Psalms 32:2 - Die Bybel 2020-vertaling

² Gelukkig is die mens vir wie die Here sondeskuld nie toereken nie, en in wie se gees geen bedrog is nie.

Bybel vir almal

² Dit gaan goed met 'n mens wanneer die Here nie sê dat hy skuldig is nie. Dit gaan goed met 'n mens wat nie ander mense bedrieg nie.

Afrikaans 1933-1953

² Welgeluksalig is die mens aan wie die Here die ongeregtigheid nie toereken nie en in wie se gees geen bedrog is nie.

Afrikaans 1983

² Dit gaan goed met die mens vir wie die Here die oortreding nie toereken nie en in wie se gees daar geen valsheid is nie.

Contemporary Afrikaans Bible 2023

² Geseënd is die man aan wie die HERE die ongeregtigheid nie toereken nie en in wie se gees geen bedrog is nie.

Die Boodskap

² Jy is baie gelukkig as die Here jou nie laat betaal vir jou skuld nie. Jy is ook gelukkig as jy nie skelm is of ander mense probeer te kort doen met geld nie.

Nuwe Lewende Vertaling

² Geseënd is die mens wie se sonde die Here nie toereken nie, in wie se lewe daar geen bedrog is nie!

Psalms 32:2 Kruisverwysings

Levitikus 17:4

en wat dit nie na die Tent van Ontmoeting bring om dit vir die Here as offer aan te bied voor die •tabernakel van die Here nie, sal dit teen daardie man as bloedskuld gehou word. Hy het bloed vergiet en daardie man moet heeltemal van sy mense afgesny word.’

Johannes 1:47

Jesus het Natanael na Hom sien aankom, en sê toe van hom: “Kyk, hy is waarlik 'n Israeliet in wie daar geen bedrog is nie.”

Romeine 5:13

Vóór die wet was daar reeds sonde in die wêreld, maar as daar nie 'n wet is nie, word sonde nie toegereken nie.

2 Korinthiërs 1:12

Ons roem is juis dit: die getuienis van ons gewete dat ons in die wêreld, en veral teenoor julle, opgetree het in opregtheid en met eerlikheid wat van God kom – ook nie deur menslike wysheid nie, maar deur die genade van God.

Openbaring 14:5

En oor hulle lippe het geen enkele leuen gekom nie. Hulle is onberispelik.