Rigters 4:3 - Die Bybel 2020-vertaling

³ Die Israeliete het na die Here om hulp geroep, want Sisera het negehonderd ysterstrydwaens gehad en hy het die Israeliete twintig jaar lank wreed mishandel.

Bybel vir almal

³ Jabin het 900 oorlogkarre van yster gehad, en hy het die Israeliete 20 jaar lank verdruk. Die Israeliete het tot die Here gebid en gevra dat Hy hulle moet help.

Afrikaans 1933-1953

³ En die kinders van Israel het die Here aangeroep; want hy het negehonderd ysterwaens gehad en die kinders van Israel twintig jaar lank swaar verdruk.

Afrikaans 1983

³ Hy het nege honderd ysterstrydwaens gehad en hy het die Israeliete twintig jaar lank verdruk. Daarom het hulle tot die Here geroep om hulp.

Contemporary Afrikaans Bible 2023

³ En die kinders van Israel het die HERE aangeroep, want hy het nege honderd ysterwaens gehad; en twintig jaar lank het hy die kinders van Israel baie verdruk.

Die Boodskap

³ Jabin het 900 ysterstrydwaens gehad. Hy het die Israeliete twintig jaar lank genadeloos onderdruk. Daarom het hulle by die Here hulp gaan soek.

Nuwe Lewende Vertaling

³ Hy het 900 ysterstrydwaens onder sy bevel gehad. Hy het die Israeliete twintig jaar lank swaar onderdruk. Maar Israel het by die Here gepleit om hulle hiervan te bevry.

Rigters 4:3 Kruisverwysings

Psalms 106:42

en hulle vyande hulle geteister het; hulle moes buig onder hulle hand.

Psalms 50:15

Roep My aan in 'n tyd van nood; Ek sal jou red, en jy sal My eer.”

Psalms 78:34

Wanneer Hy 'n slagting onder hulle aangerig het, het hulle Hom geraadpleeg; hulle het teruggedraai en God gesoek.

Eksodus 2:23

Gedurende hierdie lang tyd het die koning van Egipte gesterf. Die Israeliete het gesug onder die slawewerk en om hulp geroep. Hulle hulpgeroep oor die slawewerk het opgestyg na God.

Deuteronomium 28:29

en jy sal helder oordag rondtas soos 'n blinde in die donker. Jy sal nie voorspoedig wees met wat jy onderneem nie, maar altyd net verdruk wees en beroof word, en daar sal geen helper wees nie.

Deuteronomium 28:33

Die vrug van jou grond, ja, al jou moeitevolle arbeid – 'n volk wat jy nie ken nie, sal dit verslind. Jy sal die hele tyd net verdruk en mishandel word.

Josua 17:16

Die nakomelinge van Josef sê toe: “Die bergland is nie vir ons voldoende nie, en al die Kanaäniete wat in die valleigebiede woon, het ysterstrydwaens – dié in Bet-San en sy omliggende dorpies, en dié in die Jisreëlvallei.”

Rigters 1:19

Die Here was met Juda, sodat hy die bergland in besit geneem het. Juda kon egter nie die inwoners van die vlakte verdryf nie, want hulle het ysterstrydwaens gehad.

Rigters 10:10

Die Israeliete het toe na die Here om hulp geroep: “Ons het teen U gesondig, want ons het ons God verlaat en die Baäls gedien.”

Rigters 10:16

Hulle het toe die vreemde gode tussen hulle verwyder en die Here gedien; en Hy kon toe nie meer Israel se swaarkry verduur nie.

Rigters 3:15

Die Israeliete het na die Here om hulp geroep, en die Here het vir hulle 'n verlosser laat opstaan. Dit was Ehud, die seun van Gera, die Benjaminiet, 'n man wat linkshandig was. Die Israeliete het hom gestuur met belasting vir Eglon, die koning van Moab.

Rigters 3:9

Toe het die Israeliete na die Here om hulp geroep. Hy het 'n verlosser vir die Israeliete laat opstaan, wat hulle verlos het. Dit was Otniël, die seun van Kenas, die jonger broer van Kaleb.

Rigters 4:13

het Sisera sy hele strydwamag, negehonderd ysterstrydwaens, en al die manskappe wat by hom was, opgeroep uit Garoset-Gojim na die Kisonspruit.

Rigters 4:4

Debora, 'n profetes, die vrou van Lappidot, het in daardie tyd vir Israel as rigter opgetree.

Rigters 5:8

Nuwe gode is gekies! Was daar toe vegters in die poorte? Was skild of steekspies te sien by veertigduisend in Israel?

Rigters 6:6

Israel het heeltemal verarm vanweë die Midianiete, en die Israeliete het na die Here om hulp geroep.

1 Samuel 7:8

Die Israeliete sê toe vir Samuel: “Moet tog nie oor ons stilbly en ophou om tot die Here om hulp te roep nie, sodat Hy ons uit die hand van die Filistyne kan verlos.”