1 Samuel 10:5 - Qullan Arunaka DC

⁵ Uka chiqatsti Diosan uraqipa Guibeá chiqaruw purirakïta, uka chiqansti filisteo soldadonakaw ukankaski. Ukatsti markar mantkasin mä tama profetanakampiw jikisïta, jupanakasti jutir urunakan luraskani ukanak arsusaw qullan chiqawjat saraqasinipkani. Jupanak nayräxapsti walja jaqinakaw saraskarakini guitarranaka, panderonaka, pinkillunaka, arpanaka toct'asisa.

Aymar Bibliia 1986

⁵ Ucjjarusti Diosan orakepa Gabaa sisqui uca chekaruw puriraquïta, uca chekansti mä kawkha filisteo soldadonacaw ucancasqui. Marcaru mantasinsti mä kawkha profetanacampiw jiquisïta, jupanacasti santuariot sarakasinipcani. Jupanac nayrakatsti walja jakenacaw sarascaraquini, salterios, panderos, flautas, uqhamarac arpas uca instrumentonac toct'asisa.

Qullan Arunaca

⁵ Ucjjarusti Diosan orakepa Gabaa sisqui uca chekaruw puriraquïta, uca chekansti mä kawkha filisteo soldadonacaw ucancasqui. Marcaru mantasinsti mä kawkha profetanacampiw jiquisïta, jupanacasti santuariot sarakasinipcani. Jupanac nayrakatsti walja jakenacaw sarascaraquini, salterios, panderos, flautas, uqhamarac arpas uca instrumentonac toct'asisa.

1 Samuel 10:5 Jak'a apnaqawi uñst'ayäwi

1 Reyes 18:29

Chika uru saraqatarusti, jupanakax arnaqasipkakïnwa, luqhinakjamaw thuqnaqapxarakïna, wilañcha luqtañ pachkama, ukkhakamasti janiw kuna arus ist'askänti. ¡Janiw khitis jaysankänti, ist'karakïnsa!

2 Reyes 2:15

Jericó markankir profetanakax Eliseor jawir khurkatankaskir uñjasax sapxänwa: “¡Jichhax Eliasan ajayupax Eliseompïxiwa!” sasa. Ukatsti jupanakax Eliseor jikxatiriw sarapxäna, jupan nayraqatapan alt'asisinxa,

2 Reyes 2:3

Ukampis Betel markan jakir profetanakax Eliseor jikxatiriw mistunipxäna, ukat jupar jiskt'apxarakïna: —Tatitux jichhüruw yatichirimar irpaqasxätam, ¿uk yatxtati? —sasa. Eliseosti sänwa: —Jïsa, yatxtwa, ukampis jumanakax jan kuns sapxamti —sasa.

2 Reyes 2:5

Ukampis Jericó markan jakir profetanakax, Eliseor jikxatiriw mistunipxäna, ukat jupar sapxarakïna: —Tatitux jichhüruw yatichirimar irpaqasxätam, ¿uk yatxtati? —sasa. Ukxarusti Eliseox sänwa: —Jïsa, yatxtwa, ukampis jumanakax jan kuns sapxamti —sasa.

2 Reyes 2:7

ukatsti Jordán jawir thiyaruw sayt'asipxäna, phisqa tunka profetanakaw jupanakar arkapxatayna, ukampis jupanakat jaya chiqankapxänwa.

2 Reyes 3:15

¡Ukhamax, arpa toct'ir jaqi irptanirapipxita! —sasa. Ukatsti kunapachatix arpa toct'iri jaqix toct'añ qalltaskän ukkhaxa, Tatitun ch'amapaw Eliseo profetxar jutäna,

2 Reyes 4:38

Uka qhipatsti, Eliseox Guilgal chiqaruw kutt'xäna. Khä urunakansti uka uraqin manq'at t'aqhisiñaw utjäna. Mä kutisti kunapachatix profetanakax Eliseor muyuntat qunt'atäsipkän ukkhaxa, Eliseox uywataparuw säna: “Ninar jach'a phukhu itxatam, profetanakatak manq'a phayt'am” sasa.

2 Reyes 6:1

Mä urusti, profetanakax Eliseoruw sapxäna: —Uñjam, jumampi jakasipktan uka chiqaxa, nanakatakix wali jisk'akiwa.

1 Crónicas 11:16

Davidax Adulam sat imantasiñ putunkaskänwa, ukañkamasti filisteo soldadonakax Belén markankarakïnwa.

1 Crónicas 13:8

Ukañkamax Davidampi taqi Israel markampix Diosan nayraqatap sarapxäna, taqi ch'amanakapamp q'ucht'asisa, thuqt'asisa, arpanakampi, salterionakampi, platillonakampi, trompetanakamp toct'asisa.

1 Crónicas 16:42

Jupanakax trompetanakampi, platillonakampi, yaqha toct'añ yänakampiw Diosar q'uchupxäna. Jedutún chachan yuqanakapasti punku uñjañatak uchatänwa.

1 Crónicas 16:5

Jilïri irpirix Asaf chachänwa, jupxarusti Zacarías chacharakïnwa; uka qhipatsti Jeiel, Semiramot, Jehiel, Matatías, Eliab, Benaías, Obed-edom, Jeiel jupanakänwa, jupanakansti toct'añ yänakapa, salterionakapa, arpanakapaw utjäna. Asaf chachax platillonak toct'irïnwa,

Salmos 49:4

4 (5) säwi arunak arsü; arpa toct'asin kuntix sañ munki uk qhanañchä.

Salmos 92:3

3 (4) arpanakampi chika, salteriompi chika q'uchuñax kusisiñawa.

1 Corintios 14:1

Munasiñanïñatak ch'amachasipxam, ukhamarus ajayun churäwinakap Diosat katuqañ munapxam, ukat juk'ampsa profecía arunak yatiyapxam.

1 Samuel 10:10

Ukatsti Saúl waynampi uywatapampix Guibeá chiqar puripkäna ukkhaxa, mä tama profetanakaw jupanakar jikxatir mistunïna. Ukapachasti Diosan ajayupaw Saúl waynxarux jutäna, jupasti uka profetanakjamarakiw parläna.

1 Samuel 10:4

Jupanakasti aruntapxätamwa, ukatsti pä t'ant'a churapxätam, jumasti uk katuqasïtawa.

1 Samuel 13:2

Saúl reyix israelita jaqinak taypit kimsa waranqa soldadonak ajllïna. Pä waranqa soldadonakasti jupamp chikaw Micmás, Betel qullunak tuqin qhiparäna, waranqa soldadonakasti Jonatanampi chikarakiw Guibeá chiqan Benjamín uraqin qhiparäna, ukat jilt'iri jaqinakarusti Saúl reyix utanakaparuw khithanukxäna.

1 Samuel 13:3

Ukatsti Jonatanax Guibeá chiqankir filisteo soldadonakarux q'al tukjäna, filisteonakasti taqi ukanak yatipxäna. Ukatsti Saúl reyix taqi Israel markpachan trompetanak phust'ayäna, ukhamat hebreonakan jank'akïpxañapataki.

1 Samuel 19:20

jupar katuntañatakiw jaqinakapar khithäna. Purisinsti, Saúl reyin khithat jaqinakapax mä tama profetanakaruw profecía arunak arsuskir uñjapxäna, Samuel profetaw jupanakar sarayaskarakïna. Ukat jank'akiw Tatitun ajayupax Saúl reyin khithat jaqinakaparux katuntäna, jupanakasti uka profetanakjamarakiw parlapxäna.

1 Samuel 9:12

Tawaqunakasti sapxänwa: —Jïsa, jichhakiw markar purisinki, markax qullu patan utjir qullanawjan Tatitur wilañcha luqtani.