Openbaring 9:20 - Die Bybel 2020-vertaling

²⁰ Nogtans het die res van die mense, wat nie deur hierdie plae doodgemaak is nie, hulle nie bekeer van die werke van hulle hande nie. Hulle het aangehou om die demone te aanbid, en ook die afgode van goud, silwer en koper en van klip en hout, wat nie kan sien of hoor of loop nie.

Bybel vir almal

²⁰ Maar die mense wat nie gesterf het van die vuur en die rook en die swael nie, het nie begin lewe soos God wil hê hulle moet lewe nie. Hulle het die duiwels en die afgode aanbid, afgode van goud en silwer en brons en klip en hout, afgode wat nie kan sien of hoor of loop nie!

Afrikaans 1933-1953

²⁰ En die orige mense wat deur hierdie plae nie gedood is nie, het hulle nie bekeer van die werke van hul hande, om die duiwels te aanbid, of die afgode van goud en silwer en koper en klip en hout wat nie kan sien of hoor of loop nie.

Afrikaans 1983

²⁰ Die ander mense, wat nie deur hierdie plae doodgemaak is nie, het hulle egter nie bekeer nie. Hulle het aangehou met die aanbidding van bose geeste en van afgode wat hulle self gemaak het van goud, silwer, koper, klip en hout, en wat nie kan sien of hoor of loop nie.

Contemporary Afrikaans Bible 2023

²⁰ En die res van die manne wat nie deur hierdie plae gedood is nie, het nog nie berou gehad oor die werke van hulle hande nie, om duiwels en afgode van goud en silwer en koper en klip en hout nie te aanbid nie; kan sien, nie hoor of loop nie:

Die Boodskap

²⁰ Die mense wat hierdie plae oorleef het, het jou werklikwaar niks daaruit geleer nie. Hulle het maar net so verkeerd en sondig bly leef. Hulle het hulle nie aan God gesteur nie en glad nie belanggestel om Hom te begin dien nie. Hulle het maar aangehou om allerhande demone te aanbid. Hulle het vir hulle beelde van goud of brons gemaak. As hulle nie goud of sulke dinge gehad het nie, het hulle dit van klip of hout gemaak. Hierdie dooie beelde wat nie eens kon sien of hoor of praat nie, het hulle dan vurig aanbid.

Nuwe Lewende Vertaling

²⁰ Die oorblywende mense wat nie deur hierdie plae doodgemaak is nie, het ook nie tot inkeer gekom wat hulle dade betref nie. Hulle het eenvoudig aangehou om die bose geeste te aanbid, asook die afgode van goud, silwer, brons, klip en hout wat nie kan sien of hoor of loop nie.

Openbaring 9:20 Kruisverwysings

2 Konings 22:17

omdat hulle My verlaat het, en vir ander gode offers verbrand en My gevolglik uitgetart het met al hulle handewerk. My woede het teen hierdie plek ontvlam en dit sal nie geblus word nie.” ’

2 Kronieke 28:22

In die tyd toe hy in die noute was, was hy, koning Agas, selfs meer ontrou aan die Here.

2 Kronieke 34:25

Omdat hulle My verlaat en vir ander gode offers verbrand het, sodat hulle My uitgetart het met al hulle handewerk, sal my woede oor hierdie plek uitgestort word, en dit sal nie geblus word nie.’

Psalms 106:37

Hulle het hulle seuns en dogters aan demone geoffer

Jesaja 2:8

Hulle land is vol nuttelose afgode; voor hulle handewerk buig hulle in aanbidding, voor dit wat hulle vingers gemaak het.

Jesaja 41:7

Die vakman bemoedig die smid; die een wat met 'n hamer die uitklopwerk doen, bemoedig die een wat op 'n aambeeld slaan. Hy sê van die smeewerk, ‘Dit is goed!’ Hulle slaan die beeld met spykers vas, sodat dit nie omkantel nie.

Jeremia 1:16

Ek sal my oordele oor hulle uitspreek weens al hulle boosheid – omdat hulle My verlaat het, vir ander gode offers verbrand het en voor hulle handewerk in aanbidding gebuig het.

Jeremia 25:6

Moenie agter ander gode aanloop om hulle te dien en voor hulle in aanbidding te buig nie! Moet My nie tart met julle handewerk nie, sodat Ek julle nie kwaad aandoen nie.

Jeremia 44:8

Julle doen dit deur My te tart met die werk van julle hande, deur vir ander gode offers te verbrand in Egipteland, waarheen julle gekom het om as •vreemdelinge te woon, sodat julle julleself sodoende uitroei en 'n vervloeking en bespotting word onder al die nasies van die wêreld.

Jeremia 5:3

Here, u oë, is dit nie gerig op betroubaarheid nie? U het hulle geslaan, maar hulle het geen pyn gevoel nie. U het hulle verniel, maar hulle het geweier om teregwysing te aanvaar. Hulle het hulle gesigte harder gemaak as 'n rots; hulle het geweier om om te draai.

Jeremia 51:17

Alle mense bewys hulleself dom, sonder kennis. Elke goudsmid staan beskaamd oor sy afgodsbeelde, want sy gietsels is bedrog – daar is nie asem in hulle nie.

Daniël 5:23

Teen die Heer van die hemel het u uself verhef. Die voorwerpe van sy huis het hulle voor u gebring en u, u maghebbers, u haremvroue en u byvroue het wyn daaruit gedrink. Die gode van silwer en goud, koper, yster, hout en klip, wat nie sien, nie hoor of enigiets weet nie – u het hulle lof besing; maar die God in wie se hand u asem is, en by wie al u paaie is, Hom het u nie geëer nie.

Daniël 5:4

Hulle het wyn gedrink en die gode van goud, silwer, koper, yster, hout en klip geprys.

Levitikus 17:7

Hulle mag nie weer hulle offerdiere slag vir die •veldgode, agter wie hulle aan hoereer nie. Dit is 'n voorskrif wat altyd geld vir hulle en hulle nageslag.

Miga 5:13

Ek sal jou asjeras wat in jou midde is, uitruk, en jou stede verwoes.

Matteus 21:32

Want Johannes het na julle gekom met die pad van •geregtigheid, en julle het hom nie geglo nie, maar die tollenaars en prostitute het hom geglo. En hoewel julle dit gesien het, het julle tog nie later berou gekry en hom geglo nie. ”

Handelinge 17:29

“Aangesien ons dan van God se geslag is, moet ons nie dink dat die goddelike wese soos goud of silwer of klip is nie – 'n beeld gevorm deur die vaardigheid en ingewing van 'n mens.

Handelinge 19:26

en julle sien en hoor dat hierdie Paulus nie net in Efese nie, maar in byna die hele Asië 'n groot aantal mense oorreed en mislei het deur te sê dat gode wat met die hand gemaak word, glad nie gode is nie.

Handelinge 7:41

Toe het hulle in daardie dae 'n beeld van 'n kalf gemaak, en aan dié afgodsbeeld 'n offer gebring en hulle oor hulle handewerk verheug.

2 Korinthiërs 12:21

dat wanneer ek weer kom, my God my voor julle sal verneder, en ek sal treur oor baie van dié wat vroeër gesondig het, en hulle nie bekeer het van die onreinheid en onsedelikheid en losbandigheid wat hulle bedryf het nie.

Deuteronomium 31:29

Want ek weet dat julle ná my dood julle ernstig sal wangedra en sal afwyk van die pad wat ek julle beveel het, en dat die onheil julle sal inhaal aan die einde van die dae, omdat julle gaan doen wat verkeerd is in die oë van die Here deur Hom uit te tart met die werk van julle hande.”

Deuteronomium 32:17

Hulle het vir demone, vir nie-gode, vir gode wat hulle nie geken het nie, offers geslag – nuwes wat maar onlangs na vore gekom het, gode wat vir julle voorouers nie bestaan het nie.

Deuteronomium 4:28

en daar sal julle gode dien, maaksels van mensehande, hout en klip wat nie kan sien of hoor of eet of ruik nie.

1 Timoteus 4:1

Maar die Gees sê uitdruklik dat in die laaste dae sommige mense van die geloof afvallig sal word, omdat hulle hulle ophou met dwaalgeeste en die leringe van demone.

Openbaring 15:1

Toe het ek in die hemel 'n ander groot en wonderbaarlike teken gesien, naamlik sewe engele met die sewe laaste plae, omdat die toorn van God daarmee tot 'n einde gekom het.

Openbaring 16:8

Die vierde engel het sy bak oor die son uitgegooi, en die son is toegelaat om die mense met vuur te skroei.

Openbaring 9:19

Die perde se krag het in hulle bekke en sterte gelê, want hulle sterte was net soos slange, met koppe aan, waarmee hulle skade aanrig.

Openbaring 9:21

Hulle het hulle dus nie bekeer van hulle moorde, towery, onsedelikheid of stelery nie.