Rigters 4:1 - Die Bybel 2020-vertaling

¹ Ná Ehud se dood het die Israeliete weer gedoen wat verkeerd is in die oë van die Here.

Bybel vir almal

¹ Die Israeliete het weer dinge gedoen waarvan die Here nie hou nie. Ná die dood van Ehud

Afrikaans 1933-1953

¹ MAAR ná die dood van Ehud het die kinders van Israel weer gedoen wat verkeerd was in die oë van die Here.

Afrikaans 1983

¹ Na Ehud se dood het die Israeliete weer gedoen wat verkeerd is in die oë van die Here.

Contemporary Afrikaans Bible 2023

¹ En die kinders van Israel het weer gedoen wat verkeerd was in die oë van die HERE toe Ehud gesterf het.

Die Boodskap

¹ Na Ehud se dood het die Israeliete weer dinge gedoen waarvan die Here niks gehou het nie.

Rigters 4:1 Kruisverwysings

Jeremia 5:3

Here, u oë, is dit nie gerig op betroubaarheid nie? U het hulle geslaan, maar hulle het geen pyn gevoel nie. U het hulle verniel, maar hulle het geweier om teregwysing te aanvaar. Hulle het hulle gesigte harder gemaak as 'n rots; hulle het geweier om om te draai.

Hebreërs 11:32

En wat moet ek nog meer sê? Want die tyd sal my ontbreek om te vertel van Gideon, Barak, Simson, Jefta, Dawid, en ook van Samuel en die profete –

Hebreërs 11:33

hulle wat deur geloof koninkryke verower het, wat gedoen het wat reg is, wat beloftes verkry het, wat die bekke van leeus toegestop het,

Rigters 10:6

Die Israeliete het weer gedoen wat verkeerd is in die oë van die Here. Hulle het die Baäls en die Astartes gedien, en ook die gode van Aram, van Sidon, van Moab, van die Ammoniete en van die Filistyne. Hulle het die Here verlaat en Hom nie gedien nie.

Rigters 2:11

Die Israeliete het toe gedoen wat verkeerd is in die oë van die Here; hulle het die Baäls gedien.

Rigters 3:12

Die Israeliete het weer gedoen wat verkeerd is in die oë van die Here. Die Here het Eglon, die koning van Moab, teen Israel versterk, omdat hulle gedoen het wat verkeerd is in die oë van die Here.

Rigters 3:7

Die Israeliete het gedoen wat verkeerd is in die oë van die Here. Hulle het die Here hulle God vergeet en die Baäls en asjeras gedien.

Rigters 6:1

Die Israeliete het gedoen wat verkeerd is in die oë van die Here, en Hy het hulle sewe jaar lank oorgegee in die hand van die Midianiete.