Psalms 18:41 - Die Bybel 2020-vertaling

⁴¹ My vyande – U het hulle vir my laat vlug; en my haters – ek kon hulle vernietig.

Bybel vir almal

⁴¹ U laat hulle vlug, weg van my, en ek kan die mense wat my haat, vir altyd stilmaak.

Afrikaans 1933-1953

⁴¹ En U het my vyande vir my laat vlug; en my haters, dié het ek vernietig.

Afrikaans 1983

⁴¹ U het my vyande voor my laat vlug en ek kon my haters uitwis.

Contemporary Afrikaans Bible 2023

⁴¹ Hulle het geroep, maar daar was niemand om hulle te verlos nie: tot die HERE, maar Hy het hulle nie geantwoord nie.

Die Boodskap

⁴¹ Dis eintlik U wat my vyande vir my oorwin. U het gesorg dat hulle weghardloop. So kon ek die mense wat nie van my hou nie se mag heeltemal breek.

Psalms 18:41 Kruisverwysings

Job 27:9

Sal God sy hulpkrete hoor as benoudheid hom oorval?

Psalms 118:10

Alle nasies het my omsingel; in die Naam van die Here kon ek hulle waarlik afweer.

Psalms 118:11

Hulle het my omsingel, ja, hulle het op my toegesak; in die Naam van die Here kon ek hulle waarlik afweer.

Psalms 50:22

Verstaan dit tog, julle wat God vergeet, anders verskeur Ek, en daar is niemand wat kan red nie.

Spreuke 1:28

“ Dan sal hulle na my roep, maar ek sal nie antwoord nie; hulle sal my soek, maar my nie vind nie.

Jesaja 1:15

As julle julle hande uitstrek, sluit Ek my oë vir julle. Selfs as julle baie bid, luister Ek nie. Julle hande is vol bloed.

Jeremia 11:11

Daarom, so sê die Here: “Kyk, Ek gaan oor hulle teenspoed bring waaraan hulle nie sal kan ontsnap nie. Hulle sal na My roep om hulp, maar Ek sal nie na hulle luister nie.

Jeremia 14:12

Wanneer hulle vas, luister Ek nie na hulle klaagroep nie; en wanneer hulle •brandoffers en •graanoffers bring, aanvaar Ek hulle nie. Maar met die swaard, hongersnood en pessiekte sal Ek 'n einde aan hulle maak.”

Esegiël 8:18

Op my beurt gaan Ek in woede optree. Ek sal nie 'n traan stort nie, Ek sal nie deernis hê nie. Al roep hulle baie hard in my ore, Ek sal nie na hulle luister nie.”

Hosea 7:14

Hulle roep nie uit die hart na My om hulp nie; want hulle kerm op hulle lêplekke; oor koring en •nuwe wyn sny hulle hulleself stukkend – so draai hulle teen My.

Miga 3:4

Dan sal hulle na die Here om hulp roep, maar Hy sal hulle nie antwoord nie. In daardie tyd sal Hy sy gesig vir hulle verberg omdat hulle optrede boos was.

Sagaria 7:13

“ ‘Soos hulle nie geluister het toe daar geroep is nie, so roep hierdie mense en luister Ek nie,’ sê die Here, Heerser oor alle magte.

Lukas 13:25

As die huisbaas eers opgestaan en die deur gaan sluit het, en julle staan buite en klop aan die deur en roep, ‘Meneer, maak vir ons oop!’ sal hy julle antwoord, ‘Ek weet nie waar julle vandaan kom nie.’

Josua 10:26

Daarna het Josua die konings neergevel en hulle doodgemaak. Hy het hulle aan vyf pale opgehang, en hulle het aan die pale bly hang tot die aand.