Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.
1 Juan 4:8 - Qullan Arunaca Qhititejj jan munasiñanïqui ucajj janiw Diosar uñt'quiti, Diosajj munasiñawa. Aymar Bibliia 1986 Qhititejj jan munasiñanïqui ucajj janiw Diosar uñt'quiti, Diosajj munasiñawa. Qullan Arunaka DC Khititix jan munaski ukax janiw Diosarux uñt'kiti, ukampis Diosax munasiñawa. |
Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.
Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.
Jichhajj jilatanaca, cusisitäpjjapunim. Jacañanacamansti chekapapunïpjjam, chuymachasipjjaraquim, sumanaraqui jumanaccamajj jacapjjam. Samarañ churir munasir Diosaw jumanacampïscanejja.
Aca arunacwa Tatit Jesucristojj nanacarojj yatichapjjetäna, ucracwa jumanacarojj yatichapjjsma: “Diosajj khanawa, janiw cuna ch'amacas jupanjj utjquiti” sasa.
Ucampis cawquïritejj sanejja: “Nayajj uñt'twa” sasa, ucatsti janirac camachinacap imcaniti ucasti, c'ariwa. Jupanjj janiraquiw cheka arojj utjquiti.
Cawquïritejj: “Khananctwa” sasqui, ucatsti jilapar uñisiscaraqui ucajja ch'amacancasquiwa.
Uqhamatwa yatisi qhitinacas Diosan wawanacapajja, qhitinacaraquis Supayan wawanacapäcaraquis ucajja. Cawquïritejj jan asqui lurquejja, uqhamarac jan jilaparus munasqui ucajja, janiw Diosancquiti.
Uqhamasti take qhitinacatejj Tatit Jesucristompi mayanac jacapqui ucanacajja, janiw juchan sarnakcjjeti; ucampis take qhitinacatejj juchan sarnakasipqui ucanacajj, janiw jupar uñjquiti, ni uñt'caraquisa.
Uqhamanwa yattanjja, iyawsaractan Diosajj jiwasanacar munatapa. Diosajj munasiñawa; qhititejj munasiñan jacqui ucajja Diosanwa jaqui, Diosasti jupanaraqui.
Munat jilatanaca, munasiñasaw maynit maynicama, munasiñasti Diosatwa juti. Qhitinacantejj munasiñapajj utjqui ucanacasti Diosan wawapawa, Diosarusti uñt'araquiwa.