Rut 1:1 - Die Bybel 2020-vertaling

¹ In die jare toe die rigters nog regeer het, was daar hongersnood in die land. 'n Man van Betlehem in Juda het tydelik in die gebied van Moab gaan bly, hy en sy vrou en sy twee seuns.

Bybel vir almal

¹ Dit was in die tyd toe die leiers oor die Israeliete regeer het. Dit was baie droog in die land Juda, en die mense het niks gehad om te eet nie. 'n Man het weggegaan uit die stad Betlehem in die land Juda en hy het in die land Moab gaan woon. Hy was 'n vreemdeling in Moab.

Afrikaans 1933-1953

¹ EN in die dae toe die rigters geregeer het, was daar hongersnood in die land; daarom het 'n man uit Betlehem-Juda weggetrek om as vreemdeling te vertoef in die veld van Moab, hy en sy vrou en sy twee seuns.

Afrikaans 1983

¹ In die tyd van die leiers was daar op 'n keer hongersnood in die land, en 'n man met sy vrou en sy twee seuns het uit Betlehem in Juda weggetrek om 'n heenkome te soek in die gebied van Moab.

Contemporary Afrikaans Bible 2023

¹ En dit het gebeur in die dae toe die regters beslis het, dat daar hongersnood in die land was. En 'n sekere man van Betlehem-Juda het gegaan om as vreemdeling in die land Moab te vertoef, hy en sy vrou en sy twee seuns.

Die Boodskap

^1-2 Baie lank terug, in die tyd van die rigters voor Israel nog ’n koning gehad het, was daar hongersnood in die land. In dié tyd was daar ’n man met die naam Elimeleg. Hy het uit die gebied Efrata in die omgewing van Betlehem in Juda gekom. Hy het sy vrou, Naomi, en hulle twee seuns, Maglon en Kiljon, gevat en ’n tyd lank in die land Moab gaan bly. Terwyl hulle daar gebly het,

Nuwe Lewende Vertaling

¹ In die tyd toe die rigters in Israel opgetree het, het ’n man uit Betlehem in Juda uit die land weggetrek omdat daar ’n swaar hongersnood in die land was. Hy en sy vrou en twee seuns het in die land Moab gaan woon.

Rut 1:1 Kruisverwysings

Genesis 12:10

Toe kom daar 'n hongersnood in die land, en Abram het na Egipte afgetrek om daar as •vreemdeling te woon, want die hongersnood was swaar in die land.

Genesis 26:1

Daar was hongersnood in die land, afgesien van die eerste hongersnood wat daar was in die tyd van Abraham. Isak het toe na Gerar, na Abimeleg, die koning van die Filistyne, gegaan.

Genesis 43:1

Die hongersnood was erg in die land.

2 Samuel 21:1

In die tyd van Dawid was daar drie agtereenvolgende jare lank hongersnood. Dawid het die teenwoordigheid van die Here opgesoek, en die Here het gesê: “Dit is oor Saul, oor sy huis van bloedskuld, omdat hy die Gibeoniete doodgemaak het.”

1 Konings 18:2

Elia gaan toe om aan Agab te verskyn. Die hongersnood was erg in Samaria, en

1 Kronieke 2:51

Salma, die stigter van Betlehem; Garef, die stigter van Bet-Gader.

1 Kronieke 2:54

Die nageslag van Salma was die mense van Betlehem, Netofa, Atrot-Bet-Joab, die helfte van die mense van Managat en Sora,

Psalms 105:16

Hy het hongersnood uitgeroep oor die land; elke stok vir brood het Hy gebreek.

Psalms 107:34

vrugbare aarde in brak grond – vanweë die boosheid van dié wat daar woon.

Jeremia 14:1

Die woord van die Here wat tot Jeremia gekom het na aanleiding van die groot droogte.

Esegiël 14:13

“ Mensekind, as 'n land teen My sou sondig deur troubreuk te pleeg, en Ek dan my hand daarteen uitstrek, sy broodstok breek, hongersnood daarin loslaat, en mens en dier daarin uitroei,

Esegiël 14:21

Ja, so sê my Heer, die Here: “Hoeveel te meer as Ek my vier verskriklike oordele – die swaard, hongersnood, roofdiere en 'n epidemie – oor Jerusalem losgelaat het om mens en dier daar uit te roei!

Levitikus 26:19

Ek sal julle hardnekkige verwaandheid breek: Ek sal julle hemel soos yster maak en julle grond soos brons.

Amos 4:6

“Selfs toe Ek julle met leë monde gelaat het in al julle stede, met broodgebrek in al julle woonplekke, het julle nie na My teruggekeer nie,” is die uitspraak van die Here.

Miga 5:2

Dit is waarom die Here hulle sal oorgee tot die tyd aanbreek vir 'n swanger vrou om geboorte te skenk. Dan sal die res van sy volksgenote terugkeer saam met die Israeliete.

Deuteronomium 28:38

“ Jy sal baie saad na die landerye neem, maar min oes; want treksprinkane sal dit kaal vreet.

Rigters 12:8

Ná Jefta het Ibsan, uit Betlehem, Israel gerig.

Rigters 17:7

Daar was 'n jong man uit Betlehem in Juda, van 'n familiegroep in Juda, maar hy was 'n Leviet en het daar tydelike verblyf gehad.

Rigters 17:8

Hierdie man het uit die dorp gegaan, uit Betlehem in Juda, om tydelike verblyf te kry, waar hy dit ook al kon vind. Terwyl hy op pad was, kom hy toe in die heuwelland van Efraim by Miga se huis aan.