Psalms 72:5 - Die Bybel 2020-vertaling

⁵ Hulle sal vir U ontsag hê solank die son en die maan nog daar is, vir geslagte lank.

Bybel vir almal

⁵ O God, die mense moet vir U dien so lank soos die son en die maan daar is, in hierdie geslag en in elke geslag daarna.

Afrikaans 1933-1953

⁵ Hulle sal u vrees solank as die son skyn en solank as die maan daar is, van geslag tot geslag.

Afrikaans 1983

⁵ sodat die mense U kan dien so lank as die son en die maan daar is, van geslag tot geslag.

Contemporary Afrikaans Bible 2023

⁵ Hulle sal U vrees solank die son en die maan bestaan, van geslag tot geslag.

Die Boodskap

⁵ Dan sal u kinders U altyd dien, so lank as wat daar ’n son en ’n maan is.

Nuwe Lewende Vertaling

⁵ Mag hulle U dien so lank as wat die son skyn, en die maan daar is, geslag na geslag!

Psalms 72:5 Kruisverwysings

1 Konings 3:28

Toe die hele Israel hoor van die beslissing wat die koning gelewer het, het hulle vir die koning ontsag gehad, want hulle het gesien dat die wysheid van God in hom was om die reg te handhaaf.

Psalms 72:17

Mag sy roem vir altyd duur, sy naam voortleef solank die son bestaan. Mense sal wens dat hulle so geseënd is soos hy; al die nasies sal hom gelukkig noem.

Psalms 72:7

In sy tyd sal regverdiges floreer, daar sal vrede in oorvloed wees tot die maan nie meer daar is nie.

Psalms 89:29

Vir altyd sal Ek vir hom my troue liefde handhaaf; en my verbond sal bestendig wees vir hom.

Jesaja 9:7

My Heer het 'n woord gestuur teen Jakob, en dit het in Israel geval.

Daniël 2:44

In die tyd van daardie konings sal die God van die hemel 'n koninkryk vestig wat vir ewig nie vernietig sal word of aan 'n ander volk oorgelaat sal word nie. Hierdie koninkryk sal al daardie ander verpletter en tot 'n einde bring, en dit sal standhou vir ewig.

Daniël 7:14

Aan hom is heerskappy, eer en koningskap gegee – alle volke, nasies en taalgroepe dien hom. Sy heerskappy is 'n ewige heerskappy wat nie verby sal gaan nie, en sy koningskap is so dat dit nie vernietig sal word nie.

Daniël 7:27

Die koningskap, die heerskappy en die grootsheid van die koninkryke onder die ganse hemel word dan gegee aan die volk van die heiliges van die Allerhoogste. Sy koninkryk is 'n ewige koninkryk, en alle magte sal Hom dien en aan Hom gehoorsaam wees.’

Efesiërs 3:21

aan Hom kom toe die heerlikheid in die •kerk en in •Christus Jesus, deur alle geslagte heen, vir ewig en ewig. •Amen.

Openbaring 11:15

Die sewende engel het toe op sy trompet geblaas. In die hemel het luide stemme opgeklink wat uitroep: “Die heerskappy van ons Here en sy •Christus oor die wêreld het aangebreek, en Hy sal as koning heers, vir ewig en ewig.”

1 Samuel 12:18

Toe het Samuel die Here aangeroep, en die Here het nog dieselfde dag donderslae en reën beskik. Die hele volk het groot ontsag gehad vir die Here en vir Samuel.