2 Samuel 13:21 - Qullan Arunaka DC

²¹ David reyisti uk yatisinxa, walpun q'apisïna; ukampis Amnón yuqaparux janiw uka luratapat kuns kamskänti, juparux sinti munasirakïna, jilïri wawapätap layku.

Aymar Bibliia 1986

²¹ Cunapachatejj David reyejj take acanaca ist'äna ucapachasti walipuniw colerasïna; ucampisa Amnón wawaparojj janiw uca luratapatjja juchañchcänti, jilïri wawapätapa, uqhamarac sinti munatätap laycu.

Qullan Arunaca

²¹ Cunapachatejj David reyejj take acanaca ist'äna ucapachasti walipuniw colerasïna; ucampisa Amnón wawaparojj janiw uca luratapatjja juchañchcänti, jilïri wawapätapa, uqhamarac sinti munatätap laycu.

2 Samuel 13:21 Jak'a apnaqawi uñst'ayäwi

Génesis 34:7

Kunapachatix Jacobun yuqanakapax pampat purinxapxän ukkhasti, kunatix luraskatayna uk yatisin walpun q'apisipxäna, Israelatakix Siquem jaqin ukhama Jacobun phuchhapampi ikintatapax sinti jach'a p'inqänwa. ¡Janipuniw ukham lurañapäkänti!

Génesis 35:22

Uka chiqan Jacobux jakaskipanwa, Rubén yuqapax Bilhá sat warmimpi ikintatayna, uka warmisti Jacobun uñt'atapänwa. Jacobusti uk yatisin walpun q'apisïna. Jacobux tunka payan wawanakanïnwa.

2 Samuel 12:10

Jichhasti, nayar jisk'achatamata, ukatsti Urías hitita jaqir warmip irparatamatsa, janipuniw utamat jan walt'añanakax jayarst'kaniti.

2 Samuel 12:5

Uk ist'asasti, Davidax walpun uka qamir jaqitak phiñasïna, ukat Natanar sarakïna: —¡Diosan sutipxaruw arsta, khiti jaqitix ukham lurki ukax jiwañapawa!

2 Samuel 13:20

Absalón jilapasti uk yatisinxa jupar jiskt'änwa: —¿Amnón jilamat akham lurtam? Ukhamächi ukasti, janiw kuns parlätati, munat kullaka, jupax jilamawa. Jan ukxat sinti llakisimti —sasa. Tamarasti ukham apanukut uñjasisax Absalón jilapan utapan qhiparxäna.

2 Samuel 13:22

Absalonax janiw Amnonar parlxaykxänti, walpun jupar uñisïna, Tamar kullakapar ukham ñanqha luratapata.

Salmos 101:8

Ñanqha lurir jaqinakarux urut ururuw chhaqtayä, jan wali jaqinakarux Tatitun markapat jaqunukü.

1 Samuel 2:29

¿Kunatarak jan yäqapxtasti wilañchanaka, waxt'äwinak luqtapxam siskta ukarusti? Jumax nayat sipansa wawanakamarukiw juk'ampi yäqtaxa. Jupanakax markax nayatak apanki uka suma waxt'äwinakampiw sapürunjam lik'intasipki” sasa.