Psalms 45:3 - Die Bybel 2020-vertaling

³ U is mooier as ander mense, guns vloei oor u lippe, daarom seën God u vir altyd.

Bybel vir almal

³ Jy is mooier as ander mense en jy sê mooi dinge, daarom was God altyd goed vir jou.

Afrikaans 1933-1953

³ U is veel skoner as die mensekinders; genade is uitgestort op u lippe; daarom het God U geseën vir ewig.

Afrikaans 1983

³ U is mooier as alle mense; oor u lippe vloei net vriendelike woorde, want u hele lewe lank seën God u.

Contemporary Afrikaans Bible 2023

³ Gord U swaard op U heup, o Magtige, met U heerlikheid en U majesteit.

Die Boodskap

³ U, o koning, staan uit tussen alle mense. Almal sien u mooi voorkoms raak. As u praat, kan ’n mens altyd luister. God is altyd baie goed vir u.

Nuwe Lewende Vertaling

³ U is die aantreklikste van alle mense. Minsame woorde vloei uit u mond. Daarom het God u vir altyd geseën.

Psalms 45:3 Kruisverwysings

Job 1:16

Terwyl dié een nog besig is om te praat, kom 'n ander een daar aan en sê: “Die vuur van God het uit die hemel geval en die kleinvee en werkers verbrand en verteer. Net ek alleen het vrygekom om dit aan u te kom vertel.”

Psalms 104:1

Loof die Here, o my siel! Here, my God, U is baie groot; U is met luister en glans beklee,

Psalms 145:12

sodat die mensdom kan kennis neem van u magtige dade, van die heerlike majesteit van u koningskap.

Psalms 145:5

Oor die heerlike majesteit van u luister en u wonderdade wil ek nadink.

Psalms 21:5

Lewe het hy van U gevra en U het dit aan hom gegee, 'n lang leeftyd, vir altyd en ewig.

Psalms 21:7

Ja, U oorlaai hom vir altyd met seëninge. U maak hom baie bly met u teenwoordigheid.

Psalms 96:6

Luister en glans is voor Hom; krag en heerlikheid is in sy heiligdom.

Hooglied 2:3

Soos 'n appelboom tussen die bome van die bos, so is my liefste onder die jong mans. Ek sit graag in sy skaduwee, sy vrugte soet op my tong.

Hooglied 5:13

Sy wange is soos beddings balsemkruid wat geurige kruie laat uitspruit. Sy lippe is narsings wat drup van vloeiende mirre.

Jesaja 49:2

Hy het my mond soos 'n skerp swaard gemaak, in die skaduwee van sy hand het Hy my weggesteek. Hy het my 'n geslypte pyl gemaak, in sy pylkoker het Hy my versteek.

Handelinge 10:36

Dít is die boodskap wat Hy vir die kinders van Israel gestuur het toe Hy die evangelie van vrede wat deur Jesus Christus gekom het, verkondig het: Hy is die Here van alle mense.

Romeine 14:9

Dit is tog waarvoor •Christus gesterf het en weer lewend geword het – om Heer te wees oor dooies en lewendes.

Hebreërs 1:3

Hy is die uitstraling van God se heerlikheid, en die ewebeeld van sy wese. Hy hou alles in stand deur sy magtige woord; en nadat Hy die reiniging van sondes bewerk het, het Hy gaan sit aan die regterhand van die Majesteit in die hoogtes.

Hebreërs 4:12

Want die woord van God is lewend en kragtig, en skerper as enige tweesnydende swaard. Dit dring deur tot by die raakpunt tussen siel en gees, tussen gewrig en murg, en beoordeel die hart se voornemens en gedagtes.

Hebreërs 8:1

Die hoofsaak van wat gesê is, is dat ons só 'n Hoëpriester het: Een wat gaan sit het aan die regterkant van die troon van die Majesteit in die hemele,

Judas 1:25

aan die enigste God, ons Verlosser, deur Jesus •Christus ons Here, behoort die heerlikheid, majesteit, krag en mag – van voor alle tye, en ook nou, en tot in alle ewigheid. •Amen.

Openbaring 1:16

In sy regterhand het hy sewe sterre gehou, uit sy mond het daar 'n skerp swaard met twee snykante gekom, en sy gesig was soos die son, wat in al sy felheid skyn.

Openbaring 19:15

Uit sy mond het 'n vlymskerp swaard gekom om die nasies mee te tref, en Hy sal hulle met 'n ysterstaf regeer. Hy sal ook self die parskuip van die geweldige toorn van God, die Almagtige, trap.

Openbaring 19:21

Die res van die mense is doodgemaak met die swaard wat gekom het uit die mond van die Een wat op die perd sit. En al die voëls het hulle versadig gevreet aan hulle vleis.

Rigters 3:16

Ehud het vir hom 'n swaard gemaak met twee snykante wat 'n gomed lank was. Hy het dit onder sy klere aan sy regterheup vasgegord.