Apocalipsis 8:3 - Qullan Arunaca

Ucatsti yakha angelaraquiw mä kori incensario apt'ata jutäna, ucatsti altar nayräjjaruwa sayt'asi. Uca angelarusti walja inciensoraquiw churatäna, take qhitinacatejj Diosancapqui ucanacan oracionanacapampi chica loktatäñapataqui. Uca loktäwsti trono nayräjjancquis uca kori altarjjaru loktañapänwa.

Aymar Bibliia 1986

Ucatsti yakha angelaraquiw mä kori incensario apt'ata jutäna, ucatsti altar nayräjjaruwa sayt'asi. Uca angelarusti walja inciensoraquiw churatäna, take qhitinacatejj Diosancapqui ucanacan oracionanacapampi chica loktatäñapataqui. Uca loktäwsti trono nayräjjancquis uca kori altarjjaru loktañapänwa.

Qullan Arunaka DC

Ukatsti yaqha angelarakiw jutäna, qurit lurat incienso q'apichañ apt'ata, jupasti altar nayräxaruw sayt'asïna. Uka angelasti walja incienso katuqi, qhapaq qunuñ nayraqatankir quri altarxan luqtañataki, qullan markan mayisïwinakapamp chika luqtañataki.

Apocalipsis 8:3 Jak'a apnaqawi uñst'ayäwi

1 Reyes 7:50

copanaca, pabilo naqhatanac apakañanaca, tazonanaca, cucharonanaca, incensarionaca, ucanacasti koritcamaquïnwa. Uqhamaraquiw Kollana Templo mankhëjjana puncunacapan goznes sat uca bisagranacapasa korit luratcamaraquïna, uqhamarac templo pachpan bisagranacapasa.

Salmos 141:2

Mayisitajjajj inciensor uñtat nayrakatamar maqhatanpan, lokatatat amparanacajjasti, jayp'u loktäwjamäpan.

Éxodo 40:26

Uqhamarac ucharaquïnwa korit lurat altara Tatitumpi Jiquisiña Carpa mankheru, velot nayräjjaru.

Isaías 6:6

Ucapachawa uca mayni ninjam c'ajquir angelajj nayan ucar jalani. Mä tenazampiraquiw apjjäsiscäna altarat aptanit mä nina sanc'a,

Ezequiel 41:22

Sinti Kollana sat Lugara uñcatasinsti, mayaw utjaraquïna maderat lurat altarar uñtata, thiyanacapasti mä metroncamaraquïnwa, amstarusti mä metro chicatancamaraqui. Esquinanacanïnwa, thiyanacapasa utt'äwipasa maderat lurataraquïnwa. Ucat uca jakejj saraquitu: “Aca mesajj Tatitun nayrakatapancquisa uca mesawa” sasa.

Amós 9:1

Uñjtwa Tatiturojj altar jac'ana, ucatsti saraquiwa: “Uta perkar c'uphantam umbralanacap onjjtayañcama, ¡ucat uca perkajj jakenacjjaru alljattasin jiwaypan! Kheparapcani ucanacarusti ari espadampcamaw jiwarayäjja; inaquiw jaltañsa munasipcani, janipuniw maynis khespcaniti.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Números 4:11

“Korit lurat altarjjarusti mä morado telampiw janjjatapjjaraquini suma lip'ichinacampi imantasina, uqhamarac ucanacjja mä lawanacjjaruw apapjjäta.

Lucas 1:10

Cunapachatï jupajj incienso loktascän ucqhajja, take jakenacajj ankäjjan Tatitut mayisipcäna.

Romanos 8:34

¿Qhitiraqui jupanacarusti juchañchaspasti? Janiw qhitisa. Cristowa jiwquis ucajja, juparaquiw jiwatanac taypit jactanquis ucajja, jichhasti Diosan cupëjjapan kont'atäsquiwa, jiwasanacataquisti mayiscaraquiwa.

Hebreos 7:25

Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.

Hebreos 9:4

Ucansti mä kori altaraw utjaraquïna, incienso naqhayañataqui, uqhamarac arust'äwi arca korimpi apaquipata. Uca arca mankhansti mä kori chatuw ucancäna, maná sat t'ant'araquiw uca chatu mankhancaraquïna, Aaronan ch'ojjñatatcänsa uca varapasa ucancaraquïnwa, uqhamarac arust'äwi kellkat kalanacasa.

Apocalipsis 10:1

Ucatsti mä wali munañani angelaruw alajjpachat sarakasinquir uñjta mä kenayampi muyuntata, p'ekeparusti mä cürmini cuna. Ajanupajj intir uñtataw khanäna, cayunacapasti ninar uñtataraquïnwa.

Apocalipsis 14:18

Altaratsti yakha angelaraquiw mistuni. Uca angelasti ninjjaru munañanïnwa, ucatsti uca hoz ayt'atäcänsa uca angelaruw jach'at art'i aqham sasa: “¡Uca ari yawiñ hosimampi apthapim uva achunaca, uvasti pokoratäjjewa!” sasa.

Apocalipsis 5:8

Libro apakcäna ucqhasti uca pusi jacasquirinacasa, uqhamarac uca pä tunca pusini jilïrinacasa uca Cordero nayrakataruw quillt'asipjjäna. Sapa mayni jilïrinacasti mä arpa apt'atäpjjänwa, uqhamarac mä kori copa ast'atcama. Uca kori copanacasti incienson phokhantatänwa, uca inciensosti Diosan wawanacapan oracionanacapänwa.

Apocalipsis 6:9

Cunapachatejj Corderojj pheskëri sello ch'iyjcän ucqhasti, altar mankhansti, qhitinacatejj Tatit laycu, uqhamarac arunacap laycu jiwarapcänsa ucanacan almanacapwa uñjta.

Apocalipsis 7:2

Ucatsti uñjaractwa inti jalsu toketa mä angelaru jutasquiri, jupasti jacquir Diosan sellop apt'atänwa. Aca angelasti wali jach'at art'äna uca pusi angelanacaru, qhitinacatï ch'amanïña catokcatayna aca orake uqhamarac kotsa jan walinacampi tucjañataqui,

Apocalipsis 8:4

Incienso jek'esti angelan amparapatjja Diosan nayrakataparuw maqhatäna Diosan wawanacapan oracionanacapamp chica.

Apocalipsis 8:5

Ucatsti angelajj incensario catusinjja, altarancquis uca nina sanc'anacampiw phokhantäna, ucatsti aca orakeruw ucjja wartanjjäna. Aca orakensti khejjokhejjonaca, ojjoñanaca, llijullijunaca, mä orak qhathati cunaw utjaraquïna.

Apocalipsis 9:13

Sojjtïri angelasti trompetapjja phust'asiraquiwa, ucatsti mä aru ist'ta. Uca arusti Diosan nayräjjapancquis uca altaran pusi wajjra taypitwa mistüna.