Psalms 66:3 - Die Bybel 2020-vertaling

³ Sê vir God: “Hoe ontsagwekkend is u dade! Vanweë die grootheid van u krag, veins u vyande onderdanigheid aan U.

Bybel vir almal

³ Julle moet vir God sê: Die dinge wat U doen, laat ons bang word. U is baie sterk, u vyande gaan lê voor U.

Afrikaans 1933-1953

³ Sê tot God: Hoe vreeslik is u werke! Deur die grootheid van u sterkte sal u vyande kruipende na U toe kom.

Afrikaans 1983

³ Bely voor God: Hoe ontsagwekkend is u werk! U mag is groot, u vyande kruip voor U.

Contemporary Afrikaans Bible 2023

³ Sê vir God: Hoe verskriklik is U in u werke! deur die grootheid van u krag sal u vyande hulle aan u onderwerp.

Die Boodskap

³ Sê vir God: Wat U doen, is te groot om in mensewoorde beskryf te word. U is baie sterk. U vyande lê teen die grond voor u voete.

Nuwe Lewende Vertaling

³ Sê vir God: “Hoe ontsagwekkend is u werke! U vyande kruip voor u groot mag.

Psalms 66:3 Kruisverwysings

Job 25:2

“ Om te heers en vrees in te boesem, is eie aan God, Hy wat vrede handhaaf in sy hoë hemele.

Psalms 18:44

U het my bevry van die gestry onder mense, my die hoof van nasies gemaak. Mense wat ek nie geken het nie, dien my;

Psalms 18:45

sodra hulle van my hoor, gehoorsaam hulle my. Vreemdes veins onderdanigheid aan my;

Psalms 47:2

Al julle volke, klap hande! Juig tot eer van God met jubelkrete!

Psalms 65:5

Gelukkig is die mens vir wie U uitkies en laat nader kom – hy mag woon in u voorhowe. Ons wil graag versadig word met die goeie van u huis, die heiligheid van u •tempel.

Psalms 68:30

vanuit u •tempel bo Jerusalem. Vir U sal konings geskenke bring.

Psalms 76:12

Lê geloftes af aan die Here julle God, en kom dit na. Almal wat rondom Hom is, moet geskenke bring vir die Ontsagwekkende.

Psalms 81:15

Ek sou hulle vyande summier verneder, teen hulle teenstanders sou Ek my hand draai.”

Eksodus 15:21

Mirjam het vir hulle die refrein gesing: “Sing vir die Here, want Hy is hoog verhewe. Die perd en sy ruiter het Hy in die see geslinger.”

Jesaja 2:19

Mense sal in die grotte tussen rotse skuilgaan en in gate in die grond, uit vrees vir die Here, vanweë sy verhewe glansrykheid, wanneer Hy opstaan om die aarde te verskrik.

Jesaja 25:3

Daarom sal 'n sterk volk U eer, 'n stad van magtige nasies sal U vrees.

Jesaja 40:26

Kyk boontoe en sien! Wie het hierdie dinge geskep? Dit is Hy wat die hemelse leër een vir een uitlei, hulle almal op die naam roep. Deur die toedoen van Hom wat groot vermoëns en geweldige krag het, ontbreek nie een nie.

Jesaja 64:3

Toe U ontsagwekkende dade gedoen het wat ons nie verwag het nie, het U afgedaal; vanweë u teenwoordigheid het die berge gebewe.

Jeremia 10:10

Maar die Here is waarlik God, Hy is die lewende God en ewige Koning. Vir sy grimmigheid bewe die aarde, en nasies kan sy verontwaardiging nie deurstaan nie.