Psalms 115:3 - Die Bybel 2020-vertaling

³ Ons God is in die hemel; alles wat Hom behaag, doen Hy.

Bybel vir almal

³ Ons God is in die hemel, en Hy doen alles wat Hy wil doen.

Afrikaans 1933-1953

³ terwyl onse God tog in die hemel is; Hy doen alles wat Hom behaag.

Afrikaans 1983

³ En dit terwyl ons God in die hemel is! Alles wat Hy wil, doen Hy.

Contemporary Afrikaans Bible 2023

³ Maar onse God is in die hemele; Hy het gedoen wat Hy behaag het.

Die Boodskap

³ Ons God bly bo in die hemel. Hy doen alles wat Hy wil.

Nuwe Lewende Vertaling

³ Maar ons God is in die hemel en Hy maak soos Hy wil.

Psalms 115:3 Kruisverwysings

1 Kronieke 16:25

Want groot is die Here en besonder lofwaardig; Hy is ontsagwekkend, meer as alle gode.

Job 23:13

“Maar Hy is uniek – wie kan Hom teengaan? Wat Hy graag wil doen, dit voer Hy uit.

Psalms 103:19

Die Here het in die hemel sy troon gevestig, en sy heerskappy strek oor alles.

Psalms 123:1

'n •Pelgrimslied. Na U kyk ek op, U wat in die hemel woon.

Psalms 135:6

Alles wat die Here behaag, doen Hy in die hemel en op die aarde, in die oseane en alle dieptes.

Psalms 2:4

Hy wat in die hemel sit, lag; my Heer dryf die spot met hulle.

Psalms 68:4

Maar die regverdiges is bly, hulle jubel voor God, hulle juig van vreugde.

Jesaja 46:10

Ek wat van die begin af die afloop aankondig, van lank gelede af dit wat nog nie gebeur het nie; Ek wat sê, ‘My raadsbesluit sal standhou; alles wat Ek wil, sal Ek uitvoer,’

Daniël 4:32

Hulle gaan jou uitdryf, weg van mense af, en by die diere van die veld sal jou woning wees. Soos vir beeste sal hulle jou gras voer. Sewe tydperke sal oor jou heen gaan, totdat jy erken dat die Allerhoogste magtig is oor 'n menslike koninkryk, en dat Hy dit gee aan wie Hy wil.’ ”

Daniël 4:35

Al die bewoners van die aarde word as niks gereken; Hy doen met die hemelse leër en die bewoners van die aarde wat Hy wil. Daar is niemand wat sy hand kan afweer of vir Hom kan vra nie, ‘Wat het U gedoen?’

Matteus 6:9

“Só moet julle dan bid: “Ons Vader wat in die •hemele is, laat u Naam geheilig word.

Romeine 9:19

Jy sal nou vir my sê: “Hoe kan Hy dan nog 'n mens die skuld gee? Want wie kan sy wil teengaan?”

Efesiërs 1:11

In Hom is ons ook as erfgename uitverkies, voorbestem volgens die voorneme van die Een wat alles volgens sy raad en wil laat gebeur,