Rut 3:14 - Die Bybel 2020-vertaling

¹⁴ Sy het tot die môre toe by sy voete bly lê. Nog voordat 'n mens iemand anders sou kon herken, het sy opgestaan, want hy het gesê: “Dit mag nie bekend word dat 'n vrou na die dorsvloer gekom het nie.”

Bybel vir almal

¹⁴ Rut het by Boas se voete gelê tot die volgende oggend, maar sy het opgestaan toe dit nog donker was, want Boas het gesê niemand moet weet dat daar 'n vrou na die dorsvloer gekom het nie.

Afrikaans 1933-1953

¹⁴ En sy het tot die môre aan sy voetenent bly lê. Maar nog voordat een die ander kon herken, het sy opgestaan; want hy het gesê: Dit mag nie bekend word dat die vrou op die vloer gekom het nie.

Afrikaans 1983

¹⁴ Sy het toe by sy voete bly lê tot die oggend, maar voordat dit lig genoeg was om iemand te herken, het sy opgestaan, “want,” het Boas gesê, “dit moenie bekend word dat 'n vrou na die dorsvloer toe gekom het nie.”

Contemporary Afrikaans Bible 2023

¹⁴ En sy het aan sy voete gelê tot die môre toe, en sy het opgestaan voordat die een die ander kon leer ken. En hy sê: Laat dit nie bekend word dat 'n vrou op die vloer gekom het nie.

Die Boodskap

¹⁴ Sy het toe daar gebly en by Boas se voete gelê en slaap tot die volgende oggend. Vroeg, nog voor sonop, het sy opgestaan en huis toe gegaan voordat iemand haar dalk kon herken. Want Boas wou in elk geval nie hê die mense moes weet ’n vrou was by die dorsvloer nie.

Nuwe Lewende Vertaling

¹⁴ Rut het by Boas se voete bly lê tot die oggend toe. Voordat dit lig genoeg was dat mense mekaar kon herken, het sy opgestaan. Boas het vir haar gesê: “Niemand moet weet dat hier ’n vrou by die dorsvloer was nie.”

Rut 3:14 Kruisverwysings

Prediker 7:1

'n Goeie naam is beter as goeie reukolie, en die sterfdag as die geboortedag.

Romeine 12:17

Moet niemand kwaad met kwaad vergeld nie, maar rig julle gedagtes op dit wat vir alle mense goed is.

Romeine 14:16

Moenie toelaat dat die goeie wat daar by julle is, 'n slegte naam kry nie.

1 Korinthiërs 10:32

Julle moenie vir Jode of Grieke of die •gemeente van God 'n struikelblok wees nie.

2 Korinthiërs 8:21

Want ons is bedag op wat reg is, nie net voor die Here nie, maar ook voor mense.

1 Thessalonisense 5:22

vermy elke vorm van boosheid.

1 Petrus 2:12

Gedra julle goed onder die heidene, sodat hulle, wanneer hulle julle beswadder, asof julle misdadigers is, God op die dag van besoeking kan verheerlik, omdat hulle julle goeie dade gesien het.

Rut 3:15

Boas sê toe vir haar: “Gee die sjaal wat jy om het en hou dit oop.” Sy het dit oopgehou, en hy het ses mate gars daarop afgemeet en dit op haar skouer getel. Daarna is hy die dorp in.