Psalms 34:3 - Die Bybel 2020-vertaling

³ In die Here sal ek roem; verdruktes sal dit hoor en hulle verheug.

Bybel vir almal

³ Ek sal vir almal sê wat die Here gedoen het. Die mense wat hulleself nie kan help nie, moet dit hoor en hulle moet bly wees.

Afrikaans 1933-1953

³ Bet. My siel sal hom beroem in die Here; die ootmoediges sal dit hoor en bly wees.

Afrikaans 1983

³ Ek sal die roem van die Here sing; dié wat swaar kry, sal dit hoor en daaroor bly wees.

Contemporary Afrikaans Bible 2023

³ Verheerlik die HERE saam met my, en laat ons saam sy Naam verhef.

Die Boodskap

³ Ek sal liedere oor die Here sing om Hom te eer. Almal wat hulp nodig het, sal dit raaksien en saam met my bly wees.

Psalms 34:3 Kruisverwysings

1 Kronieke 16:10

Beroem julle in sy •heilige Naam; laat die harte van hulle wat die Here opsoek, bly wees.

1 Kronieke 29:20

Toe het Dawid vir die hele geloofsgemeenskap gesê: “Prys dan die Here julle God!” Daarop het die hele geloofsgemeenskap die Here, die God van hulle voorouers, geprys. Hulle het gekniel en in eerbied gebuig voor die Here en die koning.

2 Kronieke 29:30

Koning Hiskia en die leiers het vir die Leviete gesê om die Here te loof met die woorde van Dawid en van Asaf, die siener. Hulle het toe die Here met vreugde geloof, gekniel en in aanbidding gebuig.

Psalms 35:27

Mag dié wat graag wil hê dat reg aan my geskied, juig en bly wees en mag hulle aanhoudend sê: “Groot is die Here, wat vrede vir sy dienskneg begeer!”

Psalms 40:16

Mag hulle ontredderd wees deur hulle skande, hulle wat vir my sê: “Aha! Aha!”

Psalms 66:8

Prys ons God, volke; laat die klank van sy loflied opklink –

Psalms 69:30

Ek is magteloos en verkeer in pyn; mag u verlossing, o God, my beskerm.

Psalms 69:33

Die verdruktes sien dit; hulle sal bly wees. Julle wat God raadpleeg, mag julle harte leef,

Jeremia 9:23

So sê die Here: “'n Wyse moet hom nie op sy wysheid beroem nie, 'n magtige moet hom nie op sy krag beroem nie, en 'n ryke moet hom nie op sy rykdom beroem nie.

Jeremia 9:24

Slegs hierop moet die een wat wil roem, hom beroem: dat hy insig het en My ken, naamlik dat Ek die Here is wat troue liefde, reg en geregtigheid handhaaf op aarde; want daarin vind Ek vreugde.” Dit is die uitspraak van die Here.

Lukas 1:46

Maria het toe gesê: “My siel loof die Here,

Handelinge 19:17

Dit het bekend geword onder al die Joodse en Griekse inwoners van Efese, en vrees het hulle almal oorval, en die Naam van die Here Jesus is verheerlik.

Filippense 1:20

Dit is immers my innige verwagting en hoop dat ek nie in enige opsig beskaam sal word nie, maar dat Christus met alle vrymoedigheid ook nou, soos altyd, deur my liggaam verheerlik sal word, of dit nou deur my lewe of deur my dood is.

Openbaring 14:7

Met 'n harde stem het hy uitgeroep: “Julle moet ontsag hê vir God en heerlikheid bewys aan Hom, want die tyd van sy oordeel het aangebreek. Aanbid Hom wat die hemel, die aarde, die see en die fonteine geskep het. ”