Rut 2:4 - Die Bybel 2020-vertaling

⁴ Boas het juis van Betlehem af daar aangekom. “Die Here is met julle!” groet hy toe die snyers. “Die Here seën u,” antwoord hulle hom.

Bybel vir almal

⁴ Boas het dieselfde tyd van Betlehem gekom. Hy het die mense gegroet wat die gars afsny, en hy het gesê: “Ek bid dat die Here by julle sal wees.” En hulle het geantwoord: “Ons bid dat die Here jou sal seën.”

Afrikaans 1933-1953

⁴ En Boas het juis van Betlehem af gekom en aan die snyers gesê: Mag die Here met julle wees! En hulle het hom geantwoord: Mag die Here u seën!

Afrikaans 1983

⁴ Boas het toe juis self uit Betlehem daar aangekom en hy het vir die snyers gesê: “Mag die Here by julle wees,” en hulle het hom geantwoord: “Mag die Here u seën.”

Contemporary Afrikaans Bible 2023

⁴ En kyk, Boas het van Betlehem af gekom en aan die maaiers gesê: Mag die HERE met julle wees! En hulle antwoord hom: Mag die HERE jou seën!

Die Boodskap

⁴ Intussen het Boas ook uit Betlehem daar aangekom. Hy en sy werkers het mekaar vriendelik gegroet, soos dit die gebruik was.

Nuwe Lewende Vertaling

⁴ Boas kom toe juis van Betlehem af en groet sy werknemers: “Die Here is met julle!” het hy gesê. “Mag die Here u seën!” antwoord die snyers.

Rut 2:4 Kruisverwysings

Genesis 18:19

Want Ek het hom gekies, sodat hy opdragte kan gee aan sy kinders en sy huishouding ná hom, en hulle dan by die pad van die Here kan hou deur te doen wat reg en billik is, sodat die Here met Abraham kan laat gebeur wat Hy aan hom beloof het.”

Genesis 28:3

Mag God, die Almagtige, jou seën, jou vrugbaar en talryk maak, sodat jy 'n skare van volke word.

1 Kronieke 2:51

Salma, die stigter van Betlehem; Garef, die stigter van Bet-Gader.

Psalms 118:26

Geseënd is hy wat kom in die Naam van die Here. Ons seën julle uit die huis van die Here.

Psalms 134:3

Mag die Here jou seën uit Sion, Hy wat hemel en aarde gemaak het.

Jeremia 31:23

“So sê die Here, Heerser oor alle magte, die God van Israel, ‘Hulle sal weer hierdie woorde sê in die land Juda en in sy dorpe wanneer Ek hulle lot verander: “Mag die Here jou seën, woonplek van geregtigheid, heilige berg!”

Numeri 6:24

“ ‘ Mag die Here jou seën en jou beskerm.

Lukas 1:28

Die engel het na haar gegaan en gesê: “Gegroet, begenadigde vrou! Die Here is met jou!”

2 Thessalonisense 3:16

Mag die Here van vrede self, te alle tye en op elke manier, vir julle vrede gee. Die Here bly met julle almal.

1 Timoteus 6:2

Diegene wat gelowige eienaars het, mag hulle nie verag nie, omdat hulle broers is; laat hulle nog meer diensbaar wees, juis omdat dit gelowiges en geliefdes is wat dié goeie diens ontvang. Onderrig die mense hierin, en moedig hulle aan om dit te doen.

2 Timoteus 4:22

Die Here bly met jou gees! Die genade bly met julle!

Josua 24:15

Maar as dit verkeerd is in julle oë om die Here te dien, kies julle dan vandag wie julle wil dien, óf die gode anderkant die Rivier wat julle voorouers gedien het, óf die gode van die Amoriete in wie se land julle woon. Maar ek en my huis, ons sal die Here dien.”

Rigters 6:12

Die Engel van die Here het aan hom verskyn en vir hom gesê: “Die Here is met jou, dapper kryger!”

Rigters 6:16

Die Here sê toe vir hom: “Omdat Ek met jou sal wees, sal jy die Midianiete verslaan asof hulle net een man is.”

Rut 2:3

Sy het toe geloop en gaan are optel in die lande agter die snyers. En dit was toe so dat dié deel van die land aan Boas, uit die geslag van Elimeleg, behoort.

Rut 2:5

Boas vra toe vir sy werker wat toesig hou oor die snyers: “Aan wie behoort hierdie jong vrou?”

Rut 4:11

Al die mense wat by die dorpspoort was en die oudstes sê toe: “Ons is getuies. Mag die Here gee dat die vrou wat in jou huis inkom soos Ragel en Lea sal wees, die twee wat die huis van Israel gebou het. Mag jy van krag tot krag gaan in Efrata en roem verwerf in Betlehem!

1 Samuel 17:37

Die Here wat my gered het uit die klou van 'n leeu en die klou van 'n beer,” het Dawid gesê, “dit is Hy wat my sal red uit die hand van hierdie Filistyn.” Toe sê Saul vir Dawid: “Gaan, en mag die Here met jou wees!”