Psalms 39:8 - Die Bybel 2020-vertaling

⁸ “En nou, wat verwag ek, my Heer? My hoop, op U is dit gevestig.

Bybel vir almal

⁸ En daarom, Here, wat kan ek hoop? Ek weet dit is net U wat kan help.

Afrikaans 1933-1953

⁸ En nou, wat verwag ek, o Here? My hoop is op U.

Afrikaans 1983

⁸ Is daar nog hoop vir my, Here? U is my enigste hoop.

Contemporary Afrikaans Bible 2023

⁸ Red my van al my oortredinge; maak my nie die smaad van die dwase nie.

Die Boodskap

⁸ Ag Here, wat bly daar nog vir my in hierdie lewe oor? Ek vestig al my hoop op U!

Psalms 39:8 Kruisverwysings

Psalms 119:39

Neem die bespotting wat ek vrees van my weg, want u beslissings is goed.

Psalms 130:6

My hele wese wag op my Heer, meer as wagte op die môre, ja, wagte op die môre.

Psalms 130:8

Dit is Hy wat Israel bevry van al sy sondeskuld.

Psalms 25:11

Ter wille van u Naam, Here, vergewe my sondeskuld, want dit is groot.

Psalms 25:18

Sien tog my ellende en my swaarkry raak en vergewe al my sonde.

Psalms 35:21

Ja, hulle rek hulle monde wyd oor my; hulle sê: “Aha! Aha! Ons het dit self gesien!”

Psalms 44:13

U verkoop u volk goedkoop; U maak geen wins uit die verkoopprys nie.

Psalms 51:14

Laat my weer die vreugde oor u verlossing ervaar, laat 'n gewillige gees my ondersteun.

Psalms 57:3

Ek roep na God, die Allerhoogste, na God, wat namens my vergeld.

Psalms 65:3

U wat gebede hoor – na U moet alle mense kom.

Psalms 79:4

Ons het die bespotting van ons bure geword, die hoon en spot van hulle rondom ons.

Joël 2:17

Tussen die voorhof en die altaar moet die priesters huil, hulle wat in diens van die Here staan. Hulle moet sê: “Spaar u volk, Here, moet u erfdeel nie oorgee aan vernedering, sodat nasies met hulle spot nie. Waarom moet hulle onder die volke vra, ‘Waar is hulle God?’ ”

Joël 2:19

Die Here het geantwoord, Hy het vir sy volk gesê: “Kyk, Ek stuur vir julle koring en •nuwe wyn en olie, sodat julle daarvan versadig kan word, Ek gee julle nie langer daaraan oor om deur die nasies verneder te word nie.

Miga 7:19

wat ons weer genadig sal wees, ons skuld sal vertrap. U sal al ons sondes in die dieptes van die see gooi.

Matteus 1:21

Sy sal geboorte gee aan 'n seun, en jy moet Hom Jesus noem, want Hy sal sy volk van hulle sondes verlos. ”

Titus 2:14

Hy wat Homself ter wille van ons gegee het, om ons los te koop van alle wetteloosheid, en vir Hom 'n eie volk as eiendom te reinig, wat ywerig is om goed te doen.