Saúl reyimpina, Jonatán yokapampina jiwatapatsti wali jachapjjäna, wararipjjaraquïna, uqhamaraqui israelitanacajj atipjata uñjasipjjatapatsa. Dios Tatitun ejercitopajj atipjatätapata jayp'ucamaw ayunapjjaraquïna.
2 Samuel 3:32 - Qullan Arunaca Ucatsti Abnerarojj Hebronaruw imjjapjjäna. Ucanwa reyejj wali jach'at wararisa jachäna, Abneran sepulturap jac'ana, take jakenacasa uca quipcaraquiw jachapjjäna. Aymar Bibliia 1986 Ucatsti Abnerarojj Hebronaruw imjjapjjäna. Ucanwa reyejj wali jach'at wararisa jachäna, Abneran sepulturap jac'ana, take jakenacasa uca quipcaraquiw jachapjjäna. Qullan Arunaka DC Abnerarusti Hebrón markaruw imt'xapxäna. Ukansti reyix Abneran sepulturap jak'an wali jach'atpun jachäna, taqpach markaw jupamp chik jachäna. |
Saúl reyimpina, Jonatán yokapampina jiwatapatsti wali jachapjjäna, wararipjjaraquïna, uqhamaraqui israelitanacajj atipjata uñjasipjjatapatsa. Dios Tatitun ejercitopajj atipjatätapata jayp'ucamaw ayunapjjaraquïna.
Reyisti chuymapwa ch'alljjtayasïna, ucatsti puncu patanccäna, uca utaru mantasinwa wali jachäna. Sarnakcasasti saraquïnwa: “¡Absalón, wawajja, Absalón wawajja! ¡Nayaw juma lanti jiwañjja muniriscäyäta! ¡Wawajja, Absalón wawajja!” sasaw jachäna.
Ucatsti ucspachaw Davidajj oficialanacaparojj ordenaraquïna, ucat uca oficialanacajj jiwarayapjjaraquïnwa, amparanacapsa, cayunacapsa qhuchhurapjjaraquïnwa, ucat uca Hebrón marcan uma estanque jac'aruw warcuranipjjäna. Ucatsti Is-boset jaken p'ekep catusinsti, Hebrón chekaruw imt'jjapjjaraquïna, Abner jaken sepulturaparu.
Uqhama lurañajj mutuña catokañjamäsapänwa, ¡alajjpacha Diosar jan uñt'iri tucuñäsapänwa!
“Janipuniw uñisirejjan aynacht'atapatjja cusiscäyätti, mä jan walt'añan juparu puritapatsa cusiscäyätti.
Cunapachatejj uñisirimajj jan walt'cani, uqhamarac aynacht'cani ucqhajja, jan cusisimti, janirac fiestsa luramti.