Rut 3:9 - Die Bybel 2020-vertaling

⁹ “Wie is jy?” vra hy. Sy antwoord: “Ek is Rut, u slavin. Gooi die soom van u kleed oor u slavin, want u is die losser. ”

Bybel vir almal

⁹ Hy het gevra: “Wie is jy?” Rut het gesê: “Ek is Rut, en jy moet vir my sorg, want jy is 'n losser.”

Afrikaans 1933-1953

⁹ En hy vra: Wie is jy? Toe antwoord sy: Ek is Rut, u dienares; brei dan u vleuel oor u dienares uit, want u is die losser.

Afrikaans 1983

⁹ Hy vra toe vir haar: “Wie is jy?” en sy antwoord: “Ek is Rut, ek is van u afhanklik, en u is my losser; neem my nou onder u beskerming.”

Contemporary Afrikaans Bible 2023

⁹ En hy sê: Wie is jy? En sy antwoord: Ek is u dienares Rut; sprei dan u rok oor u dienares; want jy is 'n naaste bloedverwant.

Die Boodskap

⁹ “Wie is jy?” wou hy weet. “Ek is Rut,” antwoord sy toe. “Omdat u familie van my skoonpa is, is u ook verplig om my te help versorg. Trou met my, asseblief.”

Nuwe Lewende Vertaling

⁹ “Wie is jy?” vra hy. “Ek is Rut, u diensmeisie,” antwoord sy. “Ontferm u tog oor my, want u is my losser.”

Rut 3:9 Kruisverwysings

Esegiël 16:8

“ ‘ “Ek het weer by jou verbygegaan, jou raakgesien, en kyk, jou tyd vir die liefdespel het aangebreek! Ek het die soom van my kleed oor jou gesprei, jou naaktheid bedek. Ek het vir jou 'n eed afgelê, My in 'n verbond met jou begewe, ” is die uitspraak van my Heer, die Here: “en jy het Myne geword.

Lukas 14:11

Want elkeen wat homself verhoog, sal verneder word, en wie homself verneder, sal verhoog word.”

Rut 2:20

Naomi het vir haar skoondogter gesê: “Mag hy geseën word deur die Here, wat nie nagelaat het om sy verbondstrou aan die lewendes en die dooies te bewys nie.” Naomi het ook vir haar gesê: “Die man is verwant aan ons: Hy is een van ons lossers. ”

Rut 3:10

Hy sê toe: “Mag jy geseën word deur die Here , my dogter. Jou trou aan die familie blyk nou nog duideliker as voorheen, aangesien jy nie agter jong mans, of hulle arm of ryk is, aanloop nie.

Rut 3:12

Dit is nou wel waar dat ek 'n losser is, maar daar is ook 'n losser wat nader familie is as ek.

Rut 3:8

In die middel van die nag skrik Boas wakker. Iets raak aan hom, en sowaar, daar lê 'n vrou by sy voete!

Rut 4:4

Ek het gedink ek moet jou inlig en vir jou sê: Neem die grond oor in die teenwoordigheid van diegene wat hier sit en oudstes van my volk. As jy as losser wil optree, doen dit dan. Maar as jy nie as losser wil optree nie, sê dit vir my, sodat ek dit weet; want daar is niemand behalwe jy wat as losser kan optree nie, en ek is die volgende ná jou.” Die man sê toe: “Ja, ek sal as losser optree.”

Rut 4:6

Toe sê die losser: “Nee, dan kan ek dit nie as losser vir my verkry nie, anders bederf ek daarmee my familiebesit. Neem jy my lossingsreg oor, want ek wil nie as losser optree nie.”

1 Samuel 25:41

Sy het opgestaan en diep neergebuig met haar gesig teen die grond en gesê: “Hier is u dienares om as slavin die voete van my heer se dienaars te was.”