1 Juan 2:4 - Qullan Arunaca

Ucampis cawquïritejj sanejja: “Nayajj uñt'twa” sasa, ucatsti janirac camachinacap imcaniti ucasti, c'ariwa. Jupanjj janiraquiw cheka arojj utjquiti.

Aymar Bibliia 1986

Ucampis cawquïritejj sanejja: “Nayajj uñt'twa” sasa, ucatsti janirac camachinacap imcaniti ucasti, c'ariwa. Jupanjj janiraquiw cheka arojj utjquiti.

Qullan Arunaka DC

Ukampis maynitix saspa: “Nayax juparux uñt'twa” sasaxa, ukat janirak kamachinakapar phuqkixa, jupax k'ariwa, janiw chiqa arux jupan utjkiti.

1 Juan 2:4 Jak'a apnaqawi uñst'ayäwi

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

Tito 1:10

Ucampis waljaniw sayt'irinacajj utjapjje, judionacat yämasa juc'ampiwa, ucanacasti jan walinac parlapjje ucat jakenacar sallkjapjje.

Tito 1:16

Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.

1 Juan 1:10

Ucampis jiwasatejj: “Janiw cuna juchs lurcti” sisna ucajja, Diosaruw c'arir tucuytan, chekpachansa janiw arup catokctanti.

1 Juan 1:6

Jiwasatejj sañäni: “Jupampejj mayaquïtanwa” sasajja, ucatsti uqham arscasinjja ch'amacan jacascaracstanjja, c'arïtanwa arsüwisansa, uqhamarac luräwisansa.

1 Juan 1:8

Jiwasatejj sañäni: “Janiw juchanïcti” sasa, ucapachajj jiwas pachpaw c'arintastan, janiraquiw jiwasan cheka luräwejj utjquiti;

1 Juan 2:3

Jiwasatejj Diosan camachinacaparu ist'asctanjja, uqhamanwa Diosar uñt'atasjja yattan.

1 Juan 2:9

Cawquïritejj: “Khananctwa” sasqui, ucatsti jilapar uñisiscaraqui ucajja ch'amacancasquiwa.

1 Juan 3:6

Uqhamasti take qhitinacatejj Tatit Jesucristompi mayanac jacapqui ucanacajja, janiw juchan sarnakcjjeti; ucampis take qhitinacatejj juchan sarnakasipqui ucanacajj, janiw jupar uñjquiti, ni uñt'caraquisa.

1 Juan 4:20

Ucampis cawquïritejj sejja: “Nayajj Diosarojj muntwa” sasa, ucatsti jilapar uñisiscaraquejja, ucasti c'ariwa. Maynitejj jilapar uñjcasina jan muncchejja, ¿cunjämatsa Diosarojj munaspa jan uñjasajja?

1 Juan 4:7

Munat jilatanaca, munasiñasaw maynit maynicama, munasiñasti Diosatwa juti. Qhitinacantejj munasiñapajj utjqui ucanacasti Diosan wawapawa, Diosarusti uñt'araquiwa.