Psalms 34 - Die Bybel 2020-vertaling

¹ Van Dawid. Toe hy hom kranksinnig gehou het voor Abimeleg, dié hom weggejaag en hy toe weggegaan het.

א ALEF

א ALEF

² Ek wil die Here die hele tyd prys, my mond is voortdurend vol van sy lof.

ב BET

ב BET

³ In die Here sal ek roem; verdruktes sal dit hoor en hulle verheug.

ג GIMEL

ג GIMEL

⁴ Maak saam met my die Naam van die Here groot, ja, laat ons saam sy Naam verheerlik.

ד DALET

ד DALET

⁵ Ek het die Here geraadpleeg, en Hy het my geantwoord; van al my verskrikkinge het Hy my gered.

ה HE

ה HE

⁶ Verdruktes kyk op na Hom en hulle straal; hulle gesigte hoef nie rooi van skaamte te wees nie.

ז ZAJIN

ז ZAJIN

⁷ Hierdie magtelose het geroep en die Here het gehoor, en uit al sy benoudhede het Hy hom verlos.

ח GET

ח GET

⁸ Die •Engel van die Here trek 'n laer rondom hulle wat vir die Here ontsag het en Hy red hulle.

ט TET

ט TET

⁹ Beproef dit en ervaar: Die Here is goed, gelukkig is die mens wat by Hom skuil.

י JOD

י JOD

¹⁰ Julle moet ontsag hê vir die Here, julle wat aan Hom toegewy is; want wie vir Hom ontsag het, ly geen gebrek nie.

כ KAF

כ KAF

¹¹ Jong leeus kry swaar en ly honger, maar wie die Here soek, ly geen gebrek aan alles wat goed is nie.

ל LAMED

ל LAMED

¹² Kom, kinders, luister na my, ontsag vir die Here sal ek julle leer.

מ MEM

מ MEM

¹³ Wie is die mens wat lewe begeer, graag jare wil hê om die goeie te ervaar?

נ NUN

נ NUN

¹⁴ Weerhou jou tong van kwaad en jou lippe daarvan om bedrieglik te praat.

ס SAMEK

ס SAMEK

¹⁵ Vermy die kwaad, en doen die goeie; soek vrede, en jaag dit na.

ע AJIN

ע AJIN

¹⁶ Die oë van die Here is op die regverdiges, sy ore op hulle hulpgeroep.

פ PE

פ PE

¹⁷ Die gesig van die Here is gerig teen kwaaddoeners om hulle gedagtenis uit te roei van die aarde af.

צ TSADE

צ TSADE

¹⁸ Regverdiges roep om hulp en die Here luister, uit al hulle benoudhede red Hy hulle.

ק KOF

ק KOF

¹⁹ Die Here is na aan hulle wat gebroke harte het; wie se gees verpletter is, verlos Hy.

ר RESJ

ר RESJ

²⁰ 'n Regverdige ervaar baie teenspoed, maar uit dit alles red die Here hom.

שׁ SJIN

שׁ SJIN

²¹ Hy beskerm al sy bene; nie een van hulle word gebreek nie.

ת TAW

ת TAW

²² Boosheid veroorsaak 'n goddelose se dood en hulle wat 'n regverdige haat, sal daarvoor boet;

²³ die Here red die lewens van sy diensknegte en niemand wat by Hom skuil, sal boet nie.