1 Samuel 10:5 - Qullan Arunaca

Ucjjarusti Diosan orakepa Gabaa sisqui uca chekaruw puriraquïta, uca chekansti mä kawkha filisteo soldadonacaw ucancasqui. Marcaru mantasinsti mä kawkha profetanacampiw jiquisïta, jupanacasti santuariot sarakasinipcani. Jupanac nayrakatsti walja jakenacaw sarascaraquini, salterios, panderos, flautas, uqhamarac arpas uca instrumentonac toct'asisa.

Aymar Bibliia 1986

Ucjjarusti Diosan orakepa Gabaa sisqui uca chekaruw puriraquïta, uca chekansti mä kawkha filisteo soldadonacaw ucancasqui. Marcaru mantasinsti mä kawkha profetanacampiw jiquisïta, jupanacasti santuariot sarakasinipcani. Jupanac nayrakatsti walja jakenacaw sarascaraquini, salterios, panderos, flautas, uqhamarac arpas uca instrumentonac toct'asisa.

Qullan Arunaka DC

Uka chiqatsti Diosan uraqipa Guibeá chiqaruw purirakïta, uka chiqansti filisteo soldadonakaw ukankaski. Ukatsti markar mantkasin mä tama profetanakampiw jikisïta, jupanakasti jutir urunakan luraskani ukanak arsusaw qullan chiqawjat saraqasinipkani. Jupanak nayräxapsti walja jaqinakaw saraskarakini guitarranaka, panderonaka, pinkillunaka, arpanaka toct'asisa.

1 Samuel 10:5 Jak'a apnaqawi uñst'ayäwi

1 Reyes 18:29

Chica urusti pasjjänwa, ucampisa jupanacajja arnakasipcaquïnwa, lokhenacjamaraquiw thoknacapjjaraquïna sacrificio loktañ horascama, ucqhacamasti janiw cuna arusa utjcänti. ¡Janiw qhitis ist'ancänti, ni jayscaraquïnsa!

2 Reyes 2:15

Ucatjja Jericó marcanquir profetanacajj jupa nayrakatanccäna ucanacasti jupar uñjasinjja sapjjänwa: “¡Eliasan ajayupawa jichhajj Eliseompejja!” sasa. Ucatjja jupar jicjjatiriw sarapjjäna, ucatsti jupataqui alt'asisinjja,

2 Reyes 2:3

Ucampis Betelana jaquir profetanacajja, mistunipjjänwa Eliseoru jicjjatiri, ucatsti sapjjänwa: —¿Jumajj yattati Tatitojj yatichirimaru jichhüru apakcätam ucjja? —sasa. Ucjjarusti Eliseojj sänwa: —Jïsa, yatjjtwa, ucampis jumanacajj jan cunsa parlapjjamti —sasa.

2 Reyes 2:5

Ucampis Jericó marcan jacapcäna uca profetanacasti Eliseoru jicjjatiriw mistunipjjäna, ucatsti aqham sapjjänwa: —¿Jumajj yattati Tatitojj yatichirimaru jichhüru apakcätam ucjja? —sasa. Ucjjarusti Eliseojj sänwa: —Jïsa, yattwa, ucampis jumanacajj jan cunsa parlapjjamti —sasa.

2 Reyes 2:7

Ucampis pheska tunca profetanacaw purinisina jaya chekaru sayt'asipjjäna jupanac nayrakatana; ucatsti Eliasampi Eliseompejja Jordán jawira thiyaruraquiw sayt'asipjjaraquïna.

2 Reyes 3:15

¡Uqhamajj sarapjjam mä musicor irptanipjjam! —sasa. Ucatsti cunapachatï musicojj tocascäna ucqhajja, Tatitun ch'amapaw Eliseo profetjjaru jutäna,

2 Reyes 4:38

Ucatjja Eliseojj Gilgal chekaruwa cutt'jjäna. Qhä urunacansti uca orakenjja mank'at t'akhesiñaw utjäna. Mä cutisti cunapachatï profetanacajj Eliseoru muytata kont'atäsipcäna ucqhajja, Eliseojj uywataparojj sänwa: “Nina patjjaru jach'a phuqhu ucham, ucatsti mank'a phayam profetanacataqui” sasa.

2 Reyes 6:1

Mä uruwa profetanacajj Eliseoru sapjjäna: —Uñjam, cawqhantï jumampi jactan ucqhajja wali jisc'aquiwa nanacataquejja.

1 Crónicas 11:16

Belén marcana mä tama filisteo jakenacajj ucancasipcäna ucqhasti Davidajj nuwasiñatac lurat utancascänwa.

1 Crónicas 13:8

Uccañcamasti Davidampi, take Israel marcampejja sarasipcänwa k'ocht'asisa, thokt'asisa take ch'amanacapampi, arpa toct'at musicapampi, salterionacampi, panderonacampi, platillonacampi, trompetanacampiraqui.

1 Crónicas 16:42

Jupanacasti trompetanacani, platillonacanïpjjänwa, toct'apjjañapataqui, uqhamaraquiw yakha tocañanacanïpjjänsa Diosar k'ochuñana yanapapjjañapataqui. Jedutún chachan yokanacapasti puncu uñjapjjañapataqui utt'ayatäpjjänwa.

1 Crónicas 16:5

Jilïristi Asaf chachänwa, ucjjarusti Zacarías chacharaquïnwa; ucatjja jutapjjaraquïnwa Jeiel, Semiramut, Jehiel, Matatías, Eliab, Benaía, Obed-edom, Jeiel ucanacaraqui. Jupanacasti música tocañanïpjjänwa, salterionacani, uqhamarac arpanacani. Asaf chachasti platillonacwa tocäna.

Salmos 49:4

säwinac ist'añaruw uchasï; chuymajjan imantat arunacsti arpamp chicaw arsuraquï.

Salmos 92:3

arpanacamp chica, salteriomp chica k'ochuñajj cusisiñawa, citaran jachsuyatapamp chic jaylliñajj cusisiñaraquiwa.

1 Corintios 14:1

Munasipjjapunimaya jumanac purajja, uqhamarac chuymanacamanjja munapjjapunim Diosan take ajayu token churäwinacapa catokañjja. Diosat catokat arunacap parlañ munapjjam.

1 Samuel 10:10

Ucatsti cunapachatejj Saúl waynampi uywatapampi Gabaa sisqui uca chekaru puripcäna ucapachasti, uca mä kawkha profetanacaw jicjjatiri mistuni. Ucapachasti Diosan ajayuparaquiw Saúl waynjjarojj jutäna; jupajj uca profetanacjamaraquiw parläna.

1 Samuel 10:4

Aruntt'apjjätamwa, ucatsti pä t'ant'a churapjjaraquïtam. Uca t'ant'sti catokaraquim.

1 Samuel 13:2

Saúl reyejj quimsa waranka soldadonacwa ajllïna israelita jakenac taypitjja. Pä waranka soldadonacasti jupa chicänwa Micmas uqhamarac Betel kollunaca tokena, waranka soldadonacasti Jonatanampi chicaraquiw, Gabaa sisqui uca chekan Benjamín oraken kheparapjjäna, ucat jilt'iri jakenacarusti Saúl reyejj utanacaparuw qhitanucjjäna.

1 Samuel 13:3

Gabaa sisqui uca chekan Jonatanasti soldadonacampejj filisteonacarojj k'alwa tucjäna, ucanacjja filisteonacasti yatipjjänwa. Uqhamasti Saúl reyejj take Israel marcpachanwa trompetanaca phust'ayäna, uqhamat take jakenacajj cunataquis janc'aquïpjjañapataqui.

1 Samuel 19:20

jakenacapwa qhitäna juparu catuntañataqui. Purisinsti, Saúl reyin qhitata jakenacapajj mä tama profetanacaruw profecía arunaca arsusipquiri uñjapjjäna, ucanacasti Samuelon irpataraquïnwa. Acatjamata janc'aquiw Diosan ajayupajj uca Saúl reyin qhitata jakenacaparu catuntäna. Jupanacasti profetanacjamaraquiw parlapjjäna.

1 Samuel 9:12

Tawakonacasti sapjjaraquïnwa: —Jïsa, ucancasquiwa uñjirejja, janc'aqui sarapjjam. Jichhürojj jupajj marcaruw juti, santuarion sacrificiojj loktasitap laycu.