Psalms 72:17 - Die Bybel 2020-vertaling

¹⁷ Mag sy roem vir altyd duur, sy naam voortleef solank die son bestaan. Mense sal wens dat hulle so geseënd is soos hy; al die nasies sal hom gelukkig noem.

Bybel vir almal

¹⁷ Mense moet die koning altyd onthou, hulle moet sy naam onthou so lank soos daar 'n son is. Al die volke moet weet en sê dat dit goed gaan met hulle omdat die koning daar is, en hulle moet bid dat hy gelukkig sal wees.

Afrikaans 1933-1953

¹⁷ Mag sy naam vir ewig wees; mag sy naam uitspruit solank as die son daar is! En mag al die nasies in hom geseën word, hom gelukkig prys!

Afrikaans 1983

¹⁷ Mag die koning se naam altyd onthou word, mag sy roem duur so lank as die son daar is, sodat al die nasies hulle in sy regering verlustig en hom prys!

Contemporary Afrikaans Bible 2023

¹⁷ Sy Naam sal tot in ewigheid bestaan; sy Naam sal geduur word solank as die son, en mense sal in hom geseën word; al die nasies sal hom geseënd noem.

Die Boodskap

¹⁷ Mag hulle hom vir altyd onthou. Mag hulle nog baie lank praat oor hoe ’n goeie koning hy was. Mag al die nasies mooi dinge oor hom sê en bly wees omdat hy koning was.

Nuwe Lewende Vertaling

¹⁷ Mag die koning se naam altyd onthou word en nooit vergeet word so lank as die son daar is nie. Mag al die nasies deur hom geseën word en al die nasies hom geseënd noem.

Psalms 72:17 Kruisverwysings

Genesis 12:3

Ek sal hulle seën wat jou seën, maar wie jou verwens, sal Ek vervloek. En deur jou sal al die grootfamilies van die aarde geseënd wees. ”

Genesis 22:18

Al die nasies van die aarde sal wens om so geseënd te wees soos jou nageslag, omdat jy na my stem geluister het.”

2 Samuel 7:13

Hy is die een wat vir my Naam 'n huis sal bou, en Ek sal sy koninklike troon vir altyd laat vasstaan.

2 Samuel 7:16

Jou huis en jou koningskap sal vir altyd bestendig wees voor My, jou troon sal vir altyd in stand bly.” ’ ”

1 Kronieke 17:12

Hy is die een wat vir My 'n huis sal bou, en Ek sal sy troon vir altyd laat vasstaan.

Psalms 21:7

Ja, U oorlaai hom vir altyd met seëninge. U maak hom baie bly met u teenwoordigheid.

Psalms 45:17

U seuns sal die plekke van u vaders inneem, u sal hulle as •hoë amptenare aanstel in die hele land.

Psalms 89:36

Vir eens en vir altyd het Ek by my heiligheid gesweer; Ek sal nie vir Dawid lieg nie:

Eksodus 3:15

God het weer vir Moses gesê: “So moet jy vir die Israeliete sê, “ ‘Die Here, die God van julle voorvaders, die God van Abraham, die God van Isak, die God van Jakob, het my na julle gestuur.’ Dit is my Naam vir altyd; dit is my gevierde Naam van geslag tot geslag.

Jesaja 7:14

Daarom sal my Heer self vir julle 'n teken gee: Kyk, die jong vrou is swanger, en gaan 'n seun in die wêreld bring. Sy sal hom Immanuel noem.

Jeremia 4:2

As jy sweer, ‘So waar as die Here leef’ – in trou, in reg en geregtigheid – sal nasies vir hulleself seën soek by Hom en hulle in Hom beroem. ”

Matteus 1:21

Sy sal geboorte gee aan 'n seun, en jy moet Hom Jesus noem, want Hy sal sy volk van hulle sondes verlos. ”

Matteus 1:23

“Kyk, die maagd sal swanger word en 'n seun in die wêreld bring, en hulle sal Hom Immanuel noem” – wat, as dit vertaal word, beteken ‘God is met ons.’

Lukas 1:48

want Hy het die nederigheid van sy diensmeisie raakgesien. Kyk, van nou af sal alle geslagte my gelukkig noem,

Handelinge 3:16

Dit was op grond van geloof in die Naam van Jesus dat sy Naam hierdie man wat julle sien en ken, sterk gemaak het. En die geloof wat deur Jesus kom, het in julle almal se teenwoordigheid hierdie volkome genesing aan hom gegee.

Galasiërs 3:14

Die doel was dat die seën wat Abraham ontvang het in Christus Jesus, na die nasies sou gaan, en dat ons die Gees wat beloof is, deur die geloof sou ontvang.

Efesiërs 1:3

Lofwaardig is die God en Vader van ons Here Jesus Christus! Dit is Hy wat ons in Christus geseën het met elke geestelike seëning in die hemel.

Efesiërs 3:14

Om hierdie rede buig ek my knieë voor die Vader,

Filippense 2:10

sodat in die Naam van Jesus elke knie sal buig – van diegene in die hemel en op die aarde en onder die aarde –

Kolossense 1:3

Elke keer wanneer ons vir julle bid, dank ons God, die Vader van ons Here Jesus •Christus.

1 Petrus 1:3

Lofwaardig is die God en Vader van ons Here Jesus •Christus! Dit is Hy wat ons in sy groot ontferming, deur die opstanding van Jesus Christus uit die dood, opnuut verwek het, sodat ons 'n lewende hoop mag hê

Openbaring 15:4

Wie sal dan nie vir U ontsag hê nie, Here, en u Naam nie verheerlik nie? Want U alleen is heilig! Al die nasies sal kom en in aanbidding voor U neerval, want u regverdige dade is geopenbaar.”