1 Juan 3:20 - Qullan Arunaca

Chuymasatejj cunatsa juchañchchistojja, Diosajj juc'amp jach'awa chuymasat sipansa, jupasti take cunwa yatiraqui.

Aymar Bibliia 1986

Chuymasatejj cunatsa juchañchchistojja, Diosajj juc'amp jach'awa chuymasat sipansa, jupasti take cunwa yatiraqui.

Qullan Arunaka DC

chuymasatix kuna tuqinsa juchañchistan ukaxa, Diosax chuymasat sipansa juk'ampi jach'awa, ukatsti jupax taqi kun yatiraki.

1 Juan 3:20 Jak'a apnaqawi uñst'ayäwi

Job 27:6

Nayan chekapätajjsti arsusiscaquipunïwa, janiw cunata ajjsarañajjas utjquituti.

Job 33:12

Ucampisa uca arsutamajj janiw chekäquiti, Diosajj jakenacat sipansa juc'ampi jach'awa.

Salmos 90:8

Jucha luratanacajjajj nayrakataman uñsti, jamasat luratanacajjsti khanaruw mistuytajja.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Jeremías 23:24

¿Qhitis nayan nayräjjatjja imantasispajja? Alajjpachasa, acapachasa nayampi phokhantatawa. Naya Tatituw ucjja sista.

Juan 21:17

Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.

Juan 8:9

Jupanacasti uc ist'asinjja, maynit maynit sarjjapjjäna, nayrakatasti sarjjapjjänwa jilïri jakenaca. Takeni sarjjapjjepansti Jesusajj sapaquiw uca warmimpi kheparjjäna.

Hechos 5:33

Uc ist'asinjja, jilïrinacajj wal colerasipjjäna. Apostolonacarusti jiwayañwa munapjjaraquïna.

Romanos 8:34

¿Qhitiraqui jupanacarusti juchañchaspasti? Janiw qhitisa. Cristowa jiwquis ucajja, juparaquiw jiwatanac taypit jactanquis ucajja, jichhasti Diosan cupëjjapan kont'atäsquiwa, jiwasanacataquisti mayiscaraquiwa.

1 Corintios 4:4

Chuymajjanjja janiw cunas nayar juchañchirejj utjcaraquiti, ucampis ucajj janiw sañ munquiti nayan jan juchanïtajj-jja. Tatituwa juc'ampis nayar juchañchañataquis jan juchañchañataquis utjejja.

Tito 3:11

Ucampejj yattawa uca jakejj aynacht'jjatapa, juparusti pachpa juchapawa juchañchasqui.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.

Hebreos 6:13

Cunapachatï Diosajj Abrahamaru: “Churämaw” siscäna ucapachajja, jupa pachpatwa juramento luräna, janiraquiw qhitis juc'amp jilïrejj utjcänti uca laycu.

1 Juan 3:19

Uqhamatwa chekancatas yatistan, uqhamarac jupa nayrakatan Diosampipunïtasa.

1 Juan 3:21

Uqhamasti munat jilatanaca, chuymasatejj jan juchañchcchistu ucajja, iyawsañasaw utjistu Diosan nayrakatapana;

1 Juan 4:4

Wawanaca, jumanacajj Diosanquirïpjjtawa, atipt'apjjaractawa uca c'arinacaru; cawquïritejj jumanacampïqui ucajja, juc'amp ch'amaniwa jupanacampïquis ucat sipansa.

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.