2 Corintios 4:10 - Qullan Arunaca

Cawqhanacarutejj sarapcta ucarojja, janchinacajjanjja apapjjapuntwa Criston jiwatapjja, uqhamata Jesucriston jacatapajj nanac toke uñstañapataqui.

Aymar Bibliia 1986

Cawqhanacarutejj sarapcta ucarojja, janchinacajjanjja apapjjapuntwa Criston jiwatapjja, uqhamata Jesucriston jacatapajj nanac toke uñstañapataqui.

Qullan Arunaka DC

Kawkharutix sarapkta ukkhanxa, janchinakaxan Criston jiwatap apapxapuntwa, ukhamat jupan jakatapax nanak tuqi qhanstañapataki.

2 Corintios 4:10 Jak'a apnaqawi uñst'ayäwi

Juan 14:19

Mä juc'ampitjja jakenacajj janiw juc'ampi uñjcjjapjjetaniti, ucampis jumanacajj uñjasipquitätawa, jumanacajj jacapjjätawa nayan jacascatajj laycu.

Romanos 6:5

Jiwasanacatejj jiwäwipana Cristompejj mayachatästanjja, uqhamaraquiw jacatatañapanjja jupampi mayachatäñäni.

Romanos 6:8

Jiwasanacatejj Cristompi jiwjjstanjja, jupampi jacañataquiw iyawstanjja.

Romanos 8:36

Kellkatanjja saraquiwa: “Juma laycuw sapürusa nanacajj jiwañataqui yakhachatäpjjta. Qhariñ ovejanacarjamaraquiw uñjapjjetu” sasa.

2 Corintios 1:5

Cunjämatejj Cristo laycu wali t'akhestanjja, ucatjamaraquiw wali jach'a chuymachäwimpi chuymachatätanjja.

2 Corintios 1:9

Jiwañar catuyata jakenacjamaw amuyasipjjäyätjja. Ucampis take ucanacajj Diosar catuyasiña yatekapjjañajjataquïtaynawa, jan nanacan ch'amanacajjarojja, uca Diosaw jiwatanacsa jactayejja.

2 Corintios 13:4

Chekpachansa mä pisi ch'ama jakjam ch'accatatänwa, ucampis Diosan ch'amapampiw jichhajj jacasqui. Uqhamaraquiw nanacajj jupjam pisi ch'amanjamäpjjtjja, ucampis jupampi chicäjjasinjja Diosan ch'amapanwa jacjjapjjtjja jumanacar sirviñataqui.

2 Corintios 4:11

Nanacasti jaccasinjja sapürus jiwañar catuyatapunïpjjtwa Cristo laycu, Jesusan jacañapajj aca jiwir janchi toke uñstañapataqui.

Gálatas 6:17

Acat kheparojj janiw qhitis nayar jan walt'ayañapjja muncti, walja chhojjrinacaraquiw janchejjan utji, ucanacaw Tatit Jesusar sirvirïtajj uñacht'ayi.

Colosenses 1:24

Jichhajj jumanac laycu t'akhesisajj cusistwa, uqhamatwa pachpa janchejjan phokhascta, cunatejj Criston cuerpopan t'akhesiñajj jan phokhatäcän ucjja, uca cuerposti iglesiawa.

2 Timoteo 2:11

Acajj chekawa: Jupampitejj jiwstan ucajja, jupampiraquiw jacañäni;

1 Pedro 4:13

Jan ucasti cusisipjjam Tatitjama t'akhesipjjatanacamatjja, uqhamata cusisiñan phokt'atäpjjañacamataqui cunapachatejj jupajj jach'a cancañapampi uñstancan uc uñjapcäta ucqhajja.

1 Pedro 4:14

Tatit laycutejj jumanacar jan wali arunacampi tokepjjätam ucajja, cusisiñanïpjjtawa, Diosan Ajayupasti jumanacjjaruw utt'asi. [Jupanacasti uca Ajayu contraw jan wali parlapjje, ucampis jumanacajj uca Ajayurojj jach'añchapjjaractawa.]

Apocalipsis 1:17

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.