïritejj t'unjañataqui juchañchatäqui uca.
Janiy yakha jan uñt'cay yatichäwinacampejj apayasipjjamti. Waquisiwa chuymanacasaru munasir Diosan ch'amap catokañasajja, mank'añataquejj cunayman leyinacas utjchi ucasa. Take aca leyinacajja janipuniw cuna ascsa lurcänti arquirinacaparojja.
Ucatsti aca aruraquiw phokhasi: “Uca kalajj mayninacarojj lanctasiyiwa liwisiyir karkaraquiwa.” Uca jakenacasti Tatitun arunacapar jan iyawsapjjatap laycuw liwisipjje, ucataqui uchatäpjjaraquïnwa.
Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.