Psalms 28:3 - Die Bybel 2020-vertaling

³ Moet my nie wegvoer saam met goddeloses nie – mense wat onreg pleeg, wat oor vrede praat met hulle naaste terwyl daar kwaad in hulle harte is.

Bybel vir almal

³ U moenie vir my wegvat saam met die mense wat verkeerd doen nie, saam met die slegte mense nie. Hulle sê vir die mense naby hulle dat hulle bid dat dit goed sal gaan met hulle, maar in hulle harte bid hulle dat dit sleg sal gaan.

Afrikaans 1933-1953

³ Ruk my nie weg saam met die goddelose en saam met die werkers van ongeregtigheid nie; wat van vrede spreek met hulle naaste, maar daar is kwaad in hulle hart.

Afrikaans 1983

³ Moet my tog nie uitroei saam met die goddeloses, die mense wat onreg doen nie. Hulle praat vriendelik met hulle bure, maar daar is kwaadwilligheid in hulle harte.

Contemporary Afrikaans Bible 2023

³ Trek my nie weg saam met die goddelose en met die werkers van ongeregtigheid nie, wat vrede spreek met hulle naaste, maar onheil is in hulle harte.

Die Boodskap

³ Moet my nie laat doodgaan saam met mense wat nie in U glo nie. Hulle doen verkeerde dinge. Hulle is skynheilig. Hulle praat mooi woordjies, maar agteraf dink hulle slegte goed uit.

Nuwe Lewende Vertaling

³ Moenie my wegsleep saam met die goddeloses, met hulle wat bose dinge doen nie; wat vriendelik praat met hulle bure, maar in hulle harte is daar kwaadwilligheid.

Psalms 28:3 Kruisverwysings

Psalms 10:14

U sien tog self die moeite en verdriet, U sien dit raak. Deur dit in u hand te gee, laat weerloses dit aan U oor; vir weeskinders is U 'n helper.

Psalms 10:7

Sy mond is vol vervloeking, bedrog en verdrukking; onder sy tong is gemeenheid en onreg.

Psalms 12:2

Verlos tog, Here! Want daar is nie meer getroue volgelinge nie; die betroubares onder die mense het verdwyn.

Psalms 141:4

Moet my hart nie laat neig na iets wat sleg is nie, sodat ek nie deur 'n misstap roekeloos optree saam met manne wat onreg pleeg nie; laat ek tog nie aan hulle lekkernye proe nie.

Psalms 26:9

Moet my nie wegruk saam met sondaars, my lewe saam met manne wat bloed vergiet nie,

Psalms 36:4

Die woorde uit sy mond is onreg en bedrog; hy laat na om wys op te tree, om goed te doen.

Psalms 52:1

Vir die •musiekleier. 'n Maskiel. Van Dawid.

Psalms 55:21

Teen sy vriende het hy sy hand uitgesteek; hy het sy verbond geskend.

Psalms 62:4

Hoe lank nog gaan julle 'n man bly aanval, vermoor julle almal hom – asof hy 'n muur is wat oorhel, 'n tuinmuur wat omgestoot word?

Psalms 7:14

Hy maak vir Hom dodelike wapens gereed; Hy maak van sy pyle brandpyle.

Miga 3:5

So sê die Here oor die profete wat my volk mislei, wat vrede verkondig as hulle iets te ete kry; maar as iemand hulle nie iets in die mond stop nie, 'n oorlog teen hom heilig:

Numeri 16:26

Toe praat hy met die volksvergadering en sê: “Kom tog weg van die tente van hierdie bose manne! Moenie aan enigiets raak wat aan hulle behoort nie, anders word julle meegesleur oor al hulle sonde.”

Matteus 25:41

“Dan sal Hy vir dié aan sy linkerhand sê, ‘Gaan weg van My, julle vervloektes, in die ewige vuur, wat gereedgemaak is vir die Duiwel en sy engele.

Matteus 25:46

Hierdie mense sal weggaan na die ewige straf, maar die regverdiges na die ewige lewe.”