Psalms 22:16 - Die Bybel 2020-vertaling

¹⁶ My krag het uitgedroog soos 'n potskerf, en my tong kleef aan my verhemelte; in die stof van die dood laat U my lê.

Bybel vir almal

¹⁶ Dit voel of ek niks meer kan doen nie, ek is soos 'n droë, stukkende kleipot, ek is so dors dat my tong vassit bo-in my mond. Dit voel of ek dood is en of U my op die grond laat lê het.

Afrikaans 1933-1953

¹⁶ My krag is verdroog soos 'n potskerf, en my tong kleef aan my verhemelte; en U lê my neer in die stof van die dood.

Afrikaans 1983

¹⁶ Ek is so min werd soos 'n potskerf, my tong kleef aan my verhemelte, U laat lê my asof ek dood is.

Contemporary Afrikaans Bible 2023

¹⁶ Want honde het my omsingel, die menigte van die goddeloses het my omring; hulle het my hande en my voete deurboor.

Die Boodskap

¹⁶ Ja, ek is so min werd soos ’n leë blik op ’n ashoop. My tong is so dik dat ek nie kan praat nie. En dan los U my ook nog alleen asof ek klaar dood is.

Nuwe Lewende Vertaling

¹⁶ My krag het opgedroog soos ’n potskerf. My tong kleef aan my verhemelte. U laat my vir dood in die stof lê.

Psalms 22:16 Kruisverwysings

Psalms 22:1

Vir die •musiekleier. Op “Die rooi takbok van die dagbreek”. 'n Psalm. Van Dawid.

Psalms 22:20

U, Here, moet tog nie ver van my bly nie; my bron van krag, kom my gou te hulp.

Psalms 38:11

My hart klop wild, my krag het my verlaat, en die lig van my oë – selfs dit is nie meer daar nie.

Psalms 59:14

Delg uit in woede, delg uit, sodat hulle nie bestaan nie. Dan sal mense tot by die uithoeke van die aarde weet: God heers in Jakob. Sela

Psalms 59:6

U, Here God, Heerser oor alle magte, God van Israel, staan tog op om al die nasies tot verantwoording te roep; moenie genadig wees teenoor al die bose verraaiers nie. •Sela

Psalms 86:14

O God, vermeteles het teen my opgestaan; 'n klomp geweldenaars soek my lewe en hou U nie voor oë nie.

Jesaja 53:5

Hy is egter deurboor oor ons oortredings, verbrysel oor ons sondeskuld. Die straf wat ons vrede bewerk, was op hom, en deur sy wonde is daar vir ons genesing.

Jeremia 12:6

Want ook jou stamgenote, jou eie familie, ook hulle het verraderlik teen jou opgetree; ook hulle roep hardop agter jou aan. Moet hulle nie glo wanneer hulle vriendelik met jou praat nie.”

Sagaria 12:10

Maar oor die huis van Dawid en oor die inwoners van Jerusalem sal Ek 'n gees van genade en 'n gesindheid van smeekgebede uitstort. En hulle sal kyk na My vir wie hulle deurboor het, en hulle sal oor hom rou soos 'n mens rou oor 'n enigste seun, en hulle sal bitterlik huil soos 'n mens huil oor 'n eersgebore kind.

Matteus 26:57

Die mense wat Jesus gevange geneem het, het Hom weggelei na Kajafas, die hoëpriester, waar die skrifkenners en die familiehoofde vergader het.

Matteus 27:35

Nadat hulle Hom gekruisig het, het hulle sy boklere verdeel deur daaroor te loot.

Matteus 7:6

“Moenie wat heilig is vir die honde gee nie, en moenie julle pêrels voor die varke gooi nie, sodat hulle dit nie met hulle pote vertrap, en die honde nie omspring en julle verskeur nie.”

Markus 15:24

Toe kruisig hulle Hom en verdeel sy boklere deur daaroor te loot oor wie wat sou neem.

Lukas 23:23

Maar hulle het luidkeels aangehou om te eis dat Hy gekruisig word, en hulle geskreeu het die oorhand gekry.

Lukas 23:33

Toe hulle by die plek kom wat Kopbeen genoem word, het hulle Hom daar gekruisig – so ook die misdadigers, een aan sy regterhand en een aan sy linkerhand.

Johannes 19:23

Toe die soldate Jesus gekruisig het, het hulle sy bokleed geneem en dit in vier dele verdeel, vir elke soldaat 'n deel, en so ook sy onderkleed. Maar die onderkleed was naatloos, van bo tot onder aaneen geweef.

Johannes 19:34

Een van die soldate het egter met 'n spies in Jesus se sy gesteek, en onmiddellik het daar bloed en water uitgekom.

Johannes 19:37

En 'n ander Skrifdeel sê weer: “Hulle sal Hom sien vir wie hulle deurboor het.”

Johannes 20:25

Die ander dissipels sê toe vir hom: “Ons het die Here gesien!” Maar hy het vir hulle gesê: “As ek nie die merke sien van die spykers in sy hande en my vinger nie steek in die spykermerke, en my hand nie in sy sy steek nie, sal ek nooit glo nie.”

Johannes 20:27

Daarna sê Hy vir Thomas: “Bring jou vinger hier, en kyk na my hande, en bring jou hand en steek dit in my sy; en moenie langer ongelowig wees nie, maar gelowig.”

Filippense 3:2

Waak teen die honde! Waak teen die kwaadstokers! Waak teen die afsnyding!

Openbaring 22:15

Die honde bly buite, ook die towenaars en die hoereerders, die moordenaars en die afgodedienaars, en ook elkeen wat die leuen liefhet en beoefen.