Psalms 71:19 - Die Bybel 2020-vertaling

¹⁹ U geregtigheid, o God, strek tot aan die hemel, U wat grootse dade verrig het. O God, wie is soos U?

Bybel vir almal

¹⁹ O God, U doen reg aan almal op die aarde en in die hemel. O God, daar is niemand soos U nie, U wat groot dinge gedoen het.

Afrikaans 1933-1953

¹⁹ Ook is u geregtigheid, o God, tot in die hoogte; U wat groot dinge gedoen het, o God, wie is soos U?

Afrikaans 1983

¹⁹ U verlossingswerk, o God, is oneindig groot; groot is die dinge wat U gedoen het! Wie is soos U, o God?

Contemporary Afrikaans Bible 2023

¹⁹ Ook is u geregtigheid baie hoog, o God, wat groot dinge gedoen het; o God, wie is soos U!

Die Boodskap

¹⁹ Almal kan u groot werke raaksien. God, daar is niemand soos U nie; nie hier op aarde nie, en ook nie in die hemel nie.

Nuwe Lewende Vertaling

¹⁹ U regverdigheid, o God, reik tot aan die hoogste hemele. U het wonderlike dinge gedoen. Wie is soos U, o God?

Psalms 71:19 Kruisverwysings

Job 5:9

aan Hom wat groot en ondeurgrondelike dinge, ontelbare wonders, doen –

Psalms 139:6

Om dit te verstaan, is 'n te groot wonder vir my; dit is te hoog, ek kan dit nie begryp nie.

Psalms 35:10

My hele wese sal sê: “Here, wie is soos U, wat die magtelose red van dié wat sterker as hy is, ja, die magtelose en behoeftige van dié wat hom beroof?”

Psalms 36:7

U geregtigheid is soos massiewe berge, u regspraak soos die groot •oerwater. U verlos mens en dier, Here.

Psalms 57:10

Ek wil U dank onder die volke, my Heer, ek wil U besing onder die nasies;

Psalms 72:18

Die Here God, die God van Israel, moet geprys word, Hy wat wonders doen, net Hy alleen.

Psalms 86:8

Daar is niemand soos U onder die gode nie, my Heer, en niks soos u werke nie.

Eksodus 15:11

“ Wie is soos U onder die gode, Here? Wie is soos U, majestueus in heiligheid, ontsagwekkend in lofwaardige dade? U wat wonders doen,

Spreuke 15:24

Die weg na lewe lei opwaarts vir 'n verstandige mens, om so die doderyk daar onder te ontwyk.

Spreuke 24:7

Wysheid is onbereikbaar vir 'n sot; in die stadspoort maak hy sy mond nie oop nie.

Jesaja 40:18

Met wie wil julle God vergelyk? Watter afbeelding wil julle langs Hom stel?

Jesaja 40:25

“Met wie wil julle My vergelyk, sodat Ek net soos hulle sal wees?” vra die Heilige.

Jesaja 5:16

Die Here, Heerser oor alle magte, is verhewe in sy regspraak; die heilige God betoon Hom heilig deur geregtigheid.

Jesaja 55:9

“ Want soos die hemel hoër is as die aarde, so is my paaie hoër as julle paaie, en my planne as julle planne.

Jeremia 10:7

Wie sou nie vir U ontsag hê nie, Koning van die nasies? Ja, vir U is dit van pas, want onder al die wyses van die nasies en in al hulle koninkryke, is daar niemand soos U nie.

Lukas 1:49

want die Magtige het groot dinge vir my gedoen – ja, heilig is sy Naam.

Deuteronomium 3:24

‘ Here, my Heer, U het pas begin om aan u dienskneg u grootheid en sterk hand te toon; want watter god is daar in die hemel of op die aarde wat u werke en u magtige dade kan nadoen?