Psalms 67:7 - Die Bybel 2020-vertaling

⁷ Die aarde het sy opbrengs gelewer. Mag God, ons God, ons seën.

Bybel vir almal

⁷ Die aarde het koring en vrugte gegee, God, ons God, seën ons.

Afrikaans 1933-1953

⁷ Die aarde het sy opbrings gelewer; God, onse God, sal ons seën.

Afrikaans 1983

⁷ Die land het sy oes gelewer. God, ons God, het ons geseën.

Contemporary Afrikaans Bible 2023

⁷ God sal ons seën; en al die eindes van die aarde sal hom vrees.

Die Boodskap

⁷ Op die landerye staan daar goeie oeste. God is ons God. Hy gee vir ons voorspoed.

Nuwe Lewende Vertaling

⁷ Die aarde het oeste gelewer. God, ons God, sal ons seën.

Psalms 67:7 Kruisverwysings

Psalms 22:27

Die verdruktes kan dan eet en versadig word; wie Hom raadpleeg, kan die Here loof. Mag julle harte vir altyd leef!

Psalms 29:11

Die Here gee krag aan sy volk, die Here seën sy volk met vrede.

Psalms 33:8

Die hele aarde moet vir die Here ontsag hê, Hom moet al die bewoners van die wêreld vrees;

Psalms 65:5

Gelukkig is die mens vir wie U uitkies en laat nader kom – hy mag woon in u voorhowe. Ons wil graag versadig word met die goeie van u huis, die heiligheid van u •tempel.

Psalms 72:17

Mag sy roem vir altyd duur, sy naam voortleef solank die son bestaan. Mense sal wens dat hulle so geseënd is soos hy; al die nasies sal hom gelukkig noem.

Psalms 98:3

Hy het sy troue liefde, sy getrouheid teenoor die huis van Israel, onthou. Al die uithoeke van die aarde het die verlossing deur ons God gesien.

Jesaja 30:23

Hy sal reën gee vir jou saad wat jy in die grond saai, en die opbrengs van die grond sal voedsel wees – dit sal geil en vet wees. Jy sal jou vee op daardie dag laat wei – 'n uitgestrekte weiveld.

Jesaja 43:6

Ek sê vir die noorde, ‘Gee!’ en vir die suide, ‘Moenie gevange hou nie! Bring my seuns van ver, en my dogters van die einde van die aarde af.

Jesaja 45:22

“ Wend julle tot My, en word verlos, almal van die uithoeke van die aarde! Want Ek is God, en daar is geen ander nie.

Jesaja 52:10

Die Here ontbloot sy heilige arm voor die oë van al die nasies. Al die uithoeke van die aarde ervaar die verlossing deur ons God.

Levitikus 26:4

sal Ek julle reën op die regte tyd vir julle gee. Die land sal sy opbrengs lewer en die bome in die veld sal hulle vrugte gee.

Miga 5:4

“Hierdie een sal ongedeerd wees. Wanneer Assirië ons land binnekom, sy voete in ons vestings sit, sal ons sewe herders, ja, agt stamhoofde uit die mense teen hulle opstel.

Sagaria 8:12

‘Want die saad van voorspoed, die wingerd, sal sy vrug lewer, die land sal sy opbrengs lewer, en die hemel sal sy dou gee. Ek sal dit alles as erfenis gee aan die oorblyfsel van hierdie volk.

Sagaria 9:10

Ek sal die strydwaens uit Efraim verdelg en die perde uit Jerusalem; ook die strydboog sal verwoes word. Hy sal vrede aan die nasies verkondig. Sy ryk sal van see tot see strek, en van die Rivier tot aan die uithoeke van die aarde.

Maleagi 1:11

Immers, van waar die son opkom tot waar hy ondergaan, is my Naam groot onder die nasies en op elke plek word reukwerk en 'n rein offer aangebied vir my Naam, want my Naam is groot onder die nasies,” sê die Here, Heerser oor alle magte.

Maleagi 4:2

Maar vir julle wat ontsag het vir my Naam, sal die son van geregtigheid deurbreek met genesing in sy strale. Dan sal julle uitgaan en bokspring soos kalwers wat op stal was,

Handelinge 13:26

“Broers, kinders van Abraham se geslag, en die godvresendes onder julle, aan ons is die boodskap van hierdie verlossing gestuur.

Handelinge 13:47

Want so het die Here dit aan ons opgedra: “ ‘Ek het jou aangewys as 'n lig vir die nasies, sodat jy verlossing kan bring tot aan die uiteindes van die aarde.’ ”

Handelinge 2:28

U het vir my die paaie na die lewe bekend gemaak – deur u teenwoordigheid sal U my met blydskap vervul.’

Galasiërs 3:14

Die doel was dat die seën wat Abraham ontvang het in Christus Jesus, na die nasies sou gaan, en dat ons die Gees wat beloof is, deur die geloof sou ontvang.

Galasiërs 3:9

Daarom word die mense wat glo, saam met die gelowige Abraham geseën.

Openbaring 15:4

Wie sal dan nie vir U ontsag hê nie, Here, en u Naam nie verheerlik nie? Want U alleen is heilig! Al die nasies sal kom en in aanbidding voor U neerval, want u regverdige dade is geopenbaar.”