Psalms 50:7 - Die Bybel 2020-vertaling

⁷ “Luister tog, my volk, Ek wil my saak stel, Israel, Ek wil teen jou getuig: God, jou God, is Ek.

Bybel vir almal

⁷ God sê: “My volk Israel, julle moet luister, Ek wil praat. Ek wil getuie wees teen julle. Ek is God, Ek is julle God.

Afrikaans 1933-1953

⁷ Hoor, my volk, dat Ek kan spreek; Israel, dat Ek jou dit kan inskerp: Ek is God, jou God!

Afrikaans 1983

⁷ “Luister, my volk, Ek wil my saak stel, Ek wil teen jou getuig, Israel. Ek is God, Ek is jou God!

Contemporary Afrikaans Bible 2023

⁷ Hoor, o my volk, en Ek sal spreek; O Israel, en ek sal teen jou getuig: Ek is God, jou God.

Die Boodskap

⁷ “My mense, luister. Ek wil vir julle sê wat Ek teen julle het. Ek getuig teen julle. Ek is God, julle God.

Nuwe Lewende Vertaling

⁷ “My volk, luister as Ek praat, Ek sal teen jou getuig, Israel. Ek is God, jou God!

Psalms 50:7 Kruisverwysings

1 Konings 18:39

Toe die hele volk dit sien, val hulle neer met hulle gesigte teen die grond en sê: “Die Here, Hy is God! Die Here, Hy is God!”

2 Konings 17:13

Die Here het Israel en Juda by monde van elkeen van sy profete, deur elke siener, gewaarsku: “Draai terug van julle verkeerde paaie af! Kom my gebooie en vaste voorskrifte na, volgens die hele wet wat Ek julle voorouers beveel het en wat Ek by monde van my diensknegte, die profete, aan julle voorgehou het.”

2 Kronieke 28:5

Die Here sy God het hom toe oorgegee in die hand van die koning van Aram. Hulle het hom verslaan, en 'n groot aantal van hulle as gevangenes weggevoer en na Damaskus geneem. Ook in die hand van die koning van Israel is hy oorgegee, en dié het hom 'n groot nederlaag toegedien.

Psalms 49:1

Vir die •musiekleier. Van die Koragiete. 'n Psalm.

Psalms 81:8

Toe daar nood was, het jy geroep, en Ek het jou uitgered. Ek het jou geantwoord uit die beskutting van die donderwolk; Ek het jou getoets by die water van Meriba. •Sela

Psalms 81:9

“Luister, my volk, Ek wil jou waarsku, Israel; as jy maar net na My sal luister:

Eksodus 20:2

“ Ek is die Here jou God, wat jou uit Egipteland, uit die plek van slawerny, uitgelei het.

Jesaja 1:18

“Kom tog, laat ons die saak uitpraat!” sê die Here. “Al is julle sondes rooi soos karmosyn, dit sal wit word soos sneeu; al is dit rooi soos skarlaken, soos wol sal dit word.

Jeremia 2:9

Daarom kla Ek julle steeds aan,” is die uitspraak van die Here, “en ook julle kleinkinders sal Ek aankla.

Esegiël 20:5

Jy moet vir hulle sê, ‘So sê my Heer, die Here: “Die dag toe Ek Israel gekies het, het Ek my hand opgehef vir die nageslag van die huis van Jakob, en My aan hulle bekend gestel in Egipteland. Ek het my hand opgehef en gesê, ‘Ek, die Here, is julle God!’

Esegiël 20:7

Ek het vir hulle gesê, ‘Elkeen van julle moet die verfoeilike afgode waarvan hy nie wil afsien nie, wegwerp. Met die afgodsbeelde van Egipte mag julle julle nie verontreinig nie. Ek, die Here, is julle God.’

Sagaria 13:9

En die derde deel sal Ek na die vuur bring en hulle louter soos 'n mens silwer louter, en hulle toets soos goud getoets word. Hulle sal my Naam aanroep en Ek sal hulle antwoord. Ek sal sê, ‘Hulle is my volk,’ en hulle sal sê, ‘Die Here is ons God.’ ”

Maleagi 3:5

“Ek sal na julle toe kom vir die oordeel en Ek sal sonder om te huiwer 'n getuie wees teen towenaars, egbrekers en wie vals sweer; teen hulle wat dagloners, weduwees en vaderlose kinders verdruk en hulle wat •vreemdelinge wegwys en nie ontsag vir My het nie,” sê die Here, Heerser oor alle magte.