Psalms 14:1 - Die Bybel 2020-vertaling

¹ Vir die •musiekleier. Van Dawid. Dwase sê in hulle harte: Daar is geen God nie. Hulle tree gruwelik en afstootlik op. Daar is nie een wat goed doen nie.

Bybel vir almal

¹ Vir die leier van die koor: Van Dawid. Dit is dwase mense wat dink daar is nie 'n God nie. Hulle is slegte mense, hulle is wreed, nie een van hulle doen goed nie.

Afrikaans 1933-1953

¹ VIR die musiekleier. 'n Psalm van Dawid. Die dwaas sê in sy hart: Daar is geen God nie. Sleg, afskuwelik maak hulle hul dade; daar is niemand wat goed doen nie.

Afrikaans 1983

¹ Vir die koorleier. Van Dawid. Die dwaas dink daar is geen God nie. Dwase mense vernietig alles; wat hulle doen, is 'n gruwel vir die Here. Daar is nie een wat goed doen nie.

Contemporary Afrikaans Bible 2023

¹ (Aan die musiekleier, 'n Psalm van Dawid.) Die dwaas het in sy hart gesê: Daar is geen God nie. Hulle is korrup, hulle het gruwelike werke gedoen, daar is niemand wat goed doen nie.

Die Boodskap

¹ Dit is net ’n baie dom mens wat dink God is nie daar nie. Jy kan dit sien aan wat sulke mense doen: hulle kul en bedrieg net. Hulle stel nie belang om enigiets goeds te doen nie.

Nuwe Lewende Vertaling

¹ Vir die koorleier: ’n Dawidspsalm. Net dwase sê vir hulleself: “Daar is geen God nie.” Hulle is korrup en hulle dade is boos. Niemand doen die goeie nie!

Psalms 14:1 Kruisverwysings

Genesis 6:5

Toe die Here sien dat die boosheid van die mens op die aarde groot is, en dat alles wat hy in sy hart bedink, altyd net sleg is,

Job 15:16

hoeveel minder 'n mens wat afstootlik en ontaard is, wat ongeregtigheid soos water drink!

Job 22:13

Maar jy sê, ‘Wat weet God? Kan Hy deur diepe duisternis 'n oordeel vel?

Psalms 10:4

Die goddelose sê met sy neus in die lug: “God vra nie rekenskap nie; daar is geen God nie” – dit is al sy gedagtes.

Psalms 107:17

Dwase het, deur hulle pad van oortreding en deur hulle sondeskuld, hulle eie teistering veroorsaak.

Psalms 53:1

Vir die •musiekleier. Op Magalat. 'n Maskiel. Van Dawid.

Psalms 73:3

Want ek het verwaande mense beny; ek het die voorspoed van goddeloses gesien.

Psalms 92:6

Hoe groot is u werke, Here, hoe uitermate diep u gedagtes!

Spreuke 1:22

“ Hoe lank nog gaan julle, onkundiges, onkunde liefhê, gaan spotters 'n geklets waardevol ag, en gaan dwase kennis haat?

Spreuke 1:7

Ontsag vir die Here is die begin van kennis; wysheid en vermaning – net sotte verag dit.

Spreuke 13:19

'n Wens wat waar word, is soet vir die siel, maar dit is afstootlik vir dwase om van die kwaad weg te bly.

Spreuke 27:22

Selfs as jy 'n sot tussen garskorrels in 'n stampblok stamp met 'n stamper, sal sy sotheid nie van hom wyk nie.

Prediker 7:20

want daar is geen mens op aarde wat regverdig is, wat aanhou goed doen en nie sondig nie.

Jesaja 1:4

Wee 'n sondige nasie, 'n volk swaar belaai met sondeskuld, 'n geslag kwaaddoeners, kinders wat hulle wangedra! Hulle het die Here verlaat, die Heilige van Israel verag, Hom die rug toegekeer.

Jeremia 5:12

Hulle het die Here verloën; hulle het gesê: “Nie Hy nie! 'n Ramp sal nie oor ons kom nie; en swaard en hongersnood sal ons nie beleef nie.

Jeremia 6:28

Hulle is almal rebels, onversetlik – koper en yster! Hulle gaan rond as kwaadstokers. Hulle almal is ontaard.

Matteus 12:34

Addergeslag! Hoe kan julle iets goeds sê as julle sleg is? Want waar die hart van vol is, loop die mond van oor.

Matteus 15:19

Uit die hart kom daar immers bose gedagtes, moord, owerspel, onsedelikheid, diefstal, valse getuienis en lastering.

Lukas 12:20

Maar God het vir hom gesê, ‘Jou dwaas! Vannag nog sal jou lewe opgeëis word. En wat jy bymekaargemaak het, aan wie sal dit dan behoort?’

Efesiërs 2:12

Onthou dat julle in daardie tyd sonder •Christus was, uitgesluit van die burgerskap van Israel en vreemdelinge ten opsigte van die verbondsbeloftes, sonder hoop en sonder God in die wêreld.

Titus 1:16

Hulle bely dat hulle God ken, maar weerspreek dit met hulle dade; hulle is afstootlik en onversetlik, onbekwaam om enigiets goeds te doen.

Titus 3:3

Want ons was ook voorheen onverstandig, ongehoorsaam, verdwaal, verslaaf aan allerlei begeertes en luste. Ons het in kwaadwilligheid en naywer geleef, ons was haatlik en het mekaar gehaat.

Openbaring 21:8

Maar vir die lafhartiges, ongelowiges, losbandiges, moordenaars, hoereerders, towenaars, afgodedienaars en al die leuenaars – hulle deel is die brandende poel van vuur en swael; dit is die tweede dood.”

1 Samuel 25:25

My heer moet hom tog nie steur aan Nabal nie, daardie skobbejak van 'n man, want soos sy naam is, so is hy. Sy naam is Nabal, en die dwaasheid loop saam met hom. Maar ek, u dienares, het nie die jong manne van my heer, wat u gestuur het, gesien nie.