2 Samuel 13:21 - Qullan Arunaca

Cunapachatejj David reyejj take acanaca ist'äna ucapachasti walipuniw colerasïna; ucampisa Amnón wawaparojj janiw uca luratapatjja juchañchcänti, jilïri wawapätapa, uqhamarac sinti munatätap laycu.

Aymar Bibliia 1986

Cunapachatejj David reyejj take acanaca ist'äna ucapachasti walipuniw colerasïna; ucampisa Amnón wawaparojj janiw uca luratapatjja juchañchcänti, jilïri wawapätapa, uqhamarac sinti munatätap laycu.

Qullan Arunaka DC

David reyisti uk yatisinxa, walpun q'apisïna; ukampis Amnón yuqaparux janiw uka luratapat kuns kamskänti, juparux sinti munasirakïna, jilïri wawapätap layku.

2 Samuel 13:21 Jak'a apnaqawi uñst'ayäwi

Génesis 34:7

Cunapachatejj Jacobon yokanacapajj pampat purinjjapjjän ucqhasti, cunatejj pascatayna uca yatisinsti, walipuniw colerasipjjäna, Siquem jaken uqhama Jacobon phuchapampi iquintatapajj sinti jach'a deshonränwa Israel marcataquejja. ¡Janipuniw uqham lurasiñapajj waquiscänti!

Génesis 35:22

Mä uru Israelajj uca chekan jaccäna ucqhajja, Rubenajj Bilha warmin ucaruw saratayna, ucatsti ucampiw iquintatayna, uca warmisti awquipan uñt'atapänwa. Uc yatisinsti Jacob awquipajj walpun colerasïna. Jacobon wawanacapajj tunca payanïnwa.

2 Samuel 12:10

Jichhajj jumajj nayarojj jisc'achistawa, Urías hitita jaken warmipa catuntasisajja, ucatsti warmt'asiractawa, ucatpï jichhajj utamatjja janipuniw jayarst'caniti jan walt'añanacajja.

2 Samuel 12:5

Davidasti uca jake contrajj walpun colerasïna, Natanarusti saraquïnwa: —¡Diosan sutipjjaruw arsta, cawquïri jaketejj uc lurqui ucajj jiwañapawa!

2 Samuel 13:20

Ucatwa Absalón jilapajj jisct'äna: —¿Amnón jilamat aqhamjja lurtam? Uqhamächi ucapachasti, jan cunsa parlamti, munat cullaca, jupajj jilamawa. Jan aca toketjja sinti llaquisimti —sasa. Tamarasti uqham apanucuta uñjasisajj Absalón jilapan utapanwa jicjjatasïna.

2 Samuel 13:22

Absalón jilapasa Amnonarojj janiraquiw cunsa siscänti aca toketjja, Tamar cullacaparu uqham jan wali luratapata wali colercchïna ucasa.

Salmos 101:8

Ñankha lurir jakenacarojj sapa willjtaw amuct'ayä, jan wali jakenacarojj Tatitun marcapat jakonucü.

1 Samuel 2:29

¿Cunatarac jichhasti jisc'achapjjesti cuna ofrendanactejj nayajj churapjjam siscta ucsti? ¿Cunatarac nayat sipansa juc'ampi wawanacamaru muntasti, uqhamat jupanacar cuntejj Israel marcajjajj churqui uca ofrendanacampi liq'intaytasti?’ sasa.