Openbaring 7:12 - Die Bybel 2020-vertaling

¹² en gesê: “•Amen! Die lof, die heerlikheid en die wysheid, die dank en die eer, die krag en die sterkte kom ons God toe vir ewig en ewig. Amen!”

Bybel vir almal

¹² Hulle het gesê: “Amen! Ons prys ons God! Ons prys Hom, ons Koning! Hy het al die wysheid! Ons sê vir Hom dankie! Ons eer Hom! Hy is baie sterk, Hy kan alles doen! Ons wil Hom altyd prys! Amen!”

Afrikaans 1933-1953

¹² en gesê: Amen! Die lof en die heerlikheid en die wysheid en die danksegging en die eer en die krag en die sterkte aan onse God tot in alle ewigheid! Amen.

Afrikaans 1983

¹² en gesê: “Amen! Die lof en die heerlikheid, die wysheid, die dank en die eer, die mag en die sterkte behoort aan ons God tot in alle ewigheid. Amen!”

Contemporary Afrikaans Bible 2023

¹² en gesê: Amen: Seën en heerlikheid en wysheid en danksegging en eer en krag en sterkte kom onse God toe tot in alle ewigheid. Amen.

Die Boodskap

¹² en Hom aanbid: “Niemand hoef hieraan te twyfel nie! Al die lof behoort aan God. Hy is die belangrikste van almal. Hy weet alles. Vir Hom moet ons vir alles dankie sê. Wat ons sê of wat ons doen, moet wees om Hom groot te maak. Hy het al die krag. Niemand is so sterk soos Hy nie. Ja, ons praat van ons God. Dit was van altyd af waar en sal vir altyd van Hom waar bly. Daaraan hoef niemand te twyfel nie!”

Nuwe Lewende Vertaling

¹² en gesê: “Amen, die lofprysing en die heerlikheid, die wysheid, die dank en die eerbetoning, die mag en die sterkte behoort aan ons God vir altyd. Amen!”

Openbaring 7:12 Kruisverwysings

Nehemia 12:46

Ja, van die vroegste tye af, reeds in die dae van Dawid en Asaf, was daar sangleiers en was daar lofliedere en danksegging ter ere van God.

Nehemia 12:8

Die Leviete was: Jesua, Binnuï, Kadmiël, Serebja, Juda en Mattanja wat moes leiding neem met die dankliedere, hy en sy ampsgenote,

Psalms 100:4

Gaan sy poorte binne met lofprysing, sy voorhowe met 'n loflied; loof Hom, prys sy Naam.

Psalms 106:48

Lofwaardig is die Here, die God van Israel, van ewigheid af en vir ewig. Die hele volk moet sê: “•Amen! Halleluja!”

Psalms 107:22

Hulle moet aan Hom •dankoffers bring en met jubelkrete van sy dade vertel.

Psalms 116:17

Aan U sal ek •dankoffers bring en die Naam van die Here aanroep.

Psalms 147:7

Sing vir die Here 'n danklied; besing ons God met begeleiding van liere,

Psalms 41:13

Wat my betref, omdat ek onberispelik is, ondersteun U my. U laat my altyd in u teenwoordigheid staan.

Psalms 50:14

Offer dank aan God, betaal jou geloftes aan die Allerhoogste.

Psalms 72:19

Sy luisterryke Naam moet vir ewig geprys word; mag sy heerlikheid die hele aarde vul. •Amen, amen.

Psalms 89:52

wat die spot dryf – aan u vyande, Here, wat die spot dryf met u gesalfde waar hy ook al gaan.

Psalms 95:2

Laat ons tot Hom nader met dankliedere, met lofgesange juig tot sy eer.

Jesaja 51:3

Ja, die Here het Sion getroos, Hy het al haar puinhope getroos. Hy het haar woestyn soos Eden gemaak, haar Araba soos die tuin van die Here. Vreugde en blydskap word in haar gevind, dankliedere en die klank van begeleiding.

Jeremia 33:11

die geluid van vrolikheid en vreugde, die stem van bruidegom en bruid, die stem van hulle wat sê, “Prys die Here, Heerser oor alle magte, want die Here is goed, ja, vir ewig duur sy troue liefde,” terwyl hulle dank betuig in die huis van die Here. Ja, Ek sal die lot van die land verander om te wees soos voorheen,’ sê die Here.

Jeremia 33:9

En Jerusalem sal vir My 'n naam wees wat vreugde verskaf – as 'n lofprysing en 'n sieraad by al die nasies van die aarde wat sal hoor van al die goeie dinge wat Ek vir hulle doen. Hulle sal sidder en beef oor al die goeie dinge en oor al die voorspoed wat Ek vir haar voorsien.’

Jona 2:9

Maar ek, met 'n danklied wil ek aan U 'n offer bring, wat ek beloof het, sal ek betaal. Dit is die Here wat redding bring.”

Matteus 6:13

En bring ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. •Amen.

Romeine 11:36

Want uit Hom en deur Hom en tot Hom is alle dinge. Aan Hom kom die heerlikheid vir ewig toe! •Amen.

1 Korinthiërs 14:16

Want as mens net in die gees 'n lofprysing bring, hoe sal iemand in die posisie van 'n oningeligte “•amen” kan sê op jou danksegging, aangesien hy nie verstaan wat jy sê nie?

2 Korinthiërs 4:15

Want dit gebeur alles ter wille van julle, sodat die genade, wat steeds meer mense insluit, die dankbaarheid oorvloedig kan maak tot eer van God.

Kolossense 2:7

in Hom is julle gewortel en in Hom word julle opgebou en versterk in die geloof, soos julle geleer is, terwyl julle oorvloedig is in dankbaarheid.

Kolossense 3:17

En wat julle ook al doen, in woord of daad, doen alles in die Naam van die Here Jesus, terwyl julle God die Vader deur Hom dank.

Judas 1:25

aan die enigste God, ons Verlosser, deur Jesus •Christus ons Here, behoort die heerlikheid, majesteit, krag en mag – van voor alle tye, en ook nou, en tot in alle ewigheid. •Amen.

Openbaring 1:18

en die Lewende. Ek was dood, maar kyk, Ek leef vir ewig en ewig; ook hou Ek die sleutels van die dood, en van Hades.

Openbaring 19:4

Die vier-en-twintig ouderlinge en die vier lewende wesens het neergeval, en God wat op die troon sit, aanbid en gesê: “•Amen! Halleluja!”