AmaHubo 67:7 - Contemporary Zulu Bible 2024

UNkulunkulu uzasibusisa; yonke imikhawulo yomhlaba iyakumesaba.

IBHAYIBHELI ELINGCWELE

UNkulunkulu uyasibusisa; imikhawulo yonke yomhlaba iyakumesaba.

IsiZulu 2020

Sengathi uNkulunkulu angaqhubeka asibusise, yonke imikhawulo yomhlaba imesabe.

AmaHubo 67:7 Jak'a apnaqawi uñst'ayäwi

AmaHubo 22:27

Yonke imikhawulo yomhlaba iyokukhumbula futhi iphendukele kuJehova, futhi yonke imindeni yezizwe iyakukhuleka phambi kwakho.

AmaHubo 29:11

UJehova uyakunika abantu bakhe amandla; uJehova uyakubusisa abantu bakhe ngokuthula.

AmaHubo 33:8

Umhlaba wonke mawumesabe uJehova; bonke abakhileyo emhlabeni mabamesabe.

AmaHubo 65:5

Ngezinto ezesabekayo ekulungeni uyakusiphendula, Nkulunkulu wensindiso yethu; eyithemba layo yonke imikhawulo yomhlaba neyabakude nolwandle;

AmaHubo 72:17

Igama lakhe liyakuma kuze kube phakade; igama lakhe liyohlala kuze kube nini nanini ilanga, futhi abantu bayobusiswa kuye; izizwe zonke ziyakuthi ubusisiwe.

AmaHubo 98:3

Wakhumbula umusa wakhe nokuthembeka kwakhe kuyo indlu yakwa-Israyeli; yonke imikhawulo yomhlaba iyibonile insindiso kaNkulunkulu wethu.

U-Isaya 30:23

Khona-ke uyonika imvula yenzalo yakho, ukuze uhlwanyele umhlabathi ngayo; nesinkwa esivela emikhiqizweni yomhlaba, futhi siyoba sikhuluphele futhi sichichime; ngalolo suku izinkomo zakho ziyakudla emadlelweni abanzi.

U-Isaya 43:6

Ngizakuthi enyakatho: Dedela; naseningizimu: Ungagodli; letha amadodana ami evela kude namadodakazi ami emikhawulweni yomhlaba;

U-Isaya 45:22

Bhekani Kimi, nisindiswe, nonke mikhawulo yomhlaba, ngokuba nginguNkulunkulu, akakho omunye.

U-Isaya 52:10

UJehova wembulile ingalo yakhe engcwele phambi kwamehlo azo zonke izizwe; futhi yonke imikhawulo yomhlaba iyakubona insindiso kaNkulunkulu wethu.

ULevitikusi 26:4

Ngiyakuninika imvula ngesikhathi esifaneleyo, izwe lithele izithelo zalo, nemithi yasendle ithele izithelo zayo.

UMikha 5:4

Uyakuma, aklabe ngamandla kaJehova, ngobukhosi begama likaJehova uNkulunkulu wakhe; futhi bayohlala, ngoba manje uyakuba mkhulu kuze kube semikhawulweni yomhlaba.

UZakariya 8:12

Ngoba inzalo izaphumelela; umvini uyakuthela izithelo zawo, umhlaba uthele ukudla kwawo, amazulu anike amazolo awo; ngiyakwenza ukuba insali yalaba bantu idle ifa lazo zonke lezi zinto.

UZakariya 9:10

Ngiyakunquma inqola kwa-Efrayimi nehhashi eJerusalema, umnsalo wokulwa unqunywe; futhi uyokhuluma ukuthula kwabezizwe; ukubusa kwakhe kuyakuba kusukela olwandle kuze kufike elwandle, futhi kusukela emfuleni iNayile kuze kube semikhawulweni yomhlaba.

UMalaki 1:11

Ngoba kusukela ekuphumeni kwelanga kuze kube sekutshoneni kwalo ibizo lami lizakuba likhulu phakathi kwezizwe; nasezindaweni zonke kuyoshiselwa igama lami umnikelo ohlanzekile, ngokuba igama lami liyakuba likhulu phakathi kwezizwe,” usho uJehova Sebawoti.

UMalaki 4:2

Kepha kinina enesaba igama lami, ilanga lokulunga liyakuphuma linokuphilisa phansi kwamaphiko alo; niyophuma nikhule njengamankonyane esibayeni.

IzEnzo 13:26

Madoda, bazalwane, bantwana bozalo lukaAbrahama, labo phakathi kwenu abamesabayo uNkulunkulu, ilizwi lale nsindiso lithunyelwe kini.

IzEnzo 13:47

Ngokuba iNkosi yasiyala kanjalo, ithi: “Ngikubekile ukuba ube ngukukhanya kwabezizwe, ube yinsindiso kuze kube semikhawulweni yomhlaba.

IzEnzo 2:28

Wangazisa izindlela zokuphila; uyakungigcwalisa ngokujabula ebusweni bakho.

KwabaseGalathiya 3:14

ukuze isibusiso sika-Abrahama sibe phezu kwabezizwe ngoKristu Jesu; ukuze samukele isithembiso sikaMoya ngokukholwa.

KwabaseGalathiya 3:9

Ngakho-ke abokukholwa bayabusiswa kanye no-Abrahama okholwayo.

IsAmbulo 15:4

Ngubani ongayikukwesaba, Nkosi, adumise igama lakho, na? ngokuba wena wedwa ungcwele, ngokuba zonke izizwe ziyakuza, zikhuleke phambi kwakho; ngoba izahlulelo zakho zibonakalisiwe.