Rigters 7:1 - Die Bybel 2020-vertaling

¹ Jerubbaäl, dit is Gideon, en al die manskappe wat by hom was, het vroeg opgestaan en kamp opgeslaan by En-Garod. Die kamp van die Midianiete was aan sy noordekant, vanaf die heuwel Morê in die vlakte.

Bybel vir almal

¹ Gideon en al die manne by hom het vroeg opgestaan en hulle het hulle tente opgeslaan by die stad En-Garod. Die Midianiete se kamp was by die Waarsêer-hoogte in die vallei, noord van Gideon se kamp.

Afrikaans 1933-1953

¹ DAARNA het Jerúbbaäl, dit is Gídeon, en al die manskappe wat by hom was, vroeg klaargemaak, en hulle het laer opgeslaan by die fontein Harod, terwyl die laer van die Midianiete ten noorde van hom was, van die heuwel More af in die dal.

Afrikaans 1983

¹ Jerubbaäl, dit is Gideon, en al sy manne het vroegmôre klaargemaak en kamp opgeslaan by En-Garod. Die kamp van Midian was noord van Gideon s'n, in die vlakte by Waarsêershoogte.

Contemporary Afrikaans Bible 2023

¹ Toe het Jerubbaäl, wat Gideon is, en al die manskappe wat by hom was, vroeg klaargemaak en laer opgeslaan by die put van Harod, sodat die leër van die Midianiete aan die noordekant van hulle was, by die heuwel More, in die vallei.

Die Boodskap

¹ Jerubbaäl, dit is nou Gideon, en sy soldate het een oggend vroeg opgestaan en tot by die fontein van Garod getrek, waar hulle kamp opgeslaan het. Die Midianiete se kamp was net noord daarvandaan in die vallei naby die koppie met die naam Moreh.

Nuwe Lewende Vertaling

¹ Jerubbaäl, dit is nou Gideon, en al sy manskappe by hom is vroeg die oggend op, en het gaan kamp opslaan by En-Garod. Die Midianiete se kamp was op die vlakte naby die Moré-koppie, noord van hulle.

Rigters 7:1 Kruisverwysings

Genesis 12:6

Abram het deur die land getrek tot by die plek Sigem, tot by die akkerboom van Morê. Die Kanaäniete was toe in die land.

Genesis 22:3

Abraham het vroeg die oggend sy donkie opgesaal, twee van sy dienaars met hom saamgeneem, en ook sy seun Isak. Hy het die hout vir 'n brandoffer gekloof, gereedgemaak en vertrek na die plek waaroor God met hom gepraat het.

2 Samuel 23:25

Samma uit Garod, Elika uit Garod,

Psalms 83:9

Ook Assirië het by hulle aangesluit; hulle het die nageslag van Lot die hand gereik.

Prediker 9:10

Alles wat jou hand vind om te doen, doen dit met oorgawe; want daar is geen werk of verklaring, of kennis of wysheid in die •doderyk waarheen jy op pad is nie.

Deuteronomium 11:30

Lê hulle nie oorkant die Jordaan, anderkant die pad in die weste, in die land van die Kanaäniete wat in die Araba woon, teenoor Gilgal by die akkerbome van Morê nie?

Josua 3:1

Josua het vroeg die môre opgestaan. Hulle het van Sittim af weggetrek en by die Jordaan aangekom, hy en al die Israeliete. Hulle het daar oornag voordat hulle oorgetrek het.

Josua 6:12

Josua het vroeg die môre opgestaan. Die priesters het die ark van die Here gedra,

Rigters 6:32

Op daardie dag het hulle vir Gideon die naam Jerubbaäl gegee, met die woorde: “Laat Baäl teen hom die stryd voer, want hy het sy altaar afgebreek.”

Rigters 6:33

Al die Midianiete, die Amalekiete en mense uit die ooste het intussen hulle magte saamgesnoer, die grens oorgesteek en kamp opgeslaan in die Jisreëlvlakte.

Rigters 6:40

God het dit daardie nag so gedoen: Dit was net op die vag droog, terwyl daar oral op die grond dou was.

Rigters 8:29

Jerubbaäl, seun van Joas, het in sy eie huis gaan woon.

1 Samuel 12:11

Die Here het Jerubbaäl, Bedan, Jefta en Samuel gestuur, en Hy het julle gered uit die hand van julle vyande aan alle kante, en julle het veilig gewoon.

1 Samuel 29:1

Die Filistyne het hulle hele leër by Afek byeengebring, en Israel het kamp opgeslaan by die fontein in Jisreël.