Psalms 135:12 - Die Bybel 2020-vertaling

¹² En Hy het hulle land as erfdeel gegee, as 'n erfdeel aan Israel, sy volk.

Bybel vir almal

¹² En toe het die Here húlle lande gegee vir sy volk Israel, dit het die Israeliete se land geword.

Afrikaans 1933-1953

¹² en hulle land as erfdeel gegee het, as erfdeel aan Israel, sy volk.

Afrikaans 1983

¹² Hy het hulle land as geskenk aan Israel gegee, as geskenk aan sy volk.

Contemporary Afrikaans Bible 2023

¹² en hulle land as 'n erfdeel, 'n erfdeel aan sy volk Israel gegee het.

Die Boodskap

¹² Toe het Hy aan sy volk ’n land gegee wat hulle s’n sou wees. So het sy kinders, die Israeliete, hulle eie eiendom gekry.

Nuwe Lewende Vertaling

¹² Hulle land het Hy as erfdeel aan Israel gegee, as erfdeel vir sy volk Israel.

Psalms 135:12 Kruisverwysings

Psalms 78:55

Hy het nasies voor hulle uit verdryf. Hy het wat aan hulle behoort, met 'n maatlyn opgemeet as erfdeel, en die stamme van Israel in húlle tente laat woon.

Numeri 33:54

Julle moet die land onder mekaar verdeel deur loting. Volgens julle familiegroepe moet julle vir dié wat baie is, 'n groter erfdeel gee; vir dié wat min is, moet jy 'n kleiner erfdeel gee. Waar die lot ook al vir iemand val, dit sal syne wees. Volgens die stamme van julle voorvaders moet julle dit onder mekaar verdeel.

Deuteronomium 29:8

hulle land afgeneem en dit as erfenis aan die stamme van Ruben en Gad en die halwe stam van Manasse gegee.

Josua 11:23

Josua het die hele landstreek verower, net soos die Here vir Moses gesê het. Josua het dit aan Israel as erfdeel gegee, ooreenkomstig die indeling van hulle stamme. Die land het toe gerus van oorlog.

Josua 12:7

Die volgende is die konings van die land wat Josua en die Israeliete oorkant die Jordaan aan die westekant verslaan het, van Baäl-Gad in die Libanonvallei tot by die berg Galak wat oploop na Seïr. Josua het dit alles aan die stamme van Israel as eiendom gegee ooreenkomstig hulle indeling.