Efesios 5:6 - Qullan Arunaka DC

⁶ Jan khitis jumanakarux k'ari arunakapampi sallqantkpati, chiqpachansa ukham tuqiw Diosan axsarkay mutuyäwipax juti, khitinakatix Diosar jan jaysapki ukanakataki.

Aymar Bibliia 1986

⁶ Jan qhitis lokhe arunacapampejj jumanacar sallkjpati, uca arunac utjatap laycuw Diosan ajjsarcañ mutuyäwipajj juti cawquïrinacatejj Diosar jan ist'apqui ucanacataqui.

Qullan Arunaca

⁶ Jan qhitis lokhe arunacapampejj jumanacar sallkjpati, uca arunac utjatap laycuw Diosan ajjsarcañ mutuyäwipajj juti cawquïrinacatejj Diosar jan ist'apqui ucanacataqui.

Efesios 5:6 Jak'a apnaqawi uñst'ayäwi

2 Reyes 18:20

¿Amuyatamat suma arunakax, wali ch'amampi, suma amuyt'asin nuwasiñat sipan pachpakiti? ¿Khitirurak alkatasta nayatak sayt'asiñamatakisti?

Salmos 78:31

Diosan q'apisiñapax jupanakatak purinïna; wali ch'aman jaqinakaruw jiwarayäna. ¡Israelankir aski chachanakaruw tukusiyäna!

Jeremías 27:9

“Ukhamax jumanakax jan ist'apxamti uka profetanakaru, yatirinakaru, samkanak qhanañchirinakaru, layqanakaru, janiraki akat qhiparu kunanakatix luraskani ukanak yatiyañ munirinakarus ist'apxamti, jupanakasti Nabucodonosor reyir jan jaysapxañamatakiw ukham amtayasipktam.

Jeremías 29:31

“Taqi khitinakatix uka jaya markar apanukutäpki ukanakarusti akham sasa iwxt'am. Naya, Tatituw arsta: Niyakixay Nehelam chiqankir Semaías jaqix nayan sutixar ukham sasa parlxayapxstamxa, nayasti janiw juparux uka k'ari arunak parlañapatak khithankti, jumanakarux uka k'ari arunakaruw iyawsayapxtam.

Jeremías 37:9

Jichhasti naya, Tatituw sapxsma: Jan chuymanakaman kusisipxamti, janirak sapxamsa: “Babilonionakax sarxaniwa” sasa, ukasti janiw ukhamäkaniti.

Miqueas 3:5

Profetanakan sallqjatap laykusti, markaxax pantjat thakhinakanjam saraski, khitinakatix jupanakar manq'ayki ukanakaruxa, uka profetanakax suman sarnaqasiñ yatiyi, manq'añ jan churki ukanakarusti “nuwantasiñäni” sapxarakiwa. Tatitusti uka profetanakarux siwa:

Mateo 24:24

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

Mateo 24:4

Jesusasti jupanakarux sarakïnwa: —Wal amuyasipxam, jan khitimpis sallqjayasipxamti.

Marcos 13:22

K'ari cristonakampi, k'ari profetanakampiw sartani, ukatsti jaqinakar pantjayañatakix unañchanakampi, muspharkañanakamp lurapxani, Diosan ajllitanakaparus pantasiyañ munapxani.

Marcos 13:5

Jesusasti jupanakarux sänwa: “Wal amuyasipxam, janiw khitimpis sallqjayasipxätati.

Romanos 1:18

Ukampis Diosax alaxpachatpach q'apisiñap uñacht'ayi, jan wali jaqinakaru, jan chiqapar uñjatapampi chiqa kankañ jark'antirinakaru.

Colosenses 2:18

Jan khitis llamp'u chuymanjam tukus jumanakar juchañchpati, khitinakatix angelanakar yupaychapki ukanakaxa, jupanakasti unañchäwinak uñjapxta sapxiwa, ukampis ukax k'arikamakiwa, jan wali amuyunakapatsti jach'a jach'aw tukupxi.

Colosenses 2:4

Uksti jan khitis jumanakar suma arunakampi sallqjaskañapatakiw sapxsma.

Colosenses 2:8

Wal amuyasipxam: jan khitis sallqa arunakampi, jaqin amuyuparjam k'ari amuyunakampi, jumanakar sallqantpati, jupanakasti janiw Tatitur jaysapkiti, jan ukasti jaqinakan sarnaqäwiparu, amtäwiparukiw jaysapxi.

Colosenses 3:6

Ukatpï Diosan jach'a mutuyäwipax khitinakatix jupar jan ist'apki ukanakxarux jutixa;

2 Tesalonicenses 2:3

Kunäkipansa jan sallqjayasipxamti. Ukampis janïr uka uru purinkipanxa, Diosar kutkatasirïñaw jutañapa, kunapachatix ñanqha jaqix uñstankan ukapacha, khititix t'unjañatak juchañchatäki uka.

Hebreos 13:9

Jumanakasti janiy yaqha jan uñt'at yatichäwinakampix apayasipxamti. Diosan munasiñapampi chuymar ch'amañchañax juk'amp sumawa, manq'añanakxat kunayman arsutanakar phuqhañat sipana, uka arsutanakax janiw kunapachas askïkänti.

Hebreos 3:19

Ukhamasti jupanakax jan iyawsapxatap laykuw jan mantapkänti.

1 Pedro 2:8

Qillqatan saskakiwa: “Aka qalax waljaniruw liwisiyani; waljaniw aka qarqar lanktasipxani,” sasa. Jupanakasti Tatitun arunakapar jan iyawsapxatapat liwisipxi, ukatak uchatarakïnwa.

1 Juan 4:1

Munat jilatanaka, janiy kawkïr ajayurus iyawsapkakimti, jan ukasti uñakipapxam, Diosan ajayupati janicha uk yatiñataki. Akapachax walja k'ari profetanakamp phuqhantatawa.