Rigters 6:3 - Die Bybel 2020-vertaling

³ Telkens wanneer die Israeliete gesaai het, trek die Midianiete, die Amalekiete en mense uit die ooste op. Hulle trek teen Israel op,

Bybel vir almal

³ Hulle het dit gedoen omdat die Midianiete en die Amalekiete en die Oosmense elke maal gekom het wanneer die Israeliete klaar hulle koring gesaai het.

Afrikaans 1933-1953

³ Want as Israel gesaai het, dan trek die Midianiete en Amalekiete en die kinders van die Ooste uit, en trek teen hulle op:

Afrikaans 1983

³ Wanneer die Israeliete iets gesaai het, het die Midianiete teen hulle opgetrek saam met die Amalekiete en ander mense uit die ooste.

Contemporary Afrikaans Bible 2023

³ En toe Israel gesaai het, het die Midianiete opgetrek, en die Amalekiete en die kinders van die Ooste, hulle het teen hulle opgetrek;

Die Boodskap

³ Elke keer as die Israeliete hulle oeste geplant het, het die Midianiete en die Amalekiete en van die ander mense uit die ooste hulle land binnegeval.

Rigters 6:3 Kruisverwysings

Genesis 25:6

Vir die seuns van Abraham se byvroue het Abraham geskenke gegee, en hulle nog tydens sy leeftyd van sy seun Isak ooswaarts weggestuur, na die land van die ooste.

Genesis 29:1

Jakob het haastig vertrek en na die land van die mense in die ooste gegaan.

1 Konings 20:27

Die Israeliete was reeds gemonster en van voedsel voorsien. Hulle het vertrek om teen hulle te staan te kom. Die Israeliete het teenoor hulle kamp opgeslaan, maar was soos twee troppies bokke, terwyl die Arameërs die land vol was.

1 Konings 4:30

Die wysheid van Salomo was omvattender as die wysheid van al die mense uit die ooste, en as al die wysheid van Egipte.

1 Konings 5:10

So het Hiram aan Salomo seder- en sipreshout verskaf, soveel as wat hy wou hê,

Job 1:3

Hy het seweduisend stuks kleinvee, drieduisend kamele, vyfhonderd pare beeste, vyfhonderd donkiemerries en 'n besondere groot werksmag gehad. Hierdie man was meer vermoënd as enigiemand in die ooste.

Job 31:8

laat ek dan maar saai en laat 'n ander dit eet, laat wat vir my uitspruit, ontwortel word.

Eksodus 17:8

Toe die Amalekiete kom om teen Israel te veg by Refidim,

Jesaja 11:14

Na die westekant sal hulle neerswiep op die berghang van die Filistyne – saam beroof hulle mense uit die ooste. Op Edom en Moab sal hulle die hand lê, en die Ammoniete sal hulle onderdane word.

Jesaja 62:8

Die Here het 'n eed afgelê by sy regterhand, by sy kragtige voorarm: “Ek sal nie meer jou koring as voedsel aan jou vyande gee nie, en vreemdes sal nie meer jou •nuwe wyn drink waarvoor jy jou vermoei het nie.

Jeremia 49:28

Oor Kedar en oor die koninkryke van Gasor, wat deur Nebukadresar, die koning van Babilonië, verslaan is. So sê die Here: “Maak julle gereed! Trek op teen Kedar en vernietig die mense uit die ooste!

Esegiël 25:3

Jy moet vir die Ammoniete sê, ‘Hoor die woord van my Heer, die Here: So sê my Heer, die Here: “Omdat jy, Ammon, ‘Aha!’ gesê het vir my heiligdom toe dit ontheilig is, vir die land Israel toe dit verwoes is, vir die huis van Juda toe hulle in ballingskap gegaan het,

Esegiël 25:4

daarom, kyk, Ek gaan jou aan mense uit die ooste as eiendom gee. Hulle sal hulle kampe in jou oprig, in jou hulle woonplekke vestig. Dit is hulle wat jou vrugte sal eet; dit is hulle wat jou melk sal drink.

Levitikus 26:16

dan sal Ek die volgende aan julle doen: Ek sal onverwags verskrikking oor julle bring – tering en koors wat die oë laat verdof en die lewenskrag laat wegkwyn. Julle sal tevergeefs julle saad saai; julle vyande sal dit opeet.

Miga 6:15

Jy sal saai, maar nie oes nie; jy sal olywe pars, maar jouself nie met olie invryf nie; jy sal druiwe trap, maar nie •nuwe wyn drink nie.

Deuteronomium 28:51

Daardie nasie sal die vrug van jou vee en die vrug van jou grond verslind, totdat jy uitgedelg is; ja, hy sal vir jou nie koring, •nuwe wyn en olie, kalwers of lammers laat oorbly nie, totdat hy jou vernietig het.

Rigters 10:12

Die Sidoniërs, die Amalekiete en die Midianiete het julle verdruk, en toe julle na My om hulp roep, het Ek julle uit hulle hand verlos.

Rigters 3:13

Eglon het die Ammoniete en Amalekiete by hom byeengebring. Hy het gegaan, Israel verslaan en die Palmstad ingeneem.

Rigters 6:2

Die hand van die Midianiete het swaar op Israel gerus. Vanweë die Midianiete het die Israeliete vir hulle skuilplekke in die berge ingerig, ook grotte en bergvestings.

Rigters 6:33

Al die Midianiete, die Amalekiete en mense uit die ooste het intussen hulle magte saamgesnoer, die grens oorgesteek en kamp opgeslaan in die Jisreëlvlakte.

Rigters 6:4

slaan by hulle kamp op en verwoes die opbrengs van die land tot by Gasa. Hulle laat dan geen lewensmiddele in Israel oorbly nie, ook nie 'n skaap, 'n bees of 'n donkie nie.

Rigters 7:12

Die Midianiete, die Amalekiete en al die mense uit die ooste het in die vlakte gelê soos groot swerms treksprinkane, en hulle kamele was ontelbaar, so talryk soos die sand wat langs die seestrand is.

Rigters 8:10

Sebag en Salmunna was in Karkor. Hulle leër was saam met hulle, ongeveer vyftienduisend. Dit was al wat oor was van die hele leër van die mense uit die ooste. Dié wat geval het, was egter honderd-en-twintigduisend, elkeen met 'n swaard gewapen.