Psalms 39:3 - Die Bybel 2020-vertaling

³ Ek het toe stilgebly, doodstil; ek was stil sonder om 'n woord te sê, maar my pyn het vererger.

Bybel vir almal

³ Ek het nie gepraat nie, ek het stilgebly, maar dit was nie goed vir my nie, my pyn het meer en meer geword.

Afrikaans 1933-1953

³ Ek was stom in stilte, ek het geswyg, ver van die goeie af; maar my smart is aangewakker.

Afrikaans 1983

³ Ek was stom en sprakeloos, ek het geswyg, nie gepraat nie, maar my smart het al hoe groter geword.

Contemporary Afrikaans Bible 2023

³ My hart was warm in my, terwyl ek die brandende vuur peins; toe het ek met my tong gespreek:

Die Boodskap

³ Ek het my mond gehou en nie ’n woord gesê nie. Maar toe ek so stilbly sonder om te praat oor die goeie, het my hartseer net al hoe groter geword.

Nuwe Lewende Vertaling

³ Maar toe ek daar in stilte bly staan en nie oor goeie dinge kon praat nie, het my ontsteltenis groter geword.

Psalms 39:3 Kruisverwysings

Jeremia 20:9

Ek het al gesê: “Ek sal nie aan Hom dink nie, nie meer in sy Naam iets sê nie.” Maar dan word dit in my hart soos 'n vuur wat brand, vasgevang in my gebeente! Ek het my moeg gemaak om dit binne te hou, maar ek kon nie.

Esegiël 3:14

'n Gees het my opgelig en my weggeneem. Ek het gegaan – bitter en ontstemd in my gemoed. Die hand van die Here was ferm oor my.

Lukas 24:32

En hulle het vir mekaar gesê: “Was ons harte nie brandend in ons toe Hy met ons langs die pad gepraat en die Skrifte vir ons uitgelê het nie?”