Psalms 13:4 - Die Bybel 2020-vertaling

⁴ Sien dit tog raak, antwoord my, Here, my God! Verlig tog my oë, anders sink ek in 'n doodslaap weg,

Bybel vir almal

⁴ Here my God, U moet luister en my antwoord, U moet vir my nuwe lewe gee, sodat ek nie sterf nie,

Afrikaans 1933-1953

⁴ Aanskou tog, verhoor my, Here, my God! Verlig my oë, sodat ek nie in die dood inslaap nie;

Afrikaans 1983

⁴ Luister tog en antwoord my, Here my God! Gee my tog nuwe lewenskrag. Ek wil nie sterwe nie,

Contemporary Afrikaans Bible 2023

⁴ Laat my vyand nie sê: Ek het hom oorwin nie; en die wat my pla, is bly as ek ontroer is.

Die Boodskap

⁴ Gee tog aandag en antwoord my, Here my God; maak my weer gelukkig. Anders is daar geen ander uitweg vir my as die dood nie.

Nuwe Lewende Vertaling

⁴ Kyk tog en antwoord my, Here my God! Verlig tog weer my oë dat ek nie die doodslaap ingaan nie,

Psalms 13:4 Kruisverwysings

Esra 9:8

En nou, vir 'n kort oomblik, was daar genade van die Here ons God om vir ons vrygeraaktes te laat oorbly, en vir ons vastigheid in sy heilige gebied te gee, om ons oë te verhelder en ons 'n bietjie nuwe lewe in ons slawerny te gee.

Psalms 10:11

Die goddelose sê in sy hart: “God vergeet. Hy hou sy oë toe; Hy sien dit nooit raak nie.”

Psalms 112:6

want hy sal nooit wankel nie. 'n Regverdige bly vir altyd in die herinnering.

Psalms 25:2

My God, op U vertrou ek; laat my tog nie beskaamd staan nie; laat my vyande nie oor my jubel nie.

Psalms 35:19

Laat my vyande hulle nie valslik oor my verheug nie, laat hulle wat my sonder rede haat, nie met die oog knik nie;

Psalms 35:25

Laat hulle nie in hulle hart sê, “Aha, net wat ons wou hê!” nie. Laat hulle nie sê, “Ons het hom verslind!” nie.

Psalms 38:16

want op U, Here, wag ek – U moet my antwoord, my Heer, my God.

Psalms 55:22

Sy mond is gladder as botter, maar sy hart is die ene oorlog. Sy woorde is strelender as olie, maar dit is ontblote swaarde.

Psalms 62:2

Net by God vind ek rus; van Hom kom my verlossing.

Psalms 62:6

Vind rus by God alleen, my siel, want op Hom is my hoop gevestig.

Psalms 9:19

Maar die behoeftiges sal nie vir altyd vergeet word nie; die magteloses se hoop is nie vir altyd verlore nie.

Spreuke 12:3

'n Mens kan nie bestendig wees deur goddeloosheid nie, en die wortel van regverdiges kan nie losgeskud word nie.

Jeremia 1:19

Hulle sal teen jou veg, maar sal nie die oorhand oor jou kry nie. Want Ek is by jou,” is die uitspraak van die Here, “om jou te red!”

Klaagliedere 1:16

Aanhoudend huil ek hieroor, my oë stroom van trane, want die trooster wat my kon opbeur, is ver van my af. My kinders is verpletter, want die vyand het die oorhand verkry.

Josua 7:9

Die Kanaäniete en al die inwoners van die land sal dit hoor, ons omsingel en ons naam van die aarde af uitroei . Wat sal U dan doen vir u groot Naam? ”