2 Samuel 15:16 - Qullan Arunaca

Uqhamaw reyejj, kawkhanitejj palaciopan utjcän ucanacampi chica mistuwayjjäna. Tunca warminacaparuquiw jaytawayatayna palacio uñjapjjañapataqui, uca warminacasti reyin warminacapänwa.

Aymar Bibliia 1986

Uqhamaw reyejj, kawkhanitejj palaciopan utjcän ucanacampi chica mistuwayjjäna. Tunca warminacaparuquiw jaytawayatayna palacio uñjapjjañapataqui, uca warminacasti reyin warminacapänwa.

Qullan Arunaka DC

Ukhamaw David reyix, qawqhanitix reyi utan utjkän jupanakamp chika mistuwayxäna. Tunka warminakaparukiw jaytawayäna reyi uta uñjapxañapataki.

2 Samuel 15:16 Jak'a apnaqawi uñst'ayäwi

2 Samuel 12:11

Naya Tatituw acjja arsta: Jichhasti jan walt'añanacjja juma contrajj pachpa utamatwa sartayäjja, juman uñjcataraquiw warminacamarus pachpa familiamat mayniru catuyaraquëjja, jupajj urpachaw uca warminacampejj iquintaraquini.

2 Samuel 12:2

Kamiristi walja ovejanacani uqhamaraqui walja vacanacanïnwa,

2 Samuel 15:15

Jupanacasti reyirojj sapjjaraquïnwa: —Nanacajj cuntejj juma, jach'a reyejj, sapjjetäta uca lurañataquejj janc'aquïsipctwa —sasa.

2 Samuel 15:17

Reyisti take qhitinacatejj jupampi chica sarcän ucanacampisti marca thiya utäquis ucaruw sayt'apjjäna.

2 Samuel 19:10

Jichhasti Absalonajj, cawquïrirutejj jiwasajj reyit utt'ayasiyätan ucajj, guerran jiwaraqui. ¿Cunsa jichhajj suyañäni, rey Davidaru cuttayaniñataquejja?” sasaw parlasipjjäna.

2 Samuel 20:3

Cunapachatejj Davidajj palacioparu, Jerusalén marcat cuttanjjän ucapachasti, cawquïri tunca uñt'atanacaparutejj palacio uñjapjjañapataqui jaytawaycataynasa ucanacwa irptasjjäna, ucatsti mä utaruw irpantayjjaraquïna, wali suma guardiataraqui. Ucanwa jupanacarojj uñjayascäna, ucampisa janiraquiw maynirusa warmiscänti. Uqhamaw jupanacajj ucan jacapjjäna, jist'antata, ijma warminacjamaraquiw jacapjjäna jiwaña urunacapcama.

Salmos 3:1

Tatay, waljaniw nayamp timasirinacajja, waljaniw nayataquejj sayt'apjje;

Romanos 12:2

Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.

Jueces 4:10

Cedes sat marcansti, Barac sat chachajja Zabulón, Neftalí uca tribunquir tunca waranka chachanac tantacht'asajja mä jach'a ejército sayt'ayäna jupan irpata. Ucampis Débora sat warmejja jupampi chicaraquiw sararaquïna.

1 Samuel 25:27

Jichhasti nayajj achict'assmawa, take aca wajjt'äwinaca apanirapcsma ucanacasti take uywatanacamajj jumampi chica jutapqui ucanacaru laquinokatäpan.

1 Samuel 25:42

Ucanac sasinsti janc'aquiw apthapisiraquïna, ucatsti pheska uywatanacapa irpjjarusisinwa mä asnoru konjjatawayasinjja, Davidan qhitatanacapan khepapatwa sarjjäna. Ucatwa jupampi casarasiraquïna.