Psalms 93 - Die Bybel 2020-vertaling

¹ Die Here regeer; Hy is met majesteit beklee. Die Here beklee Hom, met krag omgord Hy Hom. Ja, die wêreld staan vas, dit wankel nie.

² U troon staan vas van vroeg af; U is van ewigheid af.

³ Seestrome het hulle verhef, Here, seestrome het hulle stem verhef, seestrome verhef hulle golfslag.

⁴ Magtiger as die gedreun van baie waters, as die branders van die see, is die Here, magtig in die hoogte.

⁵ U bepalings is baie betroubaar; vir u huis is heiligheid gepas, Here, tot in lengte van dae.