2 Samuel 10:1 - Qullan Arunaca Mä kawkha pachanaca pasjjepansti, amonitanacan Nahas sat reyipajj jiwjjänwa, jupa lantisti Hanún sat yokaparaquiw reyëjjäna. Aymar Bibliia 1986 Mä kawkha pachanaca pasjjepansti, amonitanacan Nahas sat reyipajj jiwjjänwa, jupa lantisti Hanún sat yokaparaquiw reyëjjäna. Qullan Arunaka DC Mä qawqha pachatsti, amonitanakan Nahas reyipax jiwxänwa, jupa lantisti Hanún sat yuqapaw reyit qunt'asxäna. |
cunapachatejj Davidajj Mahanaim sat chekaru purïn ucapachasti mistunipjjaraquïnwa juparu catokerejja Subi sat Nahas jaken yokapa, jupasti Rabá de Amón sisqui ucanquirïnwa; uqhamaraquiw Maquir sat jakes mistuniraquïna, ucasti Amiel sat jaken yokaparaquïnwa, Lodebar chekanquiriraqui; uqhamaraqui Barzilai sat jakes mistuniraquïnwa, cawquïritejj Rogelim de Galaad sisqui uca chekan utjasirïcän uca.
“¿Janit yatcta Baalis sata Amón oraken reyipajj jumataqui Netaniasan Ismael yokaparu qhitanitapa jumaru jiwayañataqui?” sasa. Ucampisa Gedaliasajj janiw jupanacarojj yäkcaraquïnti.