2 Corintios 4:1 - Qullan Arunaca

Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.

Aymar Bibliia 1986

Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.

Qullan Arunaka DC

Ukat nanakax jan qarjasipkti, Diosaw khuyapayasiñapan aka luräwi katuyapxitu.

2 Corintios 4:1 Jak'a apnaqawi uñst'ayäwi

Isaías 40:30

Waynanacas karjtaquispawa, ch'amtayapjjaquiraquispawa, wali ch'amaninacasa aynacht'aquiraquispawa,

Isaías 40:31

ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.

Lucas 18:1

Jesusasti mä uñtasïwi tokew yatichäna, jan mayjt'asis oración lurañataqui.

1 Corintios 3:5

¿Qhitiraqui Pablosti? ¿Qhitiraqui Apolosti? Diosan sirviripaquïpjjewa, jumanacajj jupanac tokracwa Tatitur iyawsapjjtajja. Sapa maynis nanacarojj cuntï Diosajj: “Luram” sapquitu ucacracwa lurapjjta.

1 Corintios 7:25

Qhitinacatejj jan casadöpqui ucanacataquejj janiw cuna sañajjas Diosatjja utjquituti, ucampis nayajj ewjja arunacajjacwa churañ munaracta Diosan wawapjama.

2 Corintios 3:12

Nanacansti uca suyt'añaw utjapjjetu, ucataracwa take iyawsañampi parlapjjtjja.

2 Corintios 3:6

Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

2 Corintios 4:16

Ucatwa janipuni nanacajj mayjt'asipcti: Janchinacajjajj sapürusa aynacharus sarjjchi ucasa, ajayunacajjajj sapürutjamaraquiw machakar tucusqui.

2 Corintios 5:18

Take acanacsti Dios quipcaraquiw luri, jupampisa sumancthapiyjjaraquistu ucatsti Cristo tokew, takenirus Diosampi sumancthapiyañ arunac loktañwa jaytaraquistu.

Gálatas 6:9

Uqhamajja asqui lurañanjja janiw karjasiñasäquiti, janitejj karjtcañäni ucajja, horasaparuw cosechjja apthapiñäni.

Efesios 3:13

Ucatpï jumanacarojj achict'apjjsmajja, jumanac laycu t'akhesitajjatjja jan pächasipjjamti, antisas acajj jumanacataquejj mä jach'a jach'añchäwiwa.

Filipenses 4:13

Criston ch'amapampejj take cunaruw saycatirista.

2 Tesalonicenses 3:13

Jilatanaca, asqui lurañanjja jan karjtasipjjamti.

1 Timoteo 1:13

Nayrajj jan wali arunacampiw jupa toke parlasa jisc'achäyäta, uñisisaw arcnakaraquïyäta. Uqham lurctsa ucasa, Diosajj nayarojj qhuyapayasituwa, ucapachajj nayajj janïraw iyawsirïcäyätti, janiraquiw cuntejj lurcäyäta ucjja yatcäyätti.

Hebreos 12:3

Jumanacajj amuyapjjam Jesusana uñacht'äwipatjja, juchararanacan amparanacapanwa jupajj wal t'akhesïna. Uca laycu, janipun karjasipjjamti ni pächasipjjamsa.

1 Pedro 2:10

Jumanacajj nayrajj janiw mä marcäpcäyätati, jichhasti Diosan marcapäjjapjjtawa. Nayrajj janiw qhitis jumanacatjj qhuyapayascänti, ucampis jichhajj Diosaw qhuyapayasjjapjjtam.

Apocalipsis 2:3

Wali llamp'usiña take cunataquis usctajja. Naya laycusti waliraqui ch'am tuctajja, jan karjasisaw t'akhisiractajja.