Efesios 1:8 - Qullan Arunaca

Diosajj jach'a munasiñapwa uñacht'ayistu, take yatiñ cancaña uqhamaraqui amuyt'a churasina.

Aymar Bibliia 1986

Diosajj jach'a munasiñapwa uñacht'ayistu, take yatiñ cancaña uqhamaraqui amuyt'a churasina.

Efesios 1:8 Jak'a apnaqawi uñst'ayäwi

Salmos 104:24

¡Tatay, luräwinacamajj waljapuniwa! Yatiñ cancañampiw take cuns lurtajja, orakejj luratanacaman phokhantatawa.

Proverbios 8:12

“Naya, yatiñ cancañajj, ch'iqhi cancañamp chicaw jacta, suma ewjja arunacwa jicjjatañ yatta.

Isaías 52:13

Sirvirejjajj take cunan atipjani, wali jach'aru aptatäniwa.

Mateo 11:19

Ucjjarusti naya, Jaken Yokaparaquiw, jutta. Nayasti mank'aractwa, umaractwa. Ucatsti jumanacajj sapjjaraquistawa: ‘Ancha mank'eriw, umiriraquiw, impuesto cobririnacana, uqhamarac juchararanacampin amigopaw’ sasa. Ucampis Diosan yatiñapajj luräwinacap tokew uñacht'ayasi.”

Romanos 11:33

¡Cunja sumas Diosan yatiñ cancañapajja, munañapasa, amuyt'apasa! Janiw jupan amtäwinacapjja khanañchcsnati, ni jupan thaquipsa amuyt'caracsnati.

Romanos 5:15

Ucampis Adanan juchapjja janiw cuntejj Diosajj churquistu ucampejj mayachcsnati. Mä jaken juchar puritap laycojja walja jakenacaw jiwari. Ucampis Diosajj ina ch'usataqui khespiyasiña churquistu mä jake Jesucristo toke ucasti, chekpachansa juc'amp jach'awa, uqhamarac walja jakenacatac asquiraquiwa.

1 Corintios 2:7

Diosan yatiñ cancañapatwa parlapjjtjja, uca Diosan amtatapasti jan amuyt'cayawa. Aca orakejj janïra utjcän ucqhatpachracwa Diosajj ucanacjja amtäna jiwasan khespiyasiñasataqui, wiñayan wiñayapataqui.

Efesios 1:11

Cristompïtas laycuwa Diosajj nayratpacha ajlliwayistu, cuntejj jupajj jiwasanacar churañapäcän uc catokañasataqui. Take acanacasti Diosan amtäwiparjamawa, cawquïritejj take cuns lurqui cunatejj jupataquejj asquïqui uqhamarjama.

Efesios 1:7

Diosajj jach'a munasiñapatwa Yokapan jiwäwipa toke khespiyistu, juchanacassa perdonasaraqui.

Efesios 1:9

Uqhamaraquiw uñt'ayistu jan amuyt'cañ amtäwipjja, ucasti cuntejj jupajj munañaparjam amtqui ucawa.

Efesios 3:10

Ucasti jichhajj iglesia tokew lurasi take munañaninacaru uqhamarac alajjpachanquir jilïrinacaru Diosan yatiñapjja take toketa uñt'apjjañapataqui.

Colosenses 2:3

Uca Criston imantatäscaraquiwa take yatiñasa, amuyt'asiñasa.

Judas 1:25

Juparuya yupaychañasa, jach'a cancañasa, ch'amasa, uqhamarac munañanïñasa churatäpan Tatit Jesucristo toke wiñayan wiñayapataqui. Uqhamäpan.

Apocalipsis 5:12

Wali jach'ataracwa art'apjjäna, aqham sasa: “¡Cawquïri Corderotejj jiwayatäcäna ucajja, asquiwa munañanïñataqui, kamir cancaña, yatiñ cancaña, ch'amanïña, wali aytatäña, jach'achatäña, yupaychatäña catokañataquisa” sasa.