Openbaring 7:16 - Die Bybel 2020-vertaling

¹⁶ Hulle sal nie meer honger of dors word nie; nie die son nie, ook geen hittegloed sal hulle brand nie.

Bybel vir almal

¹⁶ Hulle sal nooit honger of dors word nie. Die son sal hulle nie brand nie. Niks wat warm is, sal hulle brand nie.

Afrikaans 1933-1953

¹⁶ Hulle sal nie meer honger en nie meer dors hê nie, en nooit sal die son of enige hitte op hulle val nie;

Afrikaans 1983

¹⁶ Hulle sal nie meer honger en nie meer dors kry nie; die son sal hulle nie brand nie en 'n hittegloed ook nie,

Contemporary Afrikaans Bible 2023

¹⁶ Hulle sal nie meer honger en nie meer dors hê nie; en die son sal hulle nie aansteek nie en geen hitte nie.

Die Boodskap

¹⁶ Hulle sal nooit weer honger of dors word nie en die hitte en koue sal nie vir hulle ondraaglik word nie. Daarvoor sal God sorg.

Nuwe Lewende Vertaling

¹⁶ Hulle sal nie meer honger of dors word nie; die son sal nie op hulle neerskroei nie en ook nie ’n hittegloed nie.

Openbaring 7:16 Kruisverwysings

Psalms 121:5

Die Here is jou Beskermer; die Here is jou skaduwee aan jou regterhand.

Psalms 121:6

Bedags sal die son jou nie skaad nie, en snags ook nie die maan nie.

Psalms 143:6

Ek strek my hande uit na U; my diepste wese smag na U soos dor grond. •Sela

Psalms 42:2

Soos 'n wildsbok wat smag na waterstrome, so smag my siel na U, o God.

Psalms 63:1

'n Psalm. Van Dawid. Toe hy in die woestyn van Juda was.

Hooglied 1:6

Moenie na my staar omdat ek donker is, omdat die son my bruin gebrand het nie. Die seuns van my ma was kwaad vir my: Hulle het my die wingerde laat oppas; my eie wingerd kon ek nie oppas nie.

Jesaja 25:4

Ja, U was 'n toevlug vir armes, 'n toevlug vir behoeftiges in hulle nood, 'n skuilplek teen stortreën, 'n skaduwee teen hitte. Want die asem van geweldenaars is soos stortreën teen 'n muur,

Jesaja 32:2

Elkeen van hulle sal daar wees, as 'n skuiling teen die wind, 'n beskutting teen stortbuie, as waterstrome in 'n dor streek, as die skadu van 'n swaar rots in 'n vermoeide land.

Jesaja 41:17

“Die magteloses en behoeftiges soek water, maar daar is niks; hulle tonge verdroog van dors. Ek, die Here, sal hulle verhoor; Ek, die God van Israel, Ek sal hulle nie verlaat nie.

Jesaja 49:10

Hulle sal nie honger of dors word nie, die dor woestynwind en son sal hulle nie tref nie. Ja, hulle ontfermer sal hulle lei, langs waterbronne sal Hy hulle begelei.

Jesaja 65:13

Daarom, so sê my Heer, die Here: “Kyk, my diensknegte sal eet, maar julle sal honger ly. Kyk, my diensknegte sal drink, maar julle sal dors ly. Kyk, my diensknegte sal hulle verheug, maar julle sal beskaamd staan.

Jona 4:8

Teen sonop het God 'n gloeiende oostewind beskik, en toe die son op Jona se kop bak, het hy duiselig geraak en gewens hy gaan dood. Hy het gesê: “Dit is vir my beter om te sterf as om te leef.”

Matteus 13:21

Maar omdat hy nie wortel geskiet het nie, hou hy net 'n rukkie; as verdrukking of vervolging vanweë die woord plaasvind, struikel hy dadelik.

Matteus 13:6

Maar toe die son opkom, is dit verskroei; omdat dit nie wortel geskiet het nie, het dit verdroog.

Matteus 5:6

Gelukkig is dié wat honger en dors na •geregtigheid, want hulle sal versadig word.

Markus 4:17

maar hulle het nie wortel geskiet nie en hou net 'n rukkie. As verdrukking of vervolging vanweë die woord plaasvind, struikel hulle dadelik.

Markus 4:6

Maar toe die son opkom, is dit verskroei. Omdat dit nie wortel geskiet het nie, het dit verdroog.

Lukas 1:53

Hongeriges versadig Hy met goeie gawes, en rykes stuur Hy met leë hande weg.

Lukas 6:21

Gelukkig is julle wat nou honger ly, want julle sal versadig word. Gelukkig is julle wat nou huil, want julle sal lag.

Johannes 4:14

maar wie van die water drink wat Ek hom gee, sal tot in ewigheid nooit dors kry nie. Die water wat Ek hom gee, sal in hom 'n fontein van water word wat opborrel tot die ewige lewe. ”

Jakobus 1:11

Want die son met sy hitte kom op en verdor die veld, en die blom val af, en sy skoonheid gaan tot niet. Net so sal die ryke verwelk in alles wat hy doen.

Openbaring 21:4

Hy sal elke traan uit hulle oë afdroog. En die dood sal nie meer daar wees nie; ook nie rou of 'n gehuil of pyn sal meer bestaan nie; want die eerste dinge het verbygegaan.”